Hanidabaa Odiya Naa77antto Maxaafaa 16:8 - Wolaytta Bible

⁸ Toophphiyaa asatinne Liibiyaa asati, cora paraa gaaretinne parati de7iyo daro olanchchata gidokkonaayye? SHin neeni GODAN ammanettido gishshau, GODAI eta ne kushiyan aatti immiis.

Hanidabaa Odiya Naa77antto Maxaafaa 16:8 ပူးပေါင်းရင်းမြစ်များ

Hanidabaa Odiya Naa77antto Maxaafaa 12:3

Aara issippe Gibxxeppe yiidai issi sha7anne naa77u xeetu paraa gaareta, usuppun tammu sha7u paraasatanne qoodai bainna Liibiyaa olanchchata, Sukka olanchchatanne Toophphiyaa olanchchata.

Hanidabaa Odiya Naa77antto Maxaafaa 13:16

Israa7eela olanchchati Yihudaa olanchchatu sinttaappe baqatin, Xoossai eta Yihudaa olanchchatu kushiyan aattidi immiis.

Hanidabaa Odiya Naa77antto Maxaafaa 13:18

Israa7eela asai he wode xoonettiis; Yihudaa asai GODAN, bantta aawatu Xoossan ammanettido gishshau, eta xoonidosona.

Hanidabaa Odiya Naa77antto Maxaafaa 14:8

Asayyo wogga gonddalletanne toorata oiqqiya heezzu xeetu sha7u olanchchati Yihudaa zariyaappe de7oosona; qassi qeeri gonddalleta oiqqiyaageetinne wonddafiyaa dukkiyaageeti naa77u xeetanne hosppun tammu sha7u olanchchati Biniyaama zariyaappe de7oosona. Hageeti ubbaikka mino asata.

Hanidabaa Odiya Naa77antto Maxaafaa 16:7

He wode hananabaa yootiya Hanaani Yihudaa Kawuwaa Asakko yiidi, “Neeni Sooriyaa kawuwan ammanettada, GODAN, ne Xoossan, ammanettabeenna gishshau, Sooriyaa kawuwaa olanchchati ne kushiyaappe kessi ekkidosona.

Hanidabaa Odiya Naa77antto Maxaafaa 24:24

Sooriyaa olanchchati qoodan guutta; shin Yihudaa asai GODAA bantta aawatu Xoossaa aggido gishshau, GODAI keehi daro gidida eta olanchchata Sooriyaa olanchchatu kushiyan aattidi immiis. Eti hagaadan oottidi, Yo7aasha qaxxayidosona.

Isiyaasa 18:2

He biittai kiitettiya asata Naile SHaafaa bollaara kiittees; qassi shombboquwaa wolwoluwan wottidi, haattatu bollaarakka kiittees. Inttenoo, eesotiya kiitettiyaageetoo, issi adussanne liiqo asaakko biite; matai haahoi yayyiyo asaakko, wolqqaamanne xooniya kawotetta gidiya, shaafai eta biittaa gidduwan shaakkidi goggiyo biittaa asaakko biite.

Naahooma 3:9

Toophpheenne Gibxxee iyyo zawi bainna wolqqa; Puuxinne Liibee o maaddiyaageeta.