Hanidabaa Odiya Naa77antto Maxaafaa 13:5 - Wolaytta Bible

⁵ GODAI Israa7eela Xoossai Daawitinne a zerettai Israa7eela bolli merinau kawotanaadan, Daawitaara i laamettenna maachchaa maacettidoogaa intte erekketiiyye?

Hanidabaa Odiya Naa77antto Maxaafaa 13:5 ပူးပေါင်းရင်းမြစ်များ

Sameela Maxaafaa Naa77anttuwaa 10:13

Hegaappe guyyiyan, Yoo7aabinne aara de7iya asai Sooriyaa asatuura olettanau lauhu giidosona. Yaatin, Sooriyaa asati a sinttappe baqatidosona.

Kawotu Maxaafaa Koiruwaa 8:20

“Ha77ikka GODAI ba immana giido ufaissaa qaalaa poliis. GODAI kase immido ufaissaadankka taani ta aawaa Daawita sohuwan kawotaasinne ha77i Israa7eela kawotaa araatan uttaas. Qassi GODAA Israa7eela Xoossaa sunttaayyo Beeta Maqidasiyaa keexxaas.

Hanidabaa Odiya Koiro Maxaafaa 17:11

Ne baree wurin, haiqqada ne maizza aawatun gaittiyo wode, taani neeppe guyyiyan ne zariyaa, ne naatuppe issuwaa denttada, a kawotettaa minttana.

Hanidabaa Odiya Koiro Maxaafaa 17:14

Taani a ta asaa bollinne ta kawotettaa bolli merinau sunttana; a kawotaa araataikka merinau minni eqqana” yaagees' yaaga” yaagiis.

Hanidabaa Odiya Naa77antto Maxaafaa 6:16

“Ha77ikka abeet GODAU, Israa7eela Xoossau, neeni ne ashkkaraassi, ta aawaa Daawitassi, 'Neeni ta sinttan hemettidoogaadan ne naatikka ta higgiyan hemettanau bantta ogiyaa naagikko, Israa7eela kawotaa araatan uttiya asa neeni mulekka xayakka' yaagido qaalaa pola.

Nahimiyaa Maxaafaa 5:9

Taani qassikka hagaadan yaagaas; “Intte oottiyoobai likke gidenna; nu morkketi, Aihuda gidennaageeti nu bollan qilliiccenna mala, nu Xoossaassi yayyanaunne likke gidiyaabaa oottanau intteyyo bessennee?

Leemiso Maxaafaa 1:29

Aissi giikko, eti eratettaa ixxidosona; GODAASSI yayyiyoogaa dooribookkona.

Ermmaasa 33:26

taani Yaaqooba zerettatanne ta ashkkaraa Daawita zerettata agga bayana; yaatabeennabaa gidiyaakko, Abrahaama, Yisaaqanne Yaaqooba zaretu bolli kawoyanau Daawita zerettaa doorennan aggana. Taani ta asaa maarana; taani eta zaarada ishalissana” yaagiis.

Hizqqeela 43:24

naa77aakka GODAA sintti shiishsha. Yaatobare qeeseti eta bolli maxiniyaa qolidi, GODAAYYO xuuggiyo yarshsho oottidi yarshshona.

Daaneela 5:18

“Kawuwau, Ubbaappe Xoqqiya Xoossai ne aawaa Naabukadanaxoorassi kawotaa, gitatettaa, bonchchuwaanne anggaa immiis.

Wogaabaa 2:13

Neeni shiishshiyo kattaa yarshsho ubban maxiniyaa yegga; aissi giikko, maxinee neeni ne Xoossaara maacettido maachchaayyo malaata. Hegaa gishshau ne kattaa yarshshuwaa ubbaa maxiniyan mal77etta.

Qoodaabaa 18:19

Israa7eelati GODAAYYO immiyo geeshsha yarshsho ubbaa neessi, ne attuma naatussinne ne macca naatussi merinau gishsha oottada immais. Hageekka taani nenaaranne ne zerettatuura maacettiyo merinaa maachcha” yaagiis.

Naa77antto PHeexiroosa 3:5

Daro wodiyaappe kase Xoossai haasayin, saloinne sa7ai merettidoogaa eridi, eti akeekennan ixxidosona. Sa7ai haattaappenne haattan merettiis.

Sameela Maxaafaa Koiruwaa 16:1

GODAI Sameela, “Israa7eela bolli i kawo gidenna mala, taani ixxaichchido Saa7oola gishshau, neeni aude gakkanaashin yeekkuutee? Ane kaciyan zaitiyaa kunttada kiya; taani nena Beetaliheemiyaa Isseyakko kiittais; kawo gidana mala, taani a naatu giddoppe issuwaa doora wottaas” yaagiis.

Sameela Maxaafaa Koiruwaa 16:12

Yaagin Isseyi kiittidi, na7aa ehiissiis; he na7ai arssa; aifiyaara lo77iya puulanchcha. GODAI Sameela, “Dendda eqqada tiya; hagee a” yaagiis.