Sameela Maxaafaa Koiruwaa 8:7 - Wolaytta Bible

⁷ Woossin GODAI Sameela, “Asai nena giyo qaalaa ubbaa siya; aissi giikko, taani eta bolli kawotennaadan, eti tana ixxidosonappe attin, nena ixxibookkona.

Sameela Maxaafaa Koiruwaa 8:7 ပူးပေါင်းရင်းမြစ်များ

Kessaabaa 16:8

Hegaappe guyyiyan Muusee, “I intteyyo maanau omarssi ashuwaa immiininne intte koyiyo oittaa ubbaa intteyyo maallado immin, i GODAA gidiyoogaa intte hegan erana. Aissi giikko, intte a bolli zuuzummidoogaa i siyiis. Nuuni oonee? Intte nu bolli zuuzummekketa; intte GODAA bolli zuuzummeeta” yaagiis.

Isiyaasa 66:4

Hegaa gishshau, taani metuwaa etayyo doorana; eti yayyidobaakka taani eta bollan ehaana. Aissi giikko, taani xeesido wode, ooninne koyibeenna; taani haasayido wodekka ooninne ezggibeenna. Eti ta sinttan iitabaa oottidosona; taani ufaittennabaa dooridosona” yaagees.

Ermmaasa 34:14

He maachchaa maaran, 'Ibraawe aillee de7iyo asai ubbai, ailleta usuppun laittaa ootissi simmidi, laappuntta laitti ailletettaappe kessi yeddite' yaagada azazaas. SHin intte maizza aawati taani odiyoogaa siyennan ixxidosonanne taayyo azazettibookkona.

Hizqqeela 2:3

Hagaadan yaagiis; “Laa asa na7au, taani nena Israa7eela asaakko, ta bolli makkalida makkalanchcha kawotettaakko kiittais; etinne eta aawati hachchi gakkanaassikka ta bolli makkaliiddi de7oosona.

Hizqqeela 3:7

Israa7eela asai taani yootiyoogaa siyanau koyenna gishshau, eti neeni yootiyoogaakka siyokkona. Aissi giikko, kumetta Israa7eela asai morgge zozzanne wozana muume gidiyo gishshau, ne yootiyoogaa siyokkona.

Qoodaabaa 22:20

He gallassa qammi Xoossai Balaamakko yiidi, “Ha asai nena xeesanau yiido gishshau, neeni etaara ba. SHin taani neeyyo yootiyoobaa xalaalaa ootta” yaagiis.

Maatiyoosa 10:40

“Inttena mokkiyaagee tana mokkees; qassi tana mokkiyaagee tana kiittidaagaa mokkees.

Luqaasa 10:16

“Intte giyoobaa siyiya asi taani giyoobaa siyees; inttena ixxiya urai tana ixxees; tana ixxiya urai tana kiittidaagaakka ixxees” yaagiis.

Luqaasa 19:14

“SHin a biittaa asai a ixxidi, ‘Hagee nu bolli kawotanau koyokko’ yaagiiddi, asaa a geeduwaa kiittiis.

Luqaasa 19:27

SHin ha bantta bolli taani kawotana mala dosibeenna ta morkketa haa ehiidi, ta sinttan goora7ite’ giis” yaagiis.

Yohaannisa 13:16

Taani intteyyo tumaa odais; ashkkari ba godaappe aadhdhenna. Qassi kiitettida uraikka bana kiittidaagaappe aadhdhenna.

Daannatu Maxaafaa 8:23

Yaagin Geedooni, “Taani inttena haarikke; ta na7aikka inttena haarenna; GODAI inttena haarana” yaagiis.

Sameela Maxaafaa Koiruwaa 10:19

SHin hachchi intte metuwaappenne waayiyaappe ubbaappe inttena ashshiya intte Xoossaa ixxideta; ixxidi, 'CHii! Nu bolli kawo kawoya' yaagideta. Hegaa gishshau, ha77i intte intte zariyaaninne intte yaran gididi, GODAA sintti aadhdhite” yaagiis.

Sameela Maxaafaa Koiruwaa 12:1

Hegaappe guyyiyan, Sameeli Israa7eela ubbaa hagaadan yaagiis; “Intte taayyo yootido ubbabaa taani siyada, intte bolli kawuwaa kawoyaas.

Sameela Maxaafaa Koiruwaa 12:12

“Amoona asatu Kawoi Naa7oosi inttekko yiidoogaa be7ido wode, GODAI intte Xoossai intte kawo gidikkokka, intte tana, 'CHii, nuuni nuna haaranau kawo koyoos' yaagideta.

Sameela Maxaafaa Koiruwaa 8:22

Yootin GODAI Sameela, “Eta qaalaa siya; eta bolli kawuwaa kawoya” yaagiis. Sameeli Israa7eela asaa, “Asai ubbai ba katamaa katamaa simmo” yaagiis.

Sameela Maxaafaa Koiruwaa 8:8

Eta taani Gibxxeppe kessido gallassaappe doommidi, hachchi gakkanaassi tana aggidi, hara xoossatuyyo goinniiddi de7idosona; simmi ha77i eti ta bolli oottidoogaa ubbaa ne bollikka oottoosona.