Sameela Maxaafaa Koiruwaa 23:11 - Wolaytta Bible

¹¹ Qa7iila katamaa asai tana Saa7oolayyo aattidi immaneeshsha? Taani ne ashkkarai siyidoogaadan Saa7ooli tumukka haa yaaneeshsha? Abeet GODAU, Israa7eela Xoossau, taayyo ne ashkkaraayyo yootarkkii” yaagiis. Yaagin GODAI Daawita, “Ee; Saa7ooli yaana” yaagidi zaariis.

Sameela Maxaafaa Koiruwaa 23:11 ပူးပေါင်းရင်းမြစ်များ

Mazamure Maxaafaa 50:15

Yaatada, metuwaa gallassi tana xeesa. Taani nena ashshana; neenikka tana bonchchana” yaagees.

Ermmaasa 11:18

GODAI eta maqquwaa taayyo qonccissido gishshau, taani eraas. He wode eti iitaa oottiyoogaa i tana bessiis.

Ermmaasa 33:3

“Neeni tana xeesa; taani neeyyo koyana; neeni erenna gitabaanne wolqqaamabaa taani neeyyo yootana.

Sameela Maxaafaa Koiruwaa 23:10

Hegaappe guyyiyan Daawiti, “Abeet GODAU, Israa7eela Xoossau, ta gaasuwan Saa7ooli Qa7iila katamaa bashshanau maqettidoogaa taani ne ashkkarai wurssada siyaas.

Sameela Maxaafaa Koiruwaa 23:12

Daawiti, “Qa7iila katamaa asati tananne ta asaa Saa7oolayyo aattidi immaneeshsha?” yaagidi zaarettidikka GODAA oichchiis. Oichchin GODAI, “Ee; eti inttena aattidi immana” yaagiis.