Hanidabaa Odiya Koiro Maxaafaa 28:21 - Wolaytta Bible

²¹ Xoossaa Beeta Maqidasiyan de7iya ooso ubbau qeesetinne Leewati sunttetti uttidosona. Kushe hiilla erai de7iyo asai ubbai nena ooso ubban maaddana. Halaqatinne asai ubbai neeyyo ubbabankka azazettana” yaagiis.

Hanidabaa Odiya Koiro Maxaafaa 28:21 ပူးပေါင်းရင်းမြစ်များ

Hanidabaa Odiya Koiro Maxaafaa 25:25

Tammanne hosppuntta saamai Hanaana gakkiis; i, a naatinne a dabboti muleera tammanne naa77a.

Hanidabaa Odiya Koiro Maxaafaa 26:26

Kawoi Daawiti, aawatu keettaa asaa halaqati, shaalaqati, mato halaqatinne ola gadaawati Xoossaayyo dummayi wottido miishsha ubbaa bolli SHalomiitinne a dabboti sunttettidosona.

Hanidabaa Odiya Koiro Maxaafaa 28:13

Hegaadankka Daawiti qeesetunne Leewatu citati bantta oosuwaa oottana maaraa, GODAA Beeta Maqidasiyaa oosuwaa oottana maaraanne Beeta Maqidasiyaa miishshata naagiyo maaraa yootiya halchchuwaa ayyo immiis.

Mazamure Maxaafaa 110:3

Neeni ne morkketuura olettiyo gallassi ne asai eeno gaana. Maallado guuraa xaazaadan ne wodalla asai neekko qeeri geeshsha deretun shiiqana.

Kessaabaa 31:3

A taani Xoossaa Ayyaanan, hiillan, akeekaaninne ooso ubbaa oottiyo eran kunttaas;

Kessaabaa 35:25

Kushe hiillaa eriya maccaasai ubbai bantta kushiyan suqqido salo milatiya qacinaa, ochchaa teeraa milatiya qacinaa, shololla zo7o qacinaanne liiqo liinuwaa ehiidosona.

Kessaabaa 36:1

“Hegaa gishshau, Baxaali7eeli, Oholi7aabinne Xoossaa Dunkkaaniyaa keexxana mala GODAI eraa immin, luxida asai ubbai GODAI azazidoogaadan ubbabaa oottana” yaagiis.

Kessaabaa 36:2

Hegaappe guyyiyan, Muusee Baxaali7eela, Oholi7aabanne GODAI dumma eratettaa immidoogeeta oosuwaa oottanau yaana koyiya ubbaa xeesidi shiishshiis.

Roome 13:1

Asai ubbai deriyaa heemmiyaageetuyyo haarettanau bessees; aissi giikko, Xoossai geennan de7ishin, dere heemmiyaabi de7anau danddayenna; ha77i de7iya heemmiyaageetikka Xoossai wottidoogeeta.

Tiitu 3:1

Eti deriyaa haariyaageetussinne godatettai de7iyoogeetussi haarettanau, azazettanaunne lo77o ooso ubbaa oottanau giigettanaadan eta hassayissa; qassi eti oonanne cayenna mala, palamettenna mala, asa ubbaa ashkketettaanne doshotettaa bessiyaageeta gidanaadan zora.