Taitus 3:5 - Wantoat

^5-6 ita gatanimuke toknga aknga waiaknganinde pananga aknga sandetnimukut. Ninda sanga nomana aknga tasikumang gamu ita nindupan take siwan ngana waiaknganinu ina banipda siwan sandetnimunangge natake Anututa yawan aminu akgatanimuya apaninu Jesu Kraisda Anututane Waunga gatukande siknga nimukut. Siwan ninu Waungu wa nimukut tapatane gepbiatang yuwatna ita kekeknga aknganata sautnimuke pasiwan sanga aminu kayuk binga dakngake yutnim taknga musipmikatang tamukut. Tamuban buya aake pasiwan ninu Anututane dongane aake aminu kayuk binga dakngake yuamang. Siwan kepi waakngakan tawake tasike Anututa gatanimuke waiaknganinde toknga pananga aknga sandetnimukut.

Taitus 3:5 ပူးပေါင်းရင်းမြစ်များ

Lotutane Kap Taknga 130:7

Ginu Isrel amin, ginda baniu Buyambam tapae asiknga sinong. Dasingge, ita ginde asingganu take siknga natandamunggak. Sike ita gatandamuwawan meya takngatuta asingganu dua pasiwan mainingge nataak.

Lotutane Kap Taknga 143:2

Gata na gikane puya aminu ma usanziwim. Wam yananga tapduk gwenen. Dasingge, aminu tapatu gutongana wena gae kaikane nomanganu yuwiu katasiwi maiwik. Wena.

Lotutane Kap Taknga 51:10

Anutu, gata natane musipma tangenawi na musipma kayuk ba dundumna siwikge nataat. Gata natane waunga tangenake na waungu kayukapa naatang tengami nata gaekan natanggamatawa kekekayok.

Lotutane Kap Taknga 62:12

Gatu anzing yakut, “Asingganu nata aminu kuupbamde take siknga nataat.” Unzingge, Buyambam tapa, gata buya ninu amindabamde nimunggau yuyuk yuamang kaknga kake nimunggayak.

Lotutane Kap Taknga 86:15

Siwan ngana Buyambamtapa, butaya buyambam siknga gata natangamunggayak. Unzingge gata kaanga zet dua naninggayak. Sike gata nae gwaam siknga natangamunggayak. Natake gikane wamu takngatu takngatu yanggau atawanggayak.

Lotutane Kap Taknga 86:5

Buyambam tapa, ga amindatdat binga yuayak, ge gata nindane waiaknganinu asandekgaak kapanin. Sike gata aminu gae tumuk wam ganikaingge asiknga baknganggayak.

Matyu 3:11

“Ginda musipza tapa tekwanggak kakngata siakan siwan kanimde yangga sautdamunggat. Sike apmanu nata gambok enake puya aaknga tasiwawa masande aminu tapatuta enake puya tasiwik. Sike aminu waapatane kekeknga aknganata na atnapbikut. Unzing siwan na aminu umana wenaapa yuatde ita apan kake nata inike, ‘Kepi taukga papa sanggamuut,’ ngang ininangge apmaakanggat. Sike ita Anututane Waung Kapa initewan apu musipza pangenake ginu katapda isindudumukgak binga tasindamik,” ngang yanikut.

Wamu Takeaknga Lukga Matakut Taknga 1:50

Waapata ie akgwaukaingu tapduk tapduk yuaingge banip kwikwik natayamunggak.

Wamu Takeaknga Lukga Matakut Taknga 1:54

Ita bania kwikwiknga aknganae bamin yanike dua yanigokgosakut.

Wamu Takeaknga Lukga Matakut Taknga 1:72

Aminu wa gatanimik kapata apu tasiwan Anututa nindane baminde butaya natake gatayamikge yawan kekekakut takngae dua botawik. Asiknga gatanimik.

Wamu Takeaknga Lukga Matakut Taknga 1:78

Siwan Anututa musia kwikwiknga nataniman kwakanangge siwan saamda muke zikaa aknga tawamban sandewan kwakawan kaamang. Ina unzakan tapduknga Anututa akgatanimik gwenu

Pas Polda Rom Nana Aminde Matayamukut San 11:6

Ngan. Ita ina banipda siwan butaya natayamuke papan yuaing ngang natakengu ninda anzing dua natapnim. Wa aminda mama wamu katak siknga tawake tasiwawa Anututa kawan amin noman siwan ita papan yuaing ngangu dua natapnim. Aho. Ita unzing pakut gamu ita ina banipda siwan wa aminde butaya natayamuke pakut ngang yananu kem siwik.

Pas Polda Rom Nana Aminde Matayamukut San 12:2

Siwan ginda sanga aminu Jesue masa imukaing aminda wai takngatu takngatu pasikaing kaknga ma tawake tasiwam. Wena. Anututa musipza papan nomatawa ginda Anutue banip tawake sanga nomana siknga aknga Anututa kawan take singgak kakngakan tawake tasinong.

Pas Polda Rom Nana Aminde Matayamukut San 3:28

Dasingge? Ninda anzing natapna kekekanggak. Aminda mama wamu katak siknga tawake tasiwiu Anututa aminu waapae aminu noman tapa ngang dua natapik. Aho. Anututa aminu Jesue natapan kekekawiu waapaekan natake aminu noman tapa daknganggak ngang natapik.

Pas Polda Rom Nana Aminde Matayamukut San 4:5

Ina unzakan. Aminu tapatuta Anutue nomune amin noman tapa daknganangge ba natapik. Natake waapata Anutue natake Anutu ninu wai aminde butaya natake gatanimunggak kapata tasike ninda moo siknga aminu noman amin daknganimde kepi tasinimunggak ngang natapik. Natake waapata puya takngatu tasinangge dua natake ngana ita Anutue natapan kekekawanu Anututa aminu waapae natake aminu noman tapa daknganggak ngang natapik.

Pas Polda Rom Nana Aminde Matayamukut San 9:11

Sike waaknga wa tapaau dua aake sanga tapatu takeaknga ba waiaknga ba dua tasike yuwawat Anututa minga waapa anzing inikut, “Tupan aawik kapata masan aawik kapae gepbiatang yuwik,” ngang inikut. Wamu waaknga iniwan sanga Anututa ina banipda siwan natake ina usanzike aminu inae papan yuaing kakngata anggaman siwikge inikut. Asikaya Anututa puya nomana aknga aminda tasikut takngae apbakngake waapa tapan yuak? Wena siknga.

Pas Polda Rom Nana Aminde Matayamukut San 9:16

Unzing yakut takngae dasing natapnim? Asikaya aminu ina banipda siwan natake puya kwatan tasiwiu waapae Anututa butaya natake aminu waapa inae tapan yuwik? Aho. Anututa ina butaya natake tapik.

Pas Polda Rom Nana Aminde Matayamukut San 9:30

Unzingge ninda dasing yanim? Ninda anzing yanim. Aminu Isrel nana dua ngana keu komduine nana aminu Anutue nomune amin noman daknganangge dua natapbingu wa amikat nana kunduta Jesue natapa kekekanggak. Jesue natapa kekekawan kake Anututa amin noman ngang yaninggak.

1 Korin 6:11

Siwan aminu gikat gatake yuaingu kunduta tupa aminu wai wa binga dakngake yuking. Ngana Anutunindane Waung Kapata musipza papan nomatawa ginu sanga Buyambam tapaninu Jesu Kraisda ninde tasinimukut takngae banip siking. Ginu ie banip sikingge Anututa ginu inae papan ginu itane aminabam dakngaking. Dakngake ginu itane nomune amin noman dakngake kepi nomana akngane sukuningge natake ita waiakngasa sandetdamukut.

Galasia 2:16

Ngana ninu atnataamang. Aminu Mosesdane mama wam tawake tasiwiu Anututa waapae natapan amin noman dua siwik. Aho. Aminu Jesu Kraisde natapan kekekawiu waapata Anutue nomune amin noman dakngawik. Sike ninu sanga waaknga atnataamang aminda Anutue nomune amin noman daknganangge natake Mosesdane mama wamna tawake aminu noman daknganimde dua nataamang. Aho. Ninda Jesue natapna kekekawan amin noman daknganimde natake tasikamang. Dasingge? Aminu tapatu Mosesdane mama wamna tawake tasiwiu waapae natake Anututa ga dudumna apa ngang dua iniwik. Wena,” ngang inikum.

Efesas 2:4

Siakan. Ninda nisane waiaknganinu kumzang tasike yuwatna sanga wa toknga yake ninde nimunanga akngata ayutnimukut. Yutniman ngana Anututa ninde butaya siknga natanimuke ita musip kwikwik natanimukut. Siwan nindane musipminu sanga Kraisda akumbut katangga gatuna enakut takngata pangenawan ninda musipmin tana tekwamban waiaknganin bitateke Jesue kukumang. Ninda Jesue kuna ninduke Anututa nin gatanimuke sanga toknga wa ninde nimunanga akngane ninu sandekut. Sandeke ita nin pasiwan ninda iat gatake asinggan kekeknga yutnim. Ngan. Anututa ina musip kwikwiu ninde natanimuke ninu toknga pananga akngane sandekut.

Efesas 4:23

Sike ginda katewa Anututa gindane natdetdetza papan nomatawa ginda natdetdeu kayuk panong.

Efesas 5:26

Ngan. Kraisda ninde tangge wa kungwanimukuu ita ninu itane aminabamdane waiaknganin sandetnimunangge natake tasikut. Nindane waiaknganin sandetniman yanggata sautnimukaing binga inane wam takngata nin papan nomatanimde natake ita ninde tangge kungwanimukut.

Kolosi 3:10

Siakan. Anututa natdetdeu kayuu ita ina nataak kaknga ginde gwa damukut. Daman take ginda aminu inata kundu binga dakngaking. Siwan sanga wa ginda aminu inata kundu binga dakngaking kakngae yapii Anutu unin.

2 Timoti 1:9

Ita nin gatanimuke nindane waiaknganinde toknga panim takngane ninu sandeke yaniwamban ie kukumang. Ninu inane amina dakngake yutnimde natake yaniwamban kukumang. Ita sanga take ninda tasikumang kakngae dua natake ninu yaniwakut. Aho. Inae banipda siwan ninde musip kwikwik natanimuke yaniwakut. Tupa siknga Anututa kepdaka dua tasike tekuune ita sanga Jesu Kraisda ninde tasinimik kakngae natake Anututa musip kwikwiu ninde natapnangge yawan yukut.

Taitus 3:4

Ninda tupa unzing sukukumang ngana Anutu nin gatanimuya apata ninde butaya siknga natanimunggak kakngata anggaman apana

Hibru 10:22

Unzingge ninda Anutue wesimu take kunim. Ngan. Ninda nindane musipmikatangu Anutue natanggamatake ita nin gatanimik ngang natapna kekekawan ie wesimu take kunim. Siwan Jesuta inane dakngata nindane waiaknganinu gwa sandetnimukut ngang natake ie wesimu take kunim. Kuke ninda nisa natapna natdetdetninu kakaa siknga siwan yangga dopna wenata ninu sautnimukingge ninda Anutue wesim take kunim.

Hibru 4:16

Unzingge ninda Anutu enane siknga yuak kapae wesim kunangge dua gwautnim. Aho. Meya takngatuta ninde apan kakengu ninda Anutue inindatapna ita ninde musip kwikwik natanimik. Natanimuke ita nin gatanimuke ninu meya waakngane sandewik.

Hibru 6:6

Sike ngana aminu nikat nana kunduta apimake Anutue masa imanu wa aminda gatuna apuke musia tapa tekwambikge kepi wena. Aho. Anututa wa aminde natapan aminu Anututane waaknga amin saamdakane tanguwa kupan aminbamdane kaine ie asapdukngamuking amin binga daknganggak.

1 Pita 1:3

Nanin Anutu Buyambam tapaninu Jesu Kraisdane Anutu unin. Sike ninda ie asiknga inimbaknganim. Dasingge? Ita ninde butaya siknga natake nin gatanimunangge natake ita Jesu Krais akumbut katangga gatu tangenakut. Sike wa tangenakut takngata ninu take siknga gatanimukut. Gataniman ninda sanga kayuk asinggan yutnanga aknga gwa takumang. Take yusika ninda sanga take siknga Anututa ninde tasinimunangge yakut takngae apbakngake natayuamang.

1 Pita 2:10

Tupa ginu katum amin moo siknga yuking ngana Anututa ginu inae papan ginu itane aminabam dakngake yuaing. Ngan. Tupa Anututa ginde musip kwikwiu dua natandamuke ita ginde semna natapan yuking. Ngana apmaau ita ginde musip kwikwiu atnatandamunggak.

1 Pita 3:21

Siwan yangga buyambamu wa enakuu aminu kunduta yangga gwene engatangan take yukingge natake nata tuwanguke wamu ninde yangga sautnimuking kakngae daniwa natapnong. Yangga waakngata gin gatandamunggak ngana yangga sautnimukingu wa nindane wasapmin sauwan ninda amin noman dakngakumang ngangu yananga dua. Wena. Sanga Jesu Kraisda akumbut katangga gatuna enakut takngata nindane musipmin pangenawan ninda kepi nomana tawanangge natapbumang. Natake nisae natapna natdetdetninu kakaa siknga singgak kaknga akekekawikge natake yangga saukumang.