Pas Polda Rom Nana Aminde Matayamukut San 7:18 - Wantoat

¹⁸ Na atnataat. Nata tupa Jesuat dua gatake yuke musipmaatangu sanga takeakngae dua natapbum takngata ayuak. Yuwawan apmanu nata Jesuat gatake yuke sanga nomana aknga tasinangge nataat ngana kepi wena.

Pas Polda Rom Nana Aminde Matayamukut San 7:18 ပူးပေါင်းရင်းမြစ်များ

Lotutane Kap Taknga 119:173

Na gatane mama wamu atawanggat. Unzingge gata gatangamunangge asinggan tandakngayo.

Lotutane Kap Taknga 119:176

Sike na kepi noman taknga sipsip gwenda ginikakut binga tekum. Unzingge gata asiknga apu nae nawamso. Puya aminda tapakaen. Dasingge, na gikan mama wamba dua teat.

Lotutane Kap Taknga 119:32

Nata zaatgaman gikane wamba tawambit. Dasingge, gata meya musipmaatang yukingu gwa sandekuyak.

Lotutane Kap Taknga 119:40

Na gatane mama wamba kuutgan tawambitde take siknga nataat. Gatane yuyukga noman gan siknga. Unzingge kayuk yutnanga aknga gata namuyo.

Lotutane Kap Taknga 119:5

Nata nataau nata kekekake gatane mama wamba asinggan tawambitde nataat.

Lotutane Kap Taknga 51:5

Ga atnatayak, tapduu mingata na tangaikut gwene na aminu waiaknga tasiya amin dakngakum. Sike musipganang yukum patangu na waiaknga tasiya amin dakngake yukum.

Matyu 15:19

Sanga musiaatang natdetdet gutonga takngatu takngatu natake amin zipmakaing ba yasewa pasikaing ba kukae pakaing ba wam yaningge kuku kem wam yakaing ba sapdut wam yakaing.

Wamu Takeaknga Lukga Matakut Taknga 11:13

Ginda wai pasiya amin dakngake yuaing ngana waatdakasae sanga take aknga ayamukaing. Siwan mamin aminda Naninde inane Waung Kapa yamikge iniwanu yamunangge apmeptawik ba dasing? Wena,” ngang yanikut.

Wamu Takeaknga Jonda Matakut Taknga 3:6

Sanga aminda tangaiwiu wa gupban keune nana sanga. Siwan ngana sanga Waungga tangenawiu wa enandang nanae sanga.

Pas Polda Rom Nana Aminde Matayamukut San 13:14

Aho. Ginda Buyambam tapaninu Jesu Kraiskat gatake musipza takngatukan natake ie banip tawake tasinong. Tasike sanga wai musia enaya aknga tawanangge ma natapam.

Pas Polda Rom Nana Aminde Matayamukut San 7:15

Ngan. Nata sanga waiaknga tasinggatde natake sanga dasing kakngata musipma tangenawan tasinggat ngang nataat. Sanga nomana aknga nata atasinangge nataat ngana waaknga dua tawake tasinggat. Sike sanga waiaknga nata tasinangge apbitanggau atasinggat.

Pas Polda Rom Nana Aminde Matayamukut San 7:19

Siwan sanga takeaknga nata atasinangge nataau waaknga dua tasinggat. Siwan sanga waiaknga tasinangge apbitanggau waaknga nata atasinggat.

Pas Polda Rom Nana Aminde Matayamukut San 7:25

Ngan. Na musipmaatang nata Anutue mama wam tawanangge nataat ngana waiakngata na nanduyuke tanggaganuwan waiaknge tawake tasinggat. Siwan ngana Buyambam tapaninu Jesu Kraisda sanga waaknga asandekngamik ngang natapa kekawan nata Anutue asiknga inimbaknganggat.

Pas Polda Rom Nana Aminde Matayamukut San 7:5

Ngan. Tupa ninda sanga wai musia enaya akngakan tawake tasiwatna mama wamda musipmin pangenawan wamu ma tasiwam ngang ninikut taknga zetgaman sandetnangge natapbumang. Sandetnangge natake tasina buya aawan akumananga akngata yutnimukut.

Galasia 5:17

Dasingge? Sanga musipmin enaya akngata enake sanga Waung Kapata tangenakgak kaknga yaitapaakusinggak. Sike Waung Kapata tasike sanga musia enayaaknga yaitapaakusinggak. Siwan sanga wa takngaatda amak binga tasikamayak. Tasike gindane kepisa umutdamat ginda sanga musia enayaaknga tasinanga dua.

Galasia 5:24

Siwan aminu Jesu Kraisdane amina dakngake yuaingga sanga musia enayaaknga gwa tanguwa kumbut.

Filipai 2:13

Dasingge? Anututa gindane musipzaatang pasiwan ginu itane banip tawanangge natapningge pasinggak. Sike ginu sanga ita ina nataak kaknga tawake tasiningge natake gindane musipza pangenakgak.

Filipai 3:12

Sike nata Anutue kekeknga siknga natayuke na pimananga dua ngangu na unzing dua nataat. Aho. Nata kayuk yuke Anutue kekeknga siknga yutnanga aknga tanangge natake puya kekeknga siknga tasike yuat. Dasingge? Jesu Kraisda na tapan itane amina dakngake yuat.

Taitus 3:3

Sike tupa nikaya natdetdetninu nomana dua siwan yukumang kakngae natake wamu waaknga ganinggat. Tupa nikaya katum amin yuke wamu asandekakumang. Sanga buyana wena kem takngae gepbiatang yukumang. Musia sanga waiakngae enakaing kakngata nin panggaganuwan yukumang. Aminde semna natayamuke amindane sangaapana kake musipminu wai natapbumang kakngane sukukumang. Unzing sukuke tasiwatna aminda ninde semna natanimuke tasiwawa ninda yake semna natayamukumang.

1 Pita 4:2

Bitateke waapata sanga wai musia enayaakngane dua sukuwik. Aho. Ita asinggan Anutue banip tawambik. Tawake tasiwawan kuku tapduknga ita akupik gwenda apik.