Pas Polda Rom Nana Aminde Matayamukut San 1:9 - Wantoat

⁹ Siwan nata Anututane puya tasinangge iaknga siknga nataat. Natake wamu take itane waakngata tasikut taknga aminbamde yanikapmanggat. Sike Anututa nae atnataak. Nata asinggan ginde natanggamatake tumuk wamu Anutue ininggat.

Pas Polda Rom Nana Aminde Matayamukut San 1:9 ပူးပေါင်းရင်းမြစ်များ

Wamu Takeaknga Makga Matakut Taknga 1:1

Jesu Krais Anututane waakngaapata yake tasikutde wamu takeaknga anzing.

Wamu Takeaknga Lukga Matakut Taknga 18:1

Siwan Jesuta tuwang wamu takngatu yanindamuban asinggan tumuk wam yake semna dua natapningge anzing yanikut,

Aposel 12:5

Natake Pita tewan kaaut yot katanggan kayuking. Kayuwawa nganu Jesuat nana aminda Anututa gatangamikge tumuk wamu kekeknga siknga ngang yaking.

Aposel 19:21

Siwan masande Polda akunangge natapan kekekakut. Natake kep komaya Masedonia kep gatu Akaia kep ngang yanikaing komaane sukutake kuku uneta Jerusalem kunangge natapan kekekakut. Natake anzing yakut, “Jerusalem kukenga Rom yot gapmane asiknga kuwit,” ngang yakut.

Aposel 24:14

“Ge wamu takngatu anzing danikapnangge nataat. Nata Anutu bamindane tapaekan gwetake inindatanggat takngae aminu aakwau natake nata Jesu Buyambam tapana ngang yake tasiwa nanduke wai tasinggayak ngang nanisapdukaing. Kepi waaknga tawake tasike Mosesdane mama wam gatu Anutue wamu tupa siknga ngang yakapbing aminda mataking kakngae banip asinggat.

Aposel 27:23

Na zikaa anggwene kawawa Anutu asinindatake gena gwaamukgat tapatane angelana tapatuta nae apuke anzing nanik,

Aposel 3:26

Buya aawan Anututa aminu tapatu tapan puya amina dakngawan ginda waiakngasae masa imuningge Anututa aminu waapa initewan kuke ginu Judia nana aminde gamok apbut.” Ngangu wamu waaknga Pitata aminbam yanikut.

Pas Polda Rom Nana Aminde Matayamukut San 9:1

Nata Kraiskat gatake yuatde nata siakan wamu takngatu daniwa natapnong.

2 Korin 1:23

Sike nata kem wam yawa kakengu Anututa natane wai waaknga anggaman tapan tapik. Nata ginde kunangge natapbum ngana na gatuna natagwaanguke nata ginde kuke kaanga danike gindane musipza papa nomataning. Unzing tasiwa ginda nae semna natake yamandet sikaing kakngata kekekayak ngang natake nata ginde dua kukum.

2 Korin 11:31

Anututa atnataak. Wamu nata yanggau wa nata kem dua yanggat. Aho. Anutu Buyambam tapaninu Jesu Kraisdane nana apata nae natake ita kem wam dua yanggak ngangu atnataak. Itane umana asinggan asinggan yatangenatna kekeknga siknga yuwik.

Galasia 1:20

Siwan wamu wa nata matandamunggat takngae natake Anututa natapan kem dua singgak ngang natapnong.

Efesas 6:18

Siwan tumuk wamu Waung Kapata gindane musipza pangenawan natapningu waaknga asinggan yake ginda Anutue yatawanong. Yatawake tendeknga wena asinggan ininong. Inike ginda tumuk wamu Anututa inane aminabam gatayamikge natake inindatapnong.

Filipai 1:3

Sike tapduknga nata ginde nataat gwene tumuk wamu ginde ayanggat.

Filipai 1:4

Tumuk wamu ginde yanggau nata ginde apbakngake yanggat.

Filipai 2:22

Siwan ngana ginu Timotie atnataaing. Aminu nomanaapa unin. Ita naat gatake yuke wamu takeaknga yanikapmakamak. Unzing waakngata nana gatayamukaing binga tasinggak.

Filipai 3:3

Ginu atnataaing. Anututane Waung Kapata nindane musipmin pangenawan ninda Anutu inimbakngake Jesu Kraisdane umana yatangenakamang. Yatangenake sanga wa Anututa wam yawan kekekakut takngae natapna siakan siwan ninu inane amina siknga dakngake yuamang. Siwan ngana aminu kunduta inane sanga akngae natake inane umana yapangenake Anututa nindane sanga waakngae natake ninde take natapik ngang yakaing. Sike ninda wa amindane sanga akngae natapna sanga moo binga singgak.

1 Tesalonaika 1:2

Tapduk bamu ninda ginde natake Anutu asinimbakngakamang. Siwan ninda gindane umanza tumuk wam yakamang gwekatangu ayakamang.

1 Tesalonaika 3:10

Inimbakngake yuke kwepapman tendeknga wena tumuk wamu asinggan ninda gindane nomza dandupnangge musipmikatangu toknga siknga natake yakamang. Yake ginda Jesue atnataaing kaknga dapaknga ba siwanu gindane natdetdetza pana nomatawan gatu take siwikge natake yakamang.

1 Tesalonaika 5:17

Ginu tumuk wamu asinggan asinggan yanong.

1 Timoti 2:7

Sike tapduu ita yawan yukut komune nata aminu buyambamde wamu waaknga yanikapitde ita na takut. Na tapan nata itane kwiiknga dakngakum. Dakngawa aminda na aposel ngang nanikaing. Ngan. Ita na tapan nata ginu keu komduine nana aminde kuke gin danindamumbitde na takut. Nata ginu Judia nana amin dua ngana gikaya kuut Anututane siakan wam taknga danindamuba ginda wamu waakngae banip siningge natake puya waaknga nae namukut. Kem dua. Wamu nata wa yanggau nata siakande yanggat.

2 Timoti 1:3

Sike natane bamata tupa musiaatangu natdetdeu gutonga takngatue dua natanggamatake Anututane kepi tawake nomana siknga sukukaking. Ina unzakan nakaya atasinggat. Tasike tumuk wamu zikaane gatu kwakngaom ngang yanggau asinggan na gae natanggamatake Anutu inimbaknganggat.

Filimon 1:4

Siwan nata wamu nataawa aminda gae asinggan yake gata Buyambam tapaninu Jesue natapi kekekawan banip gwaangu itane aminabamde natayamunggayak ngang yawawa nataat. Natake tumuk wam yanangge natakengu nata gae asinggan natake gatane umanda yake gaak wamu Anutunae inimbaknganggat.