Pas Polda Rom Nana Aminde Matayamukut San 1:7 - Wantoat

⁷ Ita unzingu na takutde nata pas asanu ginu Rom yot gapmane yuaing aminde matandamunggat. Anututa gin yandawamban ginda itane aminabam dakngake yuwawa ita ginde musip gwaang natandamunggak. Nata ginde anzing nataat. Nanin Anutuat gatu Buyambam tapaninu Jesu Kraiskatda ginde kwikwiknga natandamuke gindane musipza pasiwat musipza kwikwikngata yutnong.

Pas Polda Rom Nana Aminde Matayamukut San 1:7 ပူးပေါင်းရင်းမြစ်များ

Lotutane Kap Taknga 60:5

Gatanu ninde take siknga nataayak. Natake gikane kekeknga buyambam taknganeta gatanimuke ninu gatuka papso. Siwana ninu take yutnim.

Matyu 5:16

Ina unzakan. Aminbamda ginda take tasikaing kakngasa kakaa aknga binga siwan danduke Nanza enandang yuak kapae inimbaknganing,” ngang Jesuta pandetna yaniwan natapbing.

Wamu Takeaknga Jonda Matakut Taknga 20:17

Inike tanggaganuke yuwawan ngana yake anzing inikut, “Gata napmamso. Na enandangu Nanae dua kot. Siwan ngana gata natane notnae kuke anzing yaniyo, ‘Na enandangu naat gikatde Nanin Anutuninde konggat,’ ngang gata kuke yaniyo,” ngang inikut.

Aposel 15:23

Ge pas sandu matake aminu waakwakge yamuke yanipewan kuking. Siwan pas wasanu matakingu anzing mataking, “Notna! Pas asanu ginu kepman amikat nana Jesue natake gatanimuya apanin ngang natapa kekekawan Antiok yot Siria kep komune yuak gapmane nana gatu Siria kep komune gatu Silisia kep komune yuaingge matakamang. “Ninu aposel ngang ninikaing amikat gatu aminu Jesutane puya kayuya amin dakngake yuamangga notza dakngake yuke ginde matakamang.

Aposel 9:13

Iniwan Ananaiasda yake anzing inikut, “Buyambam tapa! Aminu waapata gatane aminda Jerusalem yuaingge tokngabam yamukutde aminbamda gwa naniwa natapbum.

Pas Polda Rom Nana Aminde Matayamukut San 1:6

Unzingge nae aposel amin tapa ngang nanikaing. Sike gikaya Rom yot gapmane nana aminu Anututa ginu papan Jesu Kraisdane aminabam daknganingge pakut aminde kuwit. Kuke nata musipza papa kekekaningge natake ita na takut.

Pas Polda Rom Nana Aminde Matayamukut San 5:1

Siwan sanga Buyambam tapaninu Jesu Kraisda nin gatanimuke tasikut takngae natake ninda Jesue natapna kekekanggak. Unzingge Anututa ninde natake amin noman dakngake yuaing ngang nataak. Natake sanga Jesuta tasinimukut takngata nin gataniman Anututa ninde musip kwikwik natanimuke yuak.

Pas Polda Rom Nana Aminde Matayamukut San 5:5

Sike sanga wa natayuamang kaknga buya asaawik. Buya aawana ninda sanga waakngae maaknga dua panim. Dasingge? Anututa inane Waung Kapa ninde niman ita musipmin papan kekekanggak. Papan kekekawan ninda sanga Anututa ninde butaya natanimunggak kakngae natapna buyambam siknga singgak.

Pas Polda Rom Nana Aminde Matayamukut San 8:28

Ngan. Ninu atnataamang. Anututa natake ninda itane aminabam daknganimde natake ninu yaniwamban ie kukumang aminda musip gwaangu Anutue natangamukamang. Natake sanga ninde apa kaamang kaknga meya ba kwanga ba kake yuwatna Anututa tasiwan sanga wa kuupbamda akgatanimukaing.

Pas Polda Rom Nana Aminde Matayamukut San 8:39

Sanga enandang nanaat gatu sanga amunandang nanaat ba sanga tapatu Anututa tasike tekuu tapatuta ninu sandetnanga dua. Wena. Anututa ninde butaya natanimukut taknga Buyambam tapaninu Jesu Kraisda yeutniman kakumang kakngane sanga tapatuta ninu sandetnanga wena. Dua siknga sandewik.

Pas Polda Rom Nana Aminde Matayamukut San 9:25

Siwan sanga waakngaekan natake ayanikapsa aminu tapatu umana Hosia ngang iniking kapata wamu Anututa yakut taknga anzing matakut, “Aminu natane aminabam dua dakngake yuaingu wa aminde nata yanike, ‘Natane aminabam,’ ngang yaniwit. Aminu nata musip gwaangu dua natayamukumu wa aminde musip gwaangu atnatayamit,” ngang matakut.

1 Korin 16:23

Buyambam tapaninu Jesuta musip kwikwiu ginde natandamuke gikat gatake yutnong.

2 Korin 13:14

Siwan nata tumuk wam iniwa Buyambam tapaninu Jesu Kraisda ginde musip kwikwik natandamuke yuwawan gatu Anututa ginde butaya natandaman inane Waung Kapata gindane musipzaatang pukuke papan ginda iat musipza takngatukan natake yutning. Unukan.

Galasia 6:18

Mate notnabam! Nata ginde natake Buyambam tapaninu Jesu Kraisda ginde musip kwikwik natandamikge take siknga nataat. Unukan.

Efesas 1:2

Nata tumuk wam yawa Nanin Anutuat gatu Buyambam tapaninu Jesu Kraiskatda ginde musip kwikwik natandamuke gin gatandamat ginda musipza kwikwikngata yutning.

Efesas 6:23

Siwan nata ginde natake Nanin Anutuat gatu Buyambam tapaninu Jesu Kraiskatda ginde musip kwikwik natandamusande natake nata tumuk wam yanggat. Yawa gin gatandamat ginda ie natapa kekekawan ginda gisane notzae musip gwaang natayamuning.

Filipai 1:2

Matake gaak wamu anzing danikamak. Nanin Anutuat gatu Buyambam tapaninu Jesu Kraiskatda ginde musip kwikwik natandamat ginu musipza kwikwikngata yutnong.

Filipai 4:13

Siakan. Kraisda na kekekangaman sanga wa kuupbam nae apa ngana nata akekekake yuat.

Filipai 4:20

Anutu wa nindane Naninu Anutu unin. Siwan itane umana asinggan asinggan yatangenatnim. Siakan.

Filipai 4:23

Siwan nata tumuk wam iniwa Buyambam tapaninu Jesu Kraisda ginde musip kwikwik natandamuke gikat gatake yutning. Unukan.

Kolosi 1:2

Naat gatu notna Timotiatda pas asanu ginu Anututane aminabamu Kolosi yot gapmane nana aminu Krais nin gatanimunggak kapae natapa kekekanggak aminde matandamukamak. Sike nitda Anutue tumuk wam inita ita ginde musip kwikwik natandamuke gindane musipza pasiwan ginda kwikwikngata yutning.

Kolosi 3:12

Ngan. Anututa ginde butaya natandamuke ginu kuupbam inae pakut. Papan ginda itane aminabam dakngawa ita ginde musip gwaang natandamunggak. Unzingge ginda aminde butaya natayamuke gatayamunong. Gatu ginda musipza kwikwiknga aminde natayamuke wepda pasiyamunong. Ngan. Ginda musipza toknga zet ma natapam.

Kolosi 3:15

Siwan Kraisda gindane musipza pangenawan ginda musipzaatang kwikwiknga natake yuaing. Unzingge ginda gisae tagwauke takekan yutnong. Ginda unzing yutningge natake Anututa gin yandawamban ie kuking. Kuke ginu kuupbamda itane aminabamda dongu takngatukan binga dakngake yuaing. Unzingge ginda Anutue asinggan inimbaknganong.

1 Tesalonaika 1:1

Mate notnabam! Ginu Tesalonaika yot gapmane nana aminu Nanin Anututane aminabam dakngake yuaing aminde nata pas asanu ginde matandamunggat. Siwan na Pol gatu notna Silvenes gatu Timoti ngangga unekan gatake yuke pas asanu ginu Jesu Buyambam tapaninu Anututa tapan Krais akgatanimuya apanin dakngake yuak kapatane aminabamde matandamukamang. Matandamuke Anututa ginu asinggan gatandamunggak kakngaat gatu musia kwikwiknga natandamunggak kakngaatda gikat gatake yutningge take nataamang.

1 Tesalonaika 1:3

Yake ginda Jesue natapa siakan siwan puyana take aknga tangenakaing kakngae natake asinimbaknganangge semna dua nataamang. Siwan gatu ginda musip gwaang natake puya tasikaing kakngaat gatu ginu musipza tapa kekekawan Buyambam tapaninu Jesu Kraisda gatuna epikge natayuaing kakngaat natake Nanin Anutu asinimbakngakamang.

1 Tesalonaika 1:4

Siwan mate notna. Anututa ginde musip gwaang natake ginu papan itane aminabam dakngake yuaing kakngae natake asinimbakngakamang.

1 Tesalonaika 4:7

Siwan Anututa nin papan ninda aminabam dakngake sanga noman gan tawake tasinimde pakut. Ninda sanga wai waaknga tawake tasinimde dua. Wena siknga. Unzingge ginda sanga takeakngakan tawake tasinong.

1 Tesalonaika 5:28

Siwan bania kwikwiknga nindane Buyambam tapaninu Jesu Kraisda atnatanimunggak kaknga wa gikat gatake yutningge natake tumuk wamu ininggat. Unukan.

2 Tesalonaika 1:2

Sike Nanin Anutuat gatu Buyambam tapaninu Jesu Kraiskatda musip kwikwiu ginde natandamat ginda waapaatdane kaine wikake yutningge take nataamang.

2 Tesalonaika 3:16

Siwan musip kwikwikgane yapii Buyambam tapaninu Jesu unin. Sike ginu sanga kuupbam ginde apning kaknga kawa ngana ita musip kwikwiu ginde tapdukbamu asinggan tendamikge nataamang. Siwan Buyambam tapaninu Jesuta ginu kuupbapat gatake yuke gatandamuyok.

2 Tesalonaika 3:18

Banip kwikwiu Buyambam tapaninu Jesu Kraisdane aknga ginu kuupbamde gatake yutdamuyok. Unukan.

1 Timoti 1:2

Siwan nata pas asanu ga Timotie matanggamunggat. Tupa nata ga ganindamuba gata Jesue natapi kekekawan nata gae natapa natane waaknga siknga binga daknganggayak. Sike nata Anutue tumuk wam iniwa Nanin Anutuat gatu nindane Buyambam tapaninu Jesu Kraiskatda gae butaya natake gatu musip kwikwik natanggamuke tasiwat musipba kwikwikngata yuya.

1 Timoti 6:2

Siwan puya aminu wa bingatane puya toikga Jesue amina dakngake yuwa kakengu itane puya aminata ie natake Jesue amin notnin ngang natapning. Unzing natake ngana itane gepbiatang koyutnangge semna dua natapam. Aho. Waapa Jesue amin notnin ngang kakengu puya aminata aminu puya toiu waapae musip gwaang natangamuke akgatangamunangge take siknga natapnong. Natake wa amindane puyana nomana siknga pasingamunong. Siwan wamu nata wa matanggat takngae natake gata aminu buyambam yaniyapimbi tasinong.

2 Timoti 1:2

Siwan nata wamu takeaknga yanikapa natake gata Jesue banip sike ga natane waaknga binga dakngake yuayakge nata ga Timotie pas asanu gae matanggamunggat. Nata tumuk wam iniwa Nanin Anutu gatu Buyambam tapaninu Jesu Krais kuutda gae musip kwikwik gatu butaya natanggamuke tasiwat musipba kwikwikngata yuyo.

2 Timoti 4:22

Buyambam tapaninda gaat gatake yutzon. Ngan. Nata tumuk wam iniwa ita musip kwikwiu ginu kuupbamde natdamuke kekekandamik. Unukan.

Taitus 1:4

Siwan waaknga Taitas. Nata pas asanu gae matanggamunggat. Ga natane pandetna dakngake Anutue natapi kekeknga siwan waaknga siknga binga dakngake yuayak. Unzing ninu Jesuat nana aminu kuupbamda ie natapna kekeknga singgak binga. Siwan Nanin Anutuat gatu aminu ita initewan apuke nin gatanimunggak kapa Jesuatda musia kwikwiknga gae natanggamuke gatane musipba tasiwat kwikwikngata yuyo.

Filimon 1:25

Siwan nata tumuk wam iniwa Buyambam tapaninu Jesuta musia kwikwiknga ninde natanimunggak kakngata gikat gatake yutnong. Unukan.

Filimon 1:3

Nindane Naninu Anutuat gatu Buyambam tapaninu Jesu Kraiskatda ginu musip kwikwik kaknganata gatandamuke musipza pangenawat ginu musipza kwikwikngata yutnong.

Jems 1:1

Na Jems. Na Anutuat Jesu Kraiskatdane puya amina tapatu dakngake yuat. Nata pas asanu ginu Anututane aminabamu kepna kepna yuaingu kuupbamde matandamunggat. Matandamuke gaak wamu ginde daninggat.

1 Pita 1:15

Ginu atnataaing. Wamu takngatu Anututa yawan natake ayanikapsa aminu tapatuta anzing matakut, “Na nomana sikngaapa. Unzingge gikaya kuut aminu nomana siknga dakngake yutnong,” ngang yawan natake matakut. Siwan Anutu gin yandawamban ie kuking kapata nomana sikngaapa ngang natake gikaya kuut aminu nomana siknga dakngake yutnong.

1 Jon 3:1

Siwan Nanin Anututa ninde butaya siknga natanimunggak kakngae natake asiknga bakngakamang. Ita ninde natake waaknga yapana ngang nininangge natake ita nindane musipmin pangenawan ninda tana tekwamban Anututane waaknga yapana dakngake yuamang. Dakngake yuwatna aminu Anutue masa imukaing aminda ninde dua nataaing. Dasingge? Wa aminda Anutue kuut dua nataaing.

2 Jon 1:3

Natandamuke Nanin Anutuat gatu inane waaknga Jesu Kraiskatda ninde butaya natake musip kwikwik natanimusande tumuk wam yanikamang. Yanina musip kwikwik natanimat ninda Anutue nomune gitna yutnim. Yusika ninda siakan wam takngaat gatu musip gwaang natapsa akngaatde gepbiatang yuke sukunim.

Wamu Jonda Mia Kake Matakut San 2:1

“Siwan gata wamu kundu Anututane amina Efesas yot gapmane yuainggane tupan tapae anzing matangamuyo,” ngang nanikut. “Na aminu yekapdaau katau kuut musa kautdu gweaya golda sake tasikingge banakan sukunggat tapata gae natake wamu kundu ganiwa natapso.

Wamu Jonda Mia Kake Matakut San 2:12

“Siwan gata wamu kundu Anututane amina Pegamam yot gapmane yuainggane tupan tapae anzing matangamuyo,” ngang nanikut. “Na aminu paiu gena kaukauu toknga siknga daka take yuat tapata gae natake wamu kundu ganiwa natapso.

Wamu Jonda Mia Kake Matakut San 2:18

“Siwan gata wamu kundu Anututane amina Taiataira yot gapmane yuainggane tupan tapae anzing matangamuyo,” ngang nanikut. “Na Anututane waaknga. Sike nata amin kanggamatawa wa amindane musiaatangu katapda binga yasinggak. Siwan natane kepina kwaknga siknga kawawa gunzitda kapa sakatang kawan waenga singgak binga siwan kaaing. Nata gae natake wamu kundu ganiwa natapso.

Wamu Jonda Mia Kake Matakut San 2:29

Siwan aminu maaknga kaya kakengu waapata wamu Waung Kapata Anututane amina yotna yotna yuaingge yanikapmanggak kaknga natapsok.”

Wamu Jonda Mia Kake Matakut San 2:8

“Siwan gata wamu kundu Anututane amina Smena yot gapmane yuainggane tupan tapae anzing matangamuyo,” ngang nanikut. “Na aminu sangabamde yapii gatu aminu kuupbam kayuat tapata yanggat. Tupa nata akumbum ngana nata gatuna gweake kayuk yuat. Nata gae natake wamu kundu ganiwa natapso.

Wamu Jonda Mia Kake Matakut San 22:21

Siwan nata tumuk wam iniwa Buyambam tapaninu Jesu Kraisda ninu itane aminabamde musia kwikwiknga natanimik. Unukan.

Wamu Jonda Mia Kake Matakut San 3:14

“Siwan gata wamu kundu Anututane amina Leodisia yot gapmane yuainggane tupan tapae anzing matangamuyo,” ngang nanikut. “Na siakan wamde yapii. Siwan nata Anututane wamu kuupbam noman gan yakapmanggat. Na Anututa sangabamu tasike tekutdane yapii na. Sike nata gae natake wamu kundu ganiwa natapso.

Wamu Jonda Mia Kake Matakut San 3:22

Siwan aminu maaknga kaya kakengu waapata wamu Waung Kapata Anututane amina yotna yotna yuaingge yanikapmanggak kaknga natapsok.”

Wamu Jonda Mia Kake Matakut San 3:7

“Siwan gata wamu kundu Anututane amina Filandelfia yot gapmane yuainggane tupan tapae anzing matangamuyo,” ngang nanikut. “Na Anututane amina nomana siknga apa. Siwan siakan wamdane yapii na. Nata ki Devitdane daka take itane tangine yuat. Yuke nata gwabou atziwanu aminu tapatuta gatuna yapunanga dua. Sike nata gwabou ayapuwanu aminu tapatuta dua ziwik. Wena siknga. Siwan nata gae natake wamu kundu ganiwa natapso.