Wamu Jonda Mia Kake Matakut San 7:9 - Wantoat

⁹ Siwana nata kawawa aminu kwaapzang sikngata unekan gatake yuwa kakum. Sike wa aminu mateknga dua. Nata nambana kendetnanga dua. Sike aminu waakwau dongu kuupbapat nana siwan kepna kepna yuaingu kuupbapat nana siwan gupna inata inata siwan wamna inana inana yakaing amin ngangga yuwa kakum. Sike wa aminda tauknga kwaknga mamaya pasike katap tatau isat tatak binga kundu katakngita papa saking. Sike wa aminda Anutu sia buyambam dakane pukwike kayuak kapaat gatu sipsip mateu wagwekatde nomune yuwa kakum.

Wamu Jonda Mia Kake Matakut San 7:9 ပူးပေါင်းရင်းမြစ်များ

Lotutane Kap Taknga 2:8

Gata na nanikwaiwinu katum aminu kuupbam keu kaukaut nana aminu gae gamit. Gama gata aminu kepna kepna nana kuupbam kakuya tasiya.

Lotutane Kap Taknga 22:27

Sike aminu keune nana kuupbamu musia papatekngwamban Anutue natanggamataning. Natake gatu ie apning. Ngan, aminu kuupbamda munu puke inimbaknganing.

Lotutane Kap Taknga 76:4

Anutu, gatane umanda kopsa siknga siwan ga kakaa akngane yuwaak. Tawanu buyambam dakandaka enane yuaing. Siwan ngana gatane umanda kopsa siknga akngata ayapbikgak. Tawanu wa dakandakane kaap zong gwengwenu buyambam siknga yuaing.

Lotutane Kap Taknga 77:2

Sike meya tapduk siwan nata tumuk wamu Buyambam tapae yakum. Yake nata zikaa kuupbam tumuk wamu asinikum. Siwan ngana musip kwikwik taknga dua takum.

Lotutane Kap Taknga 98:3

Siakan, ita wamu ina yawan kekekakut takngae natake Isrel nana aminde butaya natayamuke dua kapekut. Dua kapewan aminu kepna kepna nana kuupbamda kawawa Anutuninda amau tasike yapbike ninu gatuna pakut.

Wamu Takeaknga Lukga Matakut Taknga 12:1

Aminu buyambamu kwaapzang sikngata yuwa gitna siknga siwan notnata aminu kundue kepi ayainanga yuwawa kake Jesuta pandetna gamok anzing yanikut, “Ginu Ferisi amindane sanga aknganae gwautnong. Waiakngana dua kakapningge kem wam yakaing kakngae daninggat.

Wamu Takeaknga Lukga Matakut Taknga 21:36

Ginda tapduk tapduk asinggan tandakngake Anutue tumuk wam iniwa natake ginde kekeknga akngana daman ginda sangabamu wa apiu yapbike na aminbamdane notna apae nomune take siknga yutning,” ngang yanikut.

Wamu Takeaknga Jonda Matakut Taknga 12:13

Wamu waaknga natake buyambam tapata apan gaak wam inikaing binga aknga Jesu ininangge tasiking. Tasike zagwatatak deke gwaamupake kuking. Kusika musiaatang iaknga siknga natake anzing yanggamataking, “Anutu nindane Buyambam tapaninda initewan apu ninu Isrel nana amindane tupan tapa dakngake apunggak kapae inimbaknganong,” ngang yaking.

Pas Polda Rom Nana Aminde Matayamukut San 11:25

Mate notnabam. Nata ginu wamu kusopuknga akngae natapningge nataat. Wamu waaknga daniwa natake ginda natdetdetninu buyambam siwan ninda Anutue kukumang ngangu dua natapning. Unzing dua natapningge natake nata wamu kusopuknga waaknga daniwa natapnong. Aminu Isrel nana kautdu katum amin binga dakngake Jesue masa imukaing. Imuwawa aminu keu komduine nana aminda Anutue gepbiatang kopning.

Efesas 6:13

Unzingge sanga waungu waakwak yaipapaakusinanga Anututa ginde gwa damukuu kuupbam ginda gitna pake yutnong. Gitna pake yukengu tapduknga iwanza waakwakga gin dasipnangge natake apning gwene ginda apme kekekake yutning. Kekekake tapduu wa amning gwene ginda ayapbike kekeknga yutning.

Hibru 11:12

Unzingge Ebrahamu aminuake sike kumnanga dapaknga gwa sikut ngana Anututa gatangaman ita waak zak tasiwan maatna Serata engang tangaikut. Tangaiwan waak zak sitake kuku kwaapzang siknga singgak. Siwan ninda kendetnanga dua. Unzing yekapdaak ba saisai yanggabam gwene nana kendetnanga dua binga ninda aminu Ebrahamdane dongune aakingu kuupbam kendetnanga dua.

Hibru 12:22

Siwan ngana ginu sanga wa bingae wesimu dua kuke yuaing. Aho. Ginda yot bamu gapmandu Anutu kekeknga siknga apata yuak gapmae natanggamatakaing. Siwan you wanggapmae natake yot bamu umana takngaaya Jerusalem gatu Saion ngang inikamang gapmae tuwanguke yanggat. Siwan yot bamu wa enandang yuak gapmane angela kwaapzang sikngata yuaing. Siwan gikat angela waakwakatda Anutue gepbiatang koyuaing.

Wamu Jonda Mia Kake Matakut San 11:15

Siwan nata nataawa angela katau kuut musa kautdu tapaaya ngangu pum pakingkat nana masan siknga apata pumna puyapan natapbum. Sike nata nataawa wamu kundu enandangu apaa anzing yanggamataking, “Nindane Buyambam tapanin gatu aminu ita tapan itane aminabam gatayamuke waiakngane sandekut tapaat ngangga aminu kepna kepna nana amin kayuaingu kuupbam pake waapaatda kekekake aminu waakwau asinggan asinggan akayuamayak,” ngang yaking.

Wamu Jonda Mia Kake Matakut San 22:3

Sike tupa Anututa wai aminu ayanikwasipewan kuking ngana you wanggapmane natdetdeu amin yanikwasipewan kunanga aknga dua yuak. Wena siknga. Sike you wanggapmane sia Anutuat gatu sipsip matekatda pukwike sangabam kayuamayak dakata ayuak. Siwan Anututane aminabamda ie tumuk wam inike asiknga inimbaknganing.

Wamu Jonda Mia Kake Matakut San 3:18

Unzingge nata ga anzing ganinggat. Gata nae wesim apso. Apuke natane sanga take siknga aknga papso. Unzing aminda gol take katapda sawa dudumna siknga sikingunin usikengu aminu tapatutane sangaapana buyambam siknga siwik. Ina unzakan gata natane sanga akngana papso. Siwan aminda tauu kwaknga sandu usike tasikengu ita kwangga dua yuke dua maakawik. Gatu ita kainatane marasin take pasikengu ita take akngana siwik. Ina unzakan gata waiakngaka bitapeke nae wesim apuke natane sanga akngana gitna siknga tapso.

Wamu Jonda Mia Kake Matakut San 4:4

Kawa sia dakandaka 24 ngangga takeapatane sia dakana pebasiwa sia wa dakandakane aminu take apaapa 24 ngangga pukwike yuwa kakum. Sike take aminu waakwau tauknga kwaknga siknga kakum. Sike kupna gol sake pasikingu tupan tapaapata gwapukaing binga wa aminda gwapuke yuwa kakum.

Wamu Jonda Mia Kake Matakut San 5:11

Siwan nata mia kawawa angela kwaapzang sikngata kau takngatu taiwawa natapbum. Ngan. Angela kwaapzang sikngata aminu tupan sikngaapa gatu sanga kayuk yuaingu wa gweaat gweaat gatu take aminu 24 ngangga yubasike kau taiking.

Wamu Jonda Mia Kake Matakut San 5:9

Siwan wa aminda kau kayuu takngatu sipsip mateu wagwende anzing taingamuking, “Ninda ga gandupna take singgakge gata pepa wagomu take tapsa. Takenga gata gatak gatau take dauya. Dasingge? Aminda ga gwa guwa kumbuyak. Kungwake dakga tukngwakuyak kakngata aminbamu waiakngane sandewan wa aminda Anututane amina dakngake yuaing. Ngan. Gata aminu kwaapzang pasiwi aminu dongu kuupbapat nana kunduta Anututane amina dakngake yuaing. Siakan. Aminu wamna inata inata yakaing gatu gupna inata inata gatu kepna inata inata ngangu kuut kundukan gata pasiwi itane amina dakngake yuaing.

Wamu Jonda Mia Kake Matakut San 6:11

Yanggamatawa aminu tapatuta apuke tauu mamaya kwaknga sasanu wa aminde inandek inandek yamukut. Yaman pake tasiwa wa aminu anzing yanikut, “Masande iwanzata aminu gindane Jesue amin notza kundu gatu gindane puya amin notza kundu ngangu atzipa kumning. Unzing gisa dasipbing binga wa aminu atzipa kumning. Ngana notza kuupbamu dua zipa puyuwik. Aho. Tupa Anututa ina natake nata kapewa aminu zipmanggawa kuku namba anzing tapik ngang yawan kekekakut. Siwan notza zipmanggawa kuku namba ayakut dakane tapik. Siwan ginda tapduu mateknga kundusim yuwa takawan kuku tapduu namba wa yakut dakanekan tapik gwenda apik. Apan kake ita wa aminde toknga ayamik,” ngang yanikut.

Wamu Jonda Mia Kake Matakut San 7:8

Sike aminu Sebyulandane dongune aakingkat nana 12,000-da paking. Sike aminu Josepdane dongune aakingkat nana 12,000-da paking. Sike aminu Benjamindane dongune aakingkat nana 12,000-da paking.