Wamu Jonda Mia Kake Matakut San 4:2 - Wantoat

² Siwan zetgaman siknga Waung Kapata na kekeknga siknga tapan nata mia anzing kakum. Enandangu sia dakatu tupan siknga apata pukwike kayutnanga daka kakum. Kawawa aminu tapatuta sia wandakane pukwiwan kakum.

Wamu Jonda Mia Kake Matakut San 4:2 ပူးပေါင်းရင်းမြစ်များ

Lotutane Kap Taknga 11:4

Buyambamtapa yekaune king kapa yuak. Ngan, king kapa yuke aminu kuupbamu kainata akaak. Kake sanga kuupbam tasikaingu usanzikgak.

Matyu 22:43

anzing yanikut, “Ayok. Dasingge Waung Takwan Tapata Devitdane musia tangenawan Devitda, ‘Buyambam tapana,’ ngang inike anzing yakut,

Hibru 8:1

Siwan wamu nata wa yanggatdane yapii buya siknga anzing. Aminu tapatuta Anutu enandang yuak kapae katakngi siyaapa saak pukwike umana buyambam siknga take yuak. Waapata nin gatanimuke kepi ninda Anutue nomune gitna yutnimde tasinimunggak.

Wamu Jonda Mia Kake Matakut San 1:10

Siwan tapduu ninda ayutna takawan Buyambam tapaninde natayuamang gwene Waung Kapata na kekeknga siknga tapan nata mia takngatu kakum. Kake natane masanaatang nataawa wamu takngatu kekeknga pumdane gakngat binga yanggamatakut.

Wamu Jonda Mia Kake Matakut San 12:5

Yuwawan maya waapata engangu wawiapa tangaikut. Sike engangu waapata masande ita aminu kuupbam kayuke puya toknga siknga ayamik. Siwan engangu waapata aawana Anututa zetgaman kaiwan kuwan song isiwan engangu waapa enandang takopbut. Takoke keu enandangu Anututa kayuak komune takuke Anutue wesim tekut.

Wamu Jonda Mia Kake Matakut San 17:3

Siwan nata mia kawawa Waung Kapata na kekeknga siknga take keu amina wena komune nanitakukut. Nanitakuwan ngana ugwak saau kawawa maya tapatuta kaapzongu danggami gamana siknga gwendane masene pukwiwan kakum. Sike kaapzongu wagwenu umana kwaapzang sikngata gupnane tapa sopukutna kakum. Sike umana wa kuupbamu Anutue sapdut wam ininggaunin. Siwan kaapzongu wagwenu gwapakngi katau kuut musa kautdu gweaya siwan komna katau kuut musaat kakum.

Wamu Jonda Mia Kake Matakut San 19:4

Siwan take aminu 24 ngangu wa yuking gatu sanga kayuk yuaingu gweaat gweaat ngangga gwetake Anutu sia buyambam dakane pukwike kayuak kapae inimbakngake anzing yaking, “Siakan. Ninda Anututane umana asiknga yatangenatnim,” ngang yaking.

Wamu Jonda Mia Kake Matakut San 20:11

Siwan nata kawawa sia dakatu tupan siknga apaapata pukwike kayuaing binga kwaknga daka kakum. Sike buyambam tapata sia wandakane pukwike kayuwawan kakum. Siwan kepat gatu ena kakaa banakan kopatda aminu buyambamu waapae nomune gitna yutnanga dua. Aho. Waapa ateke kuke kusika akusopuwa kakum.

Wamu Jonda Mia Kake Matakut San 21:10

Naniwana Waung Kapata na tapan angela waapata na nanitakuke tawanu buyambamu dakatune enane siknga takopbut. Takoke ita Anututane yotbamu wa Jerusalemu kayuk gapma yeikngamukut. Yeikngaman kawawa you wanggapmata enandangu Anututa ayuak komuneta epan kakum.

Wamu Jonda Mia Kake Matakut San 21:5

Sike nata nataawa aminu sia buyambam dakane pukwike kayukut tapata anzing yakut. “Ginu daniwa natapnong. Nata sanga kuupbam tasiwa kayuk dakngakaing,” ngang yakut. Yake ita na anzing nanikut, “Gata wamu nata yanggat taknga apmatayo. Dasingge? Wamu waaknga siakan siknga. Siwan aminbamda ie banip siknga sining,” ngang nanikut.

Wamu Jonda Mia Kake Matakut San 3:21

“Siwan aminu kekeknga siknga yuke iwana ayapbimbiu nata waapa katewa aminu waapata kekekngana kayaapa dakngake ita naat gatake nitda aminbam kayutzim. Sike tupa naaya kekeknga siknga yuke natane iwana ayapbikumde nata kekekngana kayaapa dakngake nata natane Nanaat gatake yuke nitda aminbam kayuamak.

Wamu Jonda Mia Kake Matakut San 4:10

aminu take aminu 24 waakwau Anutu sia wa dakane pukwikgak kapae nomune gwetakaing. Gwetake wa aminda Anutu wa kekeknga asinggan asinggan yuak kapae inimbakngakaing. Inimbakngake aminu waakwau kupna aminu tupan tapaapa dakngake gwapukaingunin ukgwike muba aminu tupan sikngaapae nomune pimapa anzing yakaing,

Wamu Jonda Mia Kake Matakut San 4:5

Kawawa tupan siknga apatane sia dakaneta yapasiu takngatu takngatu siwan nataawa gakngau buyambamda gatu gatu yawawa natapbum. Sike tupan tapatane nomune aakatau katau kuut musa kautdu saaya ngang yasikoke yuwa kakum. Sike aakatau waakwakgane yapii Anututane Waunga unin. Waungu waapa awia tapatukan ngana ita puya inata inata pasinggakge nata ie natapa Waungu katau kuut musa kautdu tapaaya binga singgak.

Wamu Jonda Mia Kake Matakut San 4:9

Sike sanga wa gweaat gweaatda Anutu kekeknga asinggan asinggan yuau sia tupan siknga apatane dakane pukwike yuak kapae inimbakngake itane umana asiknga yatangenakaing. Yatangenake tapduk bamu asinggan asinggan tasiwawa

Wamu Jonda Mia Kake Matakut San 5:1

Sike nata mia kawawa aminu tupan tapa sia buyambam dakane pukwike yukut tapata pepa mamaya sandu gwa tapakopbutna katakngi siyaapata takutna kakum. Kawa pepa wa gomu amakatang gatu engatangan ngangu wamu kundu gwa matakutna kakum. Kawa aminda pepa wa gomu katap gomune koomuke gatak gatakga katau kuut musa kautdu dakaaya ngangu amakatang papan gatapbing ngang kakum.

Wamu Jonda Mia Kake Matakut San 5:13

Siwan kau waaknga taiwana nata nataawa sanga kuupbamu Anututa tasike tekuu wa enandang yuaing gatu kepdakane yuaing gatu keu akupsa aminda yuaing komune gatu yanggabam gwene yuaing ngangga kap taiking. Ngan. Sangabapat kaapat amikat ngangu kepna kepna yuaingga kau takngatu anzing taiking, “Anutu sia tupan siknga apatane dakane pukwike yuak kapa gatu sipsip mateu kuutde yanimbakngake umana asinggan asinggan yapangenatnim. Sike waapaatda kekeknga siknga asinggan asinggan yutzan,” ngang taiking.

Wamu Jonda Mia Kake Matakut San 6:16

Kake nata nataawa wa aminda gwauya siknga natake, “Tawan daka daka gatu suu kuupbamda ninde engatangan pimanong. Anutu sia buyambam dakane pukwike ninduyuak kapaat gatu sipsip mateu waapaatda nindupzan.