Wamu Jonda Mia Kake Matakut San 4:10 - Wantoat

¹⁰ aminu take aminu 24 waakwau Anutu sia wa dakane pukwikgak kapae nomune gwetakaing. Gwetake wa aminda Anutu wa kekeknga asinggan asinggan yuak kapae inimbakngakaing. Inimbakngake aminu waakwau kupna aminu tupan tapaapa dakngake gwapukaingunin ukgwike muba aminu tupan sikngaapae nomune pimapa anzing yakaing,

Wamu Jonda Mia Kake Matakut San 4:10 ပူးပေါင်းရင်းမြစ်များ

Lotutane Kap Taknga 115:1

Anutu, gata nindane umaninu ma yapangenawim. Gata ninde butaya siknga asinggan natanimuke gata ninu dua nipmanggayak. Unzingge ninda gatane umanda kopsa akngae natake gaekan yatangenatnim.

Lotutane Kap Taknga 47:8

Anutu king siknga yuke dongu aminu kuupbam kayuak. Ita king kapa ge inane sia king dakanane pukwike yuak.

Lotutane Kap Taknga 72:11

Kingu kuupbamda waapae munu puke inimbaknganing. Siwan aminu kepna kepna yuaingu kuupbamda itane puya pasingamuning.

Lotutane Kap Taknga 95:6

Ginu apnong. Ninda gwapaknginu gwetake inimbakngana, Buyambam tapata ninu pasikutde. Ayok, inimbakngake ninda ie wesim kuke munu putna.

Matyu 2:11

yoakatang koke engakat minga Mariaat kake umana yatangenatnangge natake akgwetake inimbakngake yakngaatang zike sanga kundu ie imuking. Mani buyambam gatu sanga planggane inuknga binga wa manina buyambamda usiking. Siwan katau dakatutane inuknga kapanga take siknga singgak. Siwan manina buyambam sikngata usikingkat imuking.

Wamu Takeaknga Lukga Matakut Taknga 24:52

Enandang wa takopana aminu gatuna Jerusalem kuke asiknga bakngake

1 Korin 15:10

Siwan Anututa musip kwikwiu nae natangamuke na tapan yuat. Ngan. Ita musip kwikwiu nae natangamukut takngata dua pimakut. Aho. Sanga waaknga buya aawan nata itane puya kwatan siknga tasikum. Sike aminu itane aposel amin dakngake yuaingu kuupbamda puya buyambamu apasikaing ngana nata puya kwatan siknga pasike wa aminu ayapbikum. Ngana puya wa nata ninatakan dua tasikum. Aho. Anututa inane musiaatangu nae kwikwiknga natake ita asinggan naat gatake yuke gatangaman tasikumak.

Wamu Jonda Mia Kake Matakut San 10:6

Katakngi tangenake ita wamu kekeknga takngatu Anututane umanae yawan kekekakut. Ngan. Anutu tupa sanga kuupbamu ena kakaa kom gatu kep gatu yanggabam gatu sanga enane ba kepdakane ba yanggabam gwene yuaingu kuupbam tasike tekut tapata kayuk asinggan asinggan yuak. Anutu waapatane umanae yake angela waapata anzing yakut, “Wamu Anututa tupa yawan yukutdane buya aatnangge dapaknga gwa singgak.

Wamu Jonda Mia Kake Matakut San 11:16

Yawana take aminu 24 sia dakandakane Anutue nomune pukwike yuaingu waakwau Anutue gwetake anzing inimbakngaking,

Wamu Jonda Mia Kake Matakut San 15:4

Buyambam tapanin. Ga awiapatakan nomana siknga yuayak. Asikaya aminu tapatuta gae dua gwaumbik? Dua gwauke gatane umanda dua yatangenawik ba dasing? Wena. Aminu kepna kepna nana kuupbamda gae apuke tumuk wam ganining. Ngan. Puya kuupbamu gata nomana siknga pasinggayak kaknga anggamanu aminu kuupbamda gwa kaking.”

Wamu Jonda Mia Kake Matakut San 15:7

Sike nata kawawa sanga kayuk yuaingu wa gweaat gweaat ngangu wa yukingkat nana gwenduta gapma katau kuut musa kautdu gweaya ngangu gol sake pasiking unin pake angela waakwakge inandek inandek gapma gwendu gwendu yaman paking. Siwan sanga gapma wagwegwene pamuba dopbingu wa Anutu kayuu asinggan asinggan yuak kapata aminbamde musia toknga natayamunggak kaknganin.

Wamu Jonda Mia Kake Matakut San 19:4

Siwan take aminu 24 ngangu wa yuking gatu sanga kayuk yuaingu gweaat gweaat ngangga gwetake Anutu sia buyambam dakane pukwike kayuak kapae inimbakngake anzing yaking, “Siakan. Ninda Anututane umana asiknga yatangenatnim,” ngang yaking.

Wamu Jonda Mia Kake Matakut San 4:2

Siwan zetgaman siknga Waung Kapata na kekeknga siknga tapan nata mia anzing kakum. Enandangu sia dakatu tupan siknga apata pukwike kayutnanga daka kakum. Kawawa aminu tapatuta sia wandakane pukwiwan kakum.

Wamu Jonda Mia Kake Matakut San 4:4

Kawa sia dakandaka 24 ngangga takeapatane sia dakana pebasiwa sia wa dakandakane aminu take apaapa 24 ngangga pukwike yuwa kakum. Sike take aminu waakwau tauknga kwaknga siknga kakum. Sike kupna gol sake pasikingu tupan tapaapata gwapukaing binga wa aminda gwapuke yuwa kakum.

Wamu Jonda Mia Kake Matakut San 4:9

Sike sanga wa gweaat gweaatda Anutu kekeknga asinggan asinggan yuau sia tupan siknga apatane dakane pukwike yuak kapae inimbakngake itane umana asiknga yatangenakaing. Yatangenake tapduk bamu asinggan asinggan tasiwawa

Wamu Jonda Mia Kake Matakut San 5:14

Sike kau waaknga taiwa puyuwana sanga kayuk yuaingu wa gweaat gweaatda, “Siakan,” ngang yaking. Yawawa take aminu waakwakga gwetake Anutuat gatu sipsip mateu wagwekatde ayanimbakngaking.

Wamu Jonda Mia Kake Matakut San 5:8

Tapana sanga kayuk yuaingu gweaat gweaat gatu aminu 24 ngangu waakwakga enake sipsip mateu wagwende wesim kuke itane nomune gwetaking. Sike take aminu kuupbamda inandek inandek sanga tanguke kap tainanga gita tasikingunin paking. Sike gatu gapma gwegwenu kuut paking. Siwan sanga katapatang sawa kapanga take siknga singgakgane muyup muyup ngang pake gapma wagwegwene pamuba dopbing ngang kakum. Siwan muyup muyupdane yapii tumuk wamu Anututane aminabamda yakaingunin.

Wamu Jonda Mia Kake Matakut San 7:11

Yawana angela kuupbamda, “Siakan,” ngang yaking. Sike angelata yuke tupan sikngaapaat gatu take amin takwakat gatu sanga kayuk yuaingu wa gweaat gweaat ngang yupbasikinga kakum. Kawawa angelata Anutue nomune gwetake ie inimbakngaking. Inimbakngake anzing yaking, “Ninda nisane Anutue kumzang siknga baknganim. Bakngake itane umana aknga asiknga yatangenatnim. Sike itane natdetdetna buyambam siknga. Ge ninda ie asinimbaknganim. Sike ita kekeknga siknga yuak. Ngan. Ninda itane umana asinggan asinggan yatangenatna kekeknga asinggan asinggan yuwik. Siakan,” ngang yawa natapbum.