Wamu Jonda Mia Kake Matakut San 3:7 - Wantoat

⁷ “Siwan gata wamu kundu Anututane amina Filandelfia yot gapmane yuainggane tupan tapae anzing matangamuyo,” ngang nanikut. “Na Anututane amina nomana siknga apa. Siwan siakan wamdane yapii na. Nata ki Devitdane daka take itane tangine yuat. Yuke nata gwabou atziwanu aminu tapatuta gatuna yapunanga dua. Sike nata gwabou ayapuwanu aminu tapatuta dua ziwik. Wena siknga. Siwan nata gae natake wamu kundu ganiwa natapso.

Wamu Jonda Mia Kake Matakut San 3:7 ပူးပေါင်းရင်းမြစ်များ

Lotutane Kap Taknga 145:17

Anutu waapa noman takngakan tawake sangabamu tasinggak katangu ninde musip kwikwik natanimunggak.

Lotutane Kap Taknga 16:10

Dasingge, gata na dua nandutewi aminu gwa kupsa amindane kep komune paku yuwit. Aho, gata dua nandutewi na aminu gikane matmaune yuke kapanga siwit.

Lotutane Kap Taknga 89:18

Siakan. Gata gika nindane kuyanin yuak kapa yawi yuak. Ngan, ga ninu Isrel amindane Anutunin, gata king kapa ninde nimunangge yawi yuak.

Matyu 16:19

“Nata kekeknga aknga gwabokziu enandang kopnanga daka binga gae gamit. Gama pake sanga Anututa enandang yuke gwa ayandakngakut takngakan kepdakane yandakngayo. Sike sanga Anututa enandang kapewan tasikaing kakngakan kepdakane kapewi tasining,” ngang inikut.

Matyu 24:35

Sanga kuupbam ena kakaa banakan komune yuaikat gatu kepdakane nana kuut wena asinanga ngana natane wama wena dua siwik,” ngang ninikut.

Wamu Takeaknga Makga Matakut Taknga 1:24

“A! Ga Jesu! Nasaret yot gapmane nanaapa! Ga ninde dasing tasinimunangge apunggayak ngang yanggamatake gata apu ninu apasiwi mainimde ba apunggayak? Nata gae Anututane aminu dudumnaapa ngangu gae atnataat,” ngang inikut.

Wamu Takeaknga Lukga Matakut Taknga 1:32

Waapata aminu buyambam tapa dakngawan enane siknga yuak kapatane waaknga ngang inining. Siwan bamna Devitda buyambam tapa yuke tasikakut binga waapata dakngake tasiwikge Anutu buyambam tapaninda tapan tasiwik.

Wamu Takeaknga Lukga Matakut Taknga 4:34

“A! Ga Jesu! Nasaret nanaapa! Ga ninde dasing tasinimunangge apunggayak,” ngang yanggamatake, “Gata apu ninu apasiwi mainimde ba apunggayak? Nata gae Anututane aminu dudumnaapa ngangu gae atnataat,” ngang inikut.

Wamu Takeaknga Jonda Matakut Taknga 14:6

Iniwan yake anzing inikut, “Nata ginu danipakuwa kuke undang kunim. Sike siakan wamde yapii na. Siwan ginu kayuk yutning kaknga atdama kayuk asinggan yutning. Siwan nata aminu tapatu dua initakuwanu ita kuke Nande dua kuwik. Ita inatakan undang kunanga dua.

Aposel 3:14

Ginda masa aminu dudumna siknga yukut tapae imuke aminu buya amin tanguwan kumbut tapa kaaut yot gwene yukut. Wa amin tanguwan kumbut tapata yotna gatu kuwikge ginda Pailat iniking. Pailatda zikngaman epu kepman kuwikge iniking.

1 Jon 5:20

Siwan gatu ninu atnataamang. Anututane waakngata apuke natdetdeu ninde nimukut. Niman ninda Anutu siakan tapae atnataamang. Natake ninda Anutu siknga apaat gatu inane waaknga sikngaapa Jesu Kraiskat musipminu takngatukan natake unekan binga gatake yuamang. Siwan Anutu waapa Anutu siknga. Siwan kayuk asinggan yutnanga akngae toiknga unin.

Wamu Jonda Mia Kake Matakut San 1:11

Yanggamatake anzing nanikut, “Sanga kuupbam gata kawiyau wa gata buu gomdune matayo. Matake tewi Anututane amina yotna yotna katau kuut musa kautdu gapmaatane umana Efesa gatu Smena gatu Pegaman gatu Taiataira gatu Sadis gatu Filandelfia gatu Leodisia ngang yanikaing gapma gapmane yuaing aminde tewi kuyok,” ngang nanikut.

Wamu Jonda Mia Kake Matakut San 1:18

Sike tupa na akumbum ngana gatuna gweake kayuk yuat. Ngan. Nata kayuk asinggan asinggan yuwit. Sike nata sanga aminda akumnanga ba kayuk yutnanga akngae kayuat. Sike gatu nata keu akupsa aminda yuaing komde kayuat,” ngang nanikut.

Wamu Jonda Mia Kake Matakut San 15:3

Pake wa aminda kau takngatu tupa siknga Mosesda Anututane puya amina dakngake itane aminabamu iwanae kataune sandekutde taikut binga taiking. Ngan. Kau wa sipsip mateu wagwenda wa aminu iwanae kataune sandekutde natake anzing taiking, “Buyambam tapaninu Anutu! Ga kekeknga sikngaapa! Puya kuupbam gata tasinggau wa take siknga. Ninda gatane puyakae nangaakan nataamang. Ga ninu aminu kuupbamdane tupan tapa. Kepi kuupbamu gata tasinggau wa noman siknga.

Wamu Jonda Mia Kake Matakut San 16:7

Iniwana nata nataawa tebo daka sanga Anutue sakaing uneta wamu takngatu anzing yakut, “Siakan. Anutu Buyambam tapanin! Ga kekeknga siknga yuayak. Sike gata amindane wamna usanzike nomana siknga tasinggayak,” ngang yakut.

Wamu Jonda Mia Kake Matakut San 19:11

Siwan nata mia kawawa ena kakaa banakan komda matawan kuwan kakaa siwan ikwawa gamanu hos ngang yanikamangu kwaknga gwenduta yuwan kakum. Sike aminu hos wagwendane masene pukwikut tapatane umana takngaaya anzing. Aminu puyana katak siknga kayuak kapa gatu Aminu siakan wamban yanggak kapa ngang iniking. Sike ita amindane wamu katak siknga usanzike yawan siakan siwik. Siwan ita wai aminkat amau atasinggak.

Wamu Jonda Mia Kake Matakut San 19:2

Sike ita amindane wamna usanzike yawan siakan siknga siwik. Siwan maya wa yasewa aknga kwaapzang tasikut tapata aminu kepna kepna nana buyambam pasiwan maiking. Unzingge Anututa maya waapatane wamna usanzike toknga asimukut. Ngan. Maya waapata Anututane puya amina zipan kumbingge Anututa toknga waaknga yake imukut,” ngang yaking.

Wamu Jonda Mia Kake Matakut San 2:1

“Siwan gata wamu kundu Anututane amina Efesas yot gapmane yuainggane tupan tapae anzing matangamuyo,” ngang nanikut. “Na aminu yekapdaau katau kuut musa kautdu gweaya golda sake tasikingge banakan sukunggat tapata gae natake wamu kundu ganiwa natapso.

Wamu Jonda Mia Kake Matakut San 21:5

Sike nata nataawa aminu sia buyambam dakane pukwike kayukut tapata anzing yakut. “Ginu daniwa natapnong. Nata sanga kuupbam tasiwa kayuk dakngakaing,” ngang yakut. Yake ita na anzing nanikut, “Gata wamu nata yanggat taknga apmatayo. Dasingge? Wamu waaknga siakan siknga. Siwan aminbamda ie banip siknga sining,” ngang nanikut.

Wamu Jonda Mia Kake Matakut San 3:14

“Siwan gata wamu kundu Anututane amina Leodisia yot gapmane yuainggane tupan tapae anzing matangamuyo,” ngang nanikut. “Na siakan wamde yapii. Siwan nata Anututane wamu kuupbam noman gan yakapmanggat. Na Anututa sangabamu tasike tekutdane yapii na. Sike nata gae natake wamu kundu ganiwa natapso.

Wamu Jonda Mia Kake Matakut San 4:8

Sike sanga wa gweaat gweaatda inandek inandeu piana 6 ngang kakum. Sike kaina kwaapzang sikngata gupnane gatu pia engetanan gatu amakatang ngang tapa sopukutna kakum. Sike kwakngaom gatu zikaane ngang tapduk bamu asinggan kau anzing taikaing, “Anutu, Buyambam tapa. Anutu, takwan, takwan, takwan sikngaapa. Ita tupa siknga ayukut. Ita apmanu ayuak. Ita kekeknga asinggan asinggan yuwik.”

Wamu Jonda Mia Kake Matakut San 5:9

Siwan wa aminda kau kayuu takngatu sipsip mateu wagwende anzing taingamuking, “Ninda ga gandupna take singgakge gata pepa wagomu take tapsa. Takenga gata gatak gatau take dauya. Dasingge? Aminda ga gwa guwa kumbuyak. Kungwake dakga tukngwakuyak kakngata aminbamu waiakngane sandewan wa aminda Anututane amina dakngake yuaing. Ngan. Gata aminu kwaapzang pasiwi aminu dongu kuupbapat nana kunduta Anututane amina dakngake yuaing. Siakan. Aminu wamna inata inata yakaing gatu gupna inata inata gatu kepna inata inata ngangu kuut kundukan gata pasiwi itane amina dakngake yuaing.

Wamu Jonda Mia Kake Matakut San 6:10

Kake nata nataawa uyunga waakwakga apaa siknga anzing yanggamataking, “O Buyambam tapaninu sanga kuupbamdane toiknga! Ga nomana siknga yuayak! Sike ga kepi nomana siknga tawake nindane wamin usanziwi siakan siwik kapanin! Ga zaapduknga nindane wamin usanzike aminu nin nisipa kumbumang aminde toknga yake yamuya? Tapduu mamaya yuwi sandewana aminu kepdakane nana waakwakge toknga yamuya ba dasing,” ngang yanggamataking.