Wamu Jonda Mia Kake Matakut San 22:11 - Wantoat

¹¹ Siwan aminu waiaknga tasinggau gata katewi ita wai waakngane sukuyok. Ngan. Aminu sanga maakngana kaya aknga tasinggau gata katewi ita sanga wai waakngane sukuyok. Siwan aminu sanga noman siknga aknga tawake tasinggau ita kepi nomana akngane take sukuyok. Ngan. Aminu Anututane kepi tawake tasinggau waapata kepi waaknganekan sukuyok.” Sike angela waapata wamu waaknga na naniwan natapbum.

Wamu Jonda Mia Kake Matakut San 22:11 ပူးပေါင်းရင်းမြစ်များ

Lotutane Kap Taknga 81:12

Unzingge nata kapewa yamandet takngana tawake tasiking. Tasike sanga ina natapbing kakngakan tawake tasiking.

Matyu 15:14

Ginu kapewa yutnong. Aminu kai kusiya amin tapata kai kusiyae kepi yeukngamunangge tasiwanu kuut tapaatda gapmaatang pimatzan,” ngang ninikut.

Matyu 21:19

Tomna natake kawan katau baau dakatu kepiapane yuwan kake kukut. Ngana tapuya kaya dua. Wena. Tatakngikan kakut. Kake baau wandaka anzing inikut, “Ga buya gatuka ma aawim. Wena siknga,” ngang yawan zetgaman baau wandakata akumbut.

Matyu 25:10

waakwau usinangge akuwawa aminu maatna gwa takut tapata asapbut. Apan maya atandakngakingu iat gatake yoakatang nanambamu maya tapan sakingunin nanangge koke gwabou gitna yapukusiking.

Matyu 5:45

“Unzingge ginda Nanza enandang yuak kapata asinggan pasinggak kaknga pasike itane waaknga daknganing. Ita gunzitna tasiwan enane wai amikat gatu take amikatde akopan ita sopa tasiwan amin nomankat aminu waiatde kuut tanggak.

Matyu 5:6

Mamin amindaka takeaknga tasinangge musiaatang toknga siknga nataaingu Anututa aminu waakwakat gatake yutning. Dasingge? Musiaatang takekan siwik.

Wamu Takeaknga Jonda Matakut Taknga 8:21

Siwan Jesuta gatuna anzing yanikut, “Na akuwawa ginda nae nandupa maiwan ginu akupa waiakngasa ayutdamik. Waiakngasa yutdaman ginu keu nata kuwit komune kunanga dua,” ngang yanikut.

Efesas 5:27

Siwan aminu tupan aminu tapatuta maatna kayuk tanangge yawan itane puya amina kunduta maya mateu tapatu take yangga saukngamuke tauknga pusaknga dua saweknga siknga pasingamuning. Pasingamuke maya mateu waapa initakuke apnae nomune tewa ita kake natapan take siknga siwik. Siwan ina unzakan Kraisda ninu inae panangge natake ita nin pasiwan ninda itane nomune amin noman daknganimde natapbut. Natake wamu ita gatanimukut takngata nin papan nomatanimde natapbut. Ninda amin noman siknga dakngake nindane waiaknganinu wenata yutnimde natapbut. Natake ita ninde tangge kungwanimukut.

Kolosi 1:22

Ngana Jesuta gin danipakuke Anututane nomune pewan danduke ita ginde natapan aminu nomana siknga siwikge natapbut. Natake ita nisa gup take ninde tangge kungwanimukut. Siwan sanga ita ninde wa kungwanimukut takngata gin gatandamuke ginda tupa Anutuat iwan dakngake yuking kaknga tanguwan kumbut.

2 Timoti 3:13

Wai pasiyamuke wa aminu kem panzike yanindamutning kakngata buyambam siknga siwik.

Pas Jutda Matakut San 1:24

Siakan. Anututa nin gatanimunangge natake Buyambam tapaninu Jesu tapan Krais akgatanimuya apanin dakngake apbut. Apuke sanga ninde tasinimukut takngata nindane waiaknganinu sandetnimukut. Anutu awia waapatakan ayuak. Siwan ita ginde katak siknga toiban ginda dua pimaning. Dua pimake yuwawa ita ginu danipake inane nomune pakuwik. Pakuwan ginu gutongasa wena siwan gitna yusika ginda kumzang siknga bakngake yutning. Anutu waapae umana enane siknga yatangenatnim. Ita tupa siknga kekeknga akngana kayaapata yukut. Umana buyambam siknga yuak kapanin. Sanga kuupbamdane toiknga tupan siknga apata yuakge apman gatu tapdukbamu asinggan asinggan ninda umana akngana kumzang yake yatangenatnim. Siakan.

Wamu Jonda Mia Kake Matakut San 16:21

Siwan sopa zambumu buyambam siknga gwegwenda pimake aminbam zipbing. Sike zambumu wagwegwen kawa gwendutane meyana buyambam siknga sanga mitapsa dakatane namba 100 binga sikut. Siwan meya buyambam siknga waakngata apan take aminda Anutue sapdukngamuking.

Wamu Jonda Mia Kake Matakut San 22:3

Sike tupa Anututa wai aminu ayanikwasipewan kuking ngana you wanggapmane natdetdeu amin yanikwasipewan kunanga aknga dua yuak. Wena siknga. Sike you wanggapmane sia Anutuat gatu sipsip matekatda pukwike sangabam kayuamayak dakata ayuak. Siwan Anututane aminabamda ie tumuk wam inike asiknga inimbaknganing.