Wamu Jonda Mia Kake Matakut San 22:10 - Wantoat

¹⁰ Nanike ita anzing nanikut, “Gata Anututane wamu buu anggopatang yuak kaknga ma takusopuwim. Aho. Tapduknga Anututa sanga wa kuupbam tasiwik gwenu gwa dapakanggak.

Wamu Jonda Mia Kake Matakut San 22:10 ပူးပေါင်းရင်းမြစ်များ

Matyu 10:27

Wamu nata sisip tangan daninggau ginda yanggamatawa natapning.

Pas Polda Rom Nana Aminde Matayamukut San 13:11

Ginu tapduu apmanu ninda ayuamang komde ginda atnataaing. Unzingge ginda sanga wa daninggat taknga katak tawake tasinong. Ngan. Tapduu ninda yakap siknga Jesue natapna kekekakut komune natapna tapduknga Jesuta gatuna apikge dapaknga sikut. Siwan ngana yuwatna nakanu kundu nipbibana apmanu apikge dapaknga siknga gwa singgak. Unzingge ginda enake waiakngasae masa imuke kepi nomana akngane sukunong.

Pas Polda Rom Nana Aminde Matayamukut San 13:12

Tapduknga ita apik gwenu dapaknga gwa singgak. Unzing kepda kwakawan kake gunzitda akopnanggenggak ngang yakamang binga ita apikge dapaknga gwa singgak. Unzingge ninda sanga zikaa dakaatang nana aknga teke sanga kakaa akngaatang nana aknga gitna pake yutnim. Yuke ninda sanga waiaknga yaitapakusinangge asiknga kekekanim.

2 Tesalonaika 2:3

Aminu tapatuta tanzike wamu waaknga ba kem wamu dasing kakngae natake gin daniwanu ginda siakan ngangu ma natapam. Dasingge? Buyambam tapata moo dua apik. Wena. Tupanu aminu Anututane daman gwekatang yuaing aminu kwaapzangga yamandet sike Anutue masa imuning. Masa ima aminu wai aminu tapatu masande Anututa gatukande tasiwan maiwan wai asinggan asinggan yuwik kapata enake anggaman apik. Apuke sanga kuupbamu aminda yanidatakaing kaknga anutu pupuknga ba Anutu siknga yuak kapae iwana dakngawik.

1 Pita 4:7

Siwan tapduknga sandetnangge dapaknga gwa singgakge ginda gisae natdetdetzane anggaman natake yutnong. Yuke ginda gisae katak tagwauke Anutue tumuk wamu asinggan ininong.

Wamu Jonda Mia Kake Matakut San 1:11

Yanggamatake anzing nanikut, “Sanga kuupbam gata kawiyau wa gata buu gomdune matayo. Matake tewi Anututane amina yotna yotna katau kuut musa kautdu gapmaatane umana Efesa gatu Smena gatu Pegaman gatu Taiataira gatu Sadis gatu Filandelfia gatu Leodisia ngang yanikaing gapma gapmane yuaing aminde tewi kuyok,” ngang nanikut.

Wamu Jonda Mia Kake Matakut San 1:3

Siwan aminda wamu Jonda yakapmake matakuu aaknga kendetningu wa aminda asiknga baknganing. Siwan gatu aminda wamu aaknga natake gwaamutningu wa amikaya kuutda asiknga bakngake yutning. Dasingge? Tapduu wamu aakngata buya aawik gwenda apikge dapaknga gwa singgak.

Wamu Jonda Mia Kake Matakut San 10:4

Natake nata wamu wa yaking kaknga apmatanangge tasiwa ngana wamu takngatu enandangga epan nataawa wamu wa gakngatda wamu katau kuut musa kautdu dakaaya yanggau wa, “Gata ma matawim. Aho. Gata wamu wa gikae natdetdetdanekan natake teyo,” ngang yawan natapbum.

Wamu Jonda Mia Kake Matakut San 22:16

Sike na Jesu. Nata angelana initewa ita ginu Anututane aminabamu kepna kepna yuaingu kuupbamde kuke wamu waaknga danikapikge inikum. Sike nata Devitdane dongune aakum. Unzing katapdaka pasiwan gatu kainga kaikasiwik binga aakum. Sike nata yekapdaau gwaim gwen binga dakngake yuwawa aminda na nanduke kepi kakaa akngane yutnimde dapaknga gwa singgak ngang nataaing.” Sike wamu waaknga Jesuta yawan natapbum.

Wamu Jonda Mia Kake Matakut San 22:18

Siwan nata wamu kekeknga siknga aminu Anututane wamu buu anggopatang yuak kaknga natapning aminde natake yawa natapnim. Aminu tapatuta wamu inata takngatu wamu aakngane ngwakngake yawanu sanga amin pasiwan mainanga nata buu anggopatang matakumu wa kuupbam Anututa aminu waapae asimik.

Wamu Jonda Mia Kake Matakut San 22:20

Sike aminu sanga wa kuupbamde yakapmanggak kapata anzing yanggak, “Siakan siknga! Nata zetgaman apit,” ngang yanggak. Ngan. Buyambam tapaninu Jesu! Ga apso!

Wamu Jonda Mia Kake Matakut San 22:7

Sike ita anzing yakut, “Nata ginu daniwa natapnong. Nata ginde zetgaman apit. Sike aminu tapatuta wamu buu anggopatang yuak kaknga tawake tasiwiu waapae nata asinimbakngawit,” ngang yakut. Sike wamu wa kuupbam angela waapata na naniwan natapbum.

Wamu Jonda Mia Kake Matakut San 22:9

Gwetawa ngana waapata yandakngake, “Gata unzingu ma tasiwim,” ngang nanikut, “Gata Anutuekan tumuk wamu iniyo,” ngang nanikut, “Naat gaat niu puya amin gan dakngake yuamak. Ngan. Na gaat gatu gatane notda ayanikapsa aminbampat gatu aminu buu anggomde wamu atawakaing amikat nana puya amin notza tapatu,” ngang na nanikut.

Wamu Jonda Mia Kake Matakut San 5:1

Sike nata mia kawawa aminu tupan tapa sia buyambam dakane pukwike yukut tapata pepa mamaya sandu gwa tapakopbutna katakngi siyaapata takutna kakum. Kawa pepa wa gomu amakatang gatu engatangan ngangu wamu kundu gwa matakutna kakum. Kawa aminda pepa wa gomu katap gomune koomuke gatak gatakga katau kuut musa kautdu dakaaya ngangu amakatang papan gatapbing ngang kakum.