Wamu Jonda Mia Kake Matakut San 21:4 - Wantoat

⁴ Sike ita amindane kai yangga kuupbam pasiwan kuning. Sike aminu tapatuta dua kupik. Gatu aminu tapatuta musia meya dua natake kwanamu dua sike sanga toknga gupnane dua natapik. Wena siknga. Sanga tupa nana wa kuupbam gatukande gwa sandekgak,” ngang yawan natapbum.

Wamu Jonda Mia Kake Matakut San 21:4 ပူးပေါင်းရင်းမြစ်များ

Lotutane Kap Taknga 144:4

Ninu unzing waungga genine awiasip akonggak binga. Ninu tapduu dapaknga yuamang. Unzing amindane wee gunzitda tasiwan matekngasim yuke sopunggak binga.

Matyu 24:35

Sanga kuupbam ena kakaa banakan komune yuaikat gatu kepdakane nana kuut wena asinanga ngana natane wama wena dua siwik,” ngang ninikut.

1 Korin 15:26

Ita yapbike sanga ninda akumnanga aknga iwana tapatu binga masan siknga tanguwan pimapik.

1 Korin 7:31

Ngan. Aminu sanga kepdakane nana akngae bakngake pakaingu wa aminda sanga waakngae asiknga bakngake kwaapzang panangge dua natapam. Ninu atnataamang. Sanga kepdakane nana asinggan kaamang kaknga wena sinanggenggak. Wena siwan inata kundu dakngawik.

2 Korin 5:17

Siakan. Aminu tapatuta Kraisde kuwan iat musia takngatukan natapzanu Anututa waapa tasiwan natdetdeu kayuk kaknga pake aminu inata kundu dakngawik. Dakngawan natdetdeu wai tupa natapbut taknga Anututa kaiwan kungaman natdetdeu kayuk kaknga musiaatang tamuban yuwik.

2 Korin 6:17

Yake Buyambaminu waapata wamu takngatuat anzing yakut, “Ginda wa aminde banakan enake wa aminu peke ginda paku keu komdune kuke gisatakan yutnong. Yuke ginda sanga waiakngae masa imuke yuwanu nata ginde natapa take siwik.”

Hibru 12:27

Siwan wamu “sipduat gatuna pamakaiwit” ngang yakut takngae natake ninu anzing natapnim. Anututa sanga kundu pasiwan wena sining. Ngan. Sanga tupa tuwanguke tasikuu kuupbamda wena sining. Wena siwa ngana sanga kundu kekeknga siknga yuaingu wa pamakaitnanga dua. Aho. Kekeknga asinggan yutning ngang natapnim.

2 Pita 3:10

Siwan ngana Buyambam tapaninda zetgaman asapik. Tapduknga ninda ie dua natapnim gwene apan kake asatnanim. Aminu tapatuta kukae panangge apan kake satnakamang binga ita apan satnanim. Sike tapduu wagwene sanga ena kakaa banakan komune yuaingga gakngau kapzang siknga yake tapmake wena sining. Siwan katapda sanga kuupbam yasiwa sopuning. Ngan. Kepdaka kuut gatu sanga kuupbapat amikat kuut ayasiwan puyuwik.

1 Jon 2:17

Sike sanga wa aminda tasinangge ba tanangge natanggamatakaing kakngata pimanangge singgak. Siwan ngana aminu tapatuta Anutue banip tawake tasiwiu ita kayuu asinggan asinggan yuwik.

Wamu Jonda Mia Kake Matakut San 20:13

Siwan nata kawawa yanggabam gwene kumbing aminu gatu enaking. Ngan. Akupsa aminu kuupbamda akumbing katangga gatu enake yuwawa aminu buyambamu waapata wamu tupa tasiking kakngae wam tawake usanzikut.

Wamu Jonda Mia Kake Matakut San 20:14

Usanzike yawan akupsa aminu wa kuupbam pake mupewa gapma buyambamu katau toknga siknga isikonggak dakaatang pukuwa kakum. Sike nata ie natake wa aminda tupa gwa kumbing ngana gapma wa katau toknga siknga isikonggak dakaatang pukuke gatu kupa sipmaya dakngawan wa aminda toknga buyak asinggan yuwawa akumnanga aknga wena siwan kakum.

Wamu Jonda Mia Kake Matakut San 21:1

Sike nata mia kawawa sanga kayukga ena kakaa banakan komune tupa nanatane tangine aawa kakum. Sike keu kayuk gakata tupa nanatane tangine aawan kakum. Ngan. Sanga tupa ena kakaa banakan komune yuking gatu keu tupa yukut daka ngangga wena gwa sikinga kakum. Sike yanggabam gwen kaya kuut wena sikutna kakum.

Wamu Jonda Mia Kake Matakut San 22:3

Sike tupa Anututa wai aminu ayanikwasipewan kuking ngana you wanggapmane natdetdeu amin yanikwasipewan kunanga aknga dua yuak. Wena siknga. Sike you wanggapmane sia Anutuat gatu sipsip matekatda pukwike sangabam kayuamayak dakata ayuak. Siwan Anututane aminabamda ie tumuk wam inike asiknga inimbaknganing.

Wamu Jonda Mia Kake Matakut San 7:17

Dasingge? Sipsip mateu Anutu tupan siknga apatane nomune yuak kapata wa aminu akayuke yangga dapunu asakonggak dakane yanipakuwan kuning. Kuke yangga wa tangoke kayuu asinggan asinggan yutning. Yuwawa Anututa kai yangga pasiwan kuwa wa aminu kwanamu gatu dua sitning,” ngang naniwan natapbum.