Wamu Jonda Mia Kake Matakut San 21:3 - Wantoat

³ Sike nata nataawa wamu takngatu sia tupan sikngaapata pukwike kayuak dakaneta apuke apaa siknga anzing yanggamatakut, “Ginu daniwa natapnong! Apmanu Anututa kepdakane epuke amin bapat gatake yuak. Ngan. Ita aminde banakan yuwan wa aminda itane aminabam dakngake yutning. Siakan. Anututa inane amin bapat yutning.

Wamu Jonda Mia Kake Matakut San 21:3 ပူးပေါင်းရင်းမြစ်များ

Wamu Takeaknga Jonda Matakut Taknga 1:14

Siwan umana Wam Taknga ngang inikut tapata amin dakngake nin banakan katang yuwawan take sikngaapa ngang kakumang. Ita Anututane waaknga buyakan tapata yukut. Ge take sikngaapa yuwikge Nanata yakut. Siwan musiane kwikwiknga wapat siakan wapat dopan yukut.

Wamu Takeaknga Jonda Matakut Taknga 14:23

Inikwaiwan yake anzing inikut, “Aminu nae musip gwaang natakengu ita natane gena katak siknga gwaamumbik. Gena gwaamuban kake natane Nanata aminu waapae musip gwaang natangamik. Siwan naat Nanaatda ie apda iat gatake asinggan asinggan yutnim.

2 Korin 6:16

Ba asikaya Anututane yot takwan gwene ninda anutu pupukngatane weena take penim ba dasing? Ginu atnataaing. Anutu kayuu asinggan yuak kapatane yot takwan gwen binga ninda dakngake yuamang. Unzing wamu takngatu tupa Anututa yakut binga dakngake yuamang. Sike wamu waaknga anzing, “Nata wa amikat gatake yuke wa aminde banakan sukuwit. Siwan wa aminda natane aminabam dakngake nae natake nindane Anutunin ngang yaning,” ngang yakut.

2 Korin 6:18

“Siwan nata gin toike gindane nanza binga dakngawa ginda natane waaknga yapana binga dakngake yutning,” ngang Buyambam tapaninda yakut.

1 Tesalonaika 3:11

Sike ninu Nanin Anutuat gatu Buyambam tapaninu Jesuatda ninu ginde kunimde kepi Setenda umutnimukut taknga zipmandakngawat kunimde nataamang.

Hibru 11:16

Ngana wa aminda keu waom tanangge dua yaking. Aho. Keu waomu take ngana keu take siknga komdu enandang yuakge natake wa aminda musia tewa undang kukut. Unzingge Anututa yot bamu gapmandu wa aminda yutningge gwa tandakngatekut. Tandakngatekutde wa aminda ga nindane Anutunin ngang ininingge Anututa semna dua nataak.

Hibru 8:10

Yake ita anzing yakut, ‘Masande tapduu komdune nata wamu kayuu takngatu Isrel amin gatayamunangge yawa kekekawik. Sike wamu waaknga anzing, Nata ninane wamu waaknga anzing. Nata ninane wamu kuupbam wa amindane natdetdetnaatang pamumbit. Ngan. Wa amindane musiaatang pamuba wa aminda natane aminabam dakngake yuwawa nata wa amindane Anutuna yuwit.

Hibru 8:2

Waapata enandang Anututane yot takwanu buya gwene puya tasinggak. Siwan you wagwenu aminda dua mitapbing. Aho. Buyambam tapaninu Anututa ina tasike tekut.

Wamu Jonda Mia Kake Matakut San 10:4

Natake nata wamu wa yaking kaknga apmatanangge tasiwa ngana wamu takngatu enandangga epan nataawa wamu wa gakngatda wamu katau kuut musa kautdu dakaaya yanggau wa, “Gata ma matawim. Aho. Gata wamu wa gikae natdetdetdanekan natake teyo,” ngang yawan natapbum.

Wamu Jonda Mia Kake Matakut San 10:8

Sike nata nataawa wamu tupa enandangga na nanikuu waakngata gatuna anzing nanikut, “Gata kuku pepa wagomu angela yanggabam gwene gatu kepdakane ngang yaike yuak kapata tapan waiwan katakngine tanggak gomu tapso,” ngang nanikut.

Wamu Jonda Mia Kake Matakut San 12:10

Siwan nata nataawa wamu takngatuta enandangu apaa yanggamatake anzing yakut, “Nindane Anutuninda ninu waiakngane gwa sandekgak. Ngan. Ita kekeknga aknganane ninu ninduyuak. Iat gatu aminu ita tapan nin gatanimukuu wa umana Krais ngang inikamang kapaat ngangga kekeknga siknga yuke ninu ninduyuamayak. Ninduyuke waapaatda aminu wa wamu nindane notninde asinggan temapa yanggak kapa gwa inikwasitewat kuke enandangu teke kukut. Tupa waapata wa aminde wamu Anututane kaine kwakngaom gatu zikaane ngang asinggan asinggan temapa yakut.

Wamu Jonda Mia Kake Matakut San 21:7

Nanike ita anzing nanikut, “Aminu iwana ayapbikengu ita sanga take siknga papik. Sike sanga ita papiu wa anzing. Nata itane Anutuna yuke i katak toimba ita natane waaknga binga dakngake yuwik.

Wamu Jonda Mia Kake Matakut San 22:3

Sike tupa Anututa wai aminu ayanikwasipewan kuking ngana you wanggapmane natdetdeu amin yanikwasipewan kunanga aknga dua yuak. Wena siknga. Sike you wanggapmane sia Anutuat gatu sipsip matekatda pukwike sangabam kayuamayak dakata ayuak. Siwan Anututane aminabamda ie tumuk wam inike asiknga inimbaknganing.

Wamu Jonda Mia Kake Matakut San 7:15

Unzingge wa aminda Anutu nin ninduyuak kapatane nomune gitna yuaing,” ngang nanikut. “Sike kwakngaom gatu zikaane ngangu Anututane yot takwanu buya gwene yuke ie puya pasingamukaing. Puya pasingamuwawa Anutu sia buyambam dakane pukwike nin ninduyuak kapata wa amikat gatake yuke wa amin gatayamik.