Wamu Jonda Mia Kake Matakut San 21:12 - Wantoat

¹² Sike yotbamu wanggapmatane damanu buyambam enane siknga. Sike damanu wagwenu gwabou katau kuut musaat kepianganu gwakngaaya. Siwan angela katau kuut musaat kepianganu tapaaya ngangga gwabou wa kuupbam inandek wesim yuwa kakum. Sike dongu Isrel nana katau kuut musaat kepianganu tapaaya nganggane umana gwabou wa gwakgwaune kuupbam inandek matakinga kakum.

Wamu Jonda Mia Kake Matakut San 21:12 ပူးပေါင်းရင်းမြစ်များ

Lotutane Kap Taknga 122:7

Yake aminu damanda takumbasiwan Jerusalem patang banakan yutningu amaknga wena take yutningge tumuk wam yanong. Ngan, king kapaat gatu tupan aminu une nana ngangu take yutning.

Lotutane Kap Taknga 51:18

Siwan gata gika nataak kakngane aminu gatayami Saion yot gapmane takekan yutnong. Gata gatuka damanu Jerusalem yot gapmane gwenu gatuka tangenayo.

Matyu 18:10

“Siwan ginu katak siknga gwautnong. Dasingge? Ginda waatdaka mateu a yumdekan ngang natapnang. Wena. Daniwa natapnong. Enandangu angela wa amin kayuaingu asinggan Nana enandang yuak kapaat unekan gatake yuaing.

Wamu Takeaknga Lukga Matakut Taknga 15:10

Unzingge nata ginu daniwa natapnong. Ina unzakan. Anututane angelata aminu waiakngana kaya tapatuta musia tapan tekwambanu apbaknganing,” ngang yanikut.

Wamu Takeaknga Lukga Matakut Taknga 16:22

“Sike yusika masande sangana wena waapasimu akupan apu angelata uyunga take taku tewa Ebrahampat yuwawat masande sangabamna kaya waapaaya akupan kwaiwa

Aposel 26:7

Sike notna Judia nana kuupbamda zikaane gatu kwakngaom ngang kwepapman Anutuekan natake inindatake sanga Anututa tupa yawan yukut takngata buya aawikge natayuaing. Unzing natayuwawa na kaya kuut unzakan natayuat ngana notna Judia nana aminda wamu waakngae temapa yakaing.

Hibru 1:14

Asikaya angelata Anututane puya amina dua dakngake yuaing ba dasing? Ngan. Angelata Anutue puya pasingamuwawa ita yanipewan kuke aminu kundu Anututa waiakngana sandeyamuke papan iat gatake kayuk asinggan yutning amin gatayamunangge angelata kuke pasikaing.

Wamu Jonda Mia Kake Matakut San 21:13

Sike damanu gunzitda akonggak saau gwabou gwakngaat gwakguat. Siwan damanu aigwak saau gwabou gwakngaat gwakguat. Siwan damanu amugwak saau wa gwakngaat gwakguat. Siwan damanu kautdu gunzitda pukunggak saau ina unzakan. Gwabou gwakngaat gwakguat ngang kakum.

Wamu Jonda Mia Kake Matakut San 21:15

Siwan angela wa na nanikut tapata sanga katap tapa binga ngana golda sake tasikingunin take yotbamu wanggapmae tuwanga tanangge kukut. Sike you wanggapma gatu gwabok gwakgwak gatu daman gwen nganggane tuwanga tanangge kukut.

Wamu Jonda Mia Kake Matakut San 21:25

Sike gunzit tapane damande gwabou dua yapuning. Dua yapuke yuwawa zikaa you wanggapmane dua singgak. Aho. Kakaa aknganekan asinggan yuaing.

Wamu Jonda Mia Kake Matakut San 22:14

Sike aminu tauknga asauwa dudumna sikaingu wa kuupbamda katau wa tapuya nake kayuu asinggan yutnanga dakandakatane tapuya take naning. Ngan. Wa aminda yotbamu anggapmae gwabok gwaune take akopning.