Wamu Jonda Mia Kake Matakut San 20:11 - Wantoat

¹¹ Siwan nata kawawa sia dakatu tupan siknga apaapata pukwike kayuaing binga kwaknga daka kakum. Sike buyambam tapata sia wandakane pukwike kayuwawan kakum. Siwan kepat gatu ena kakaa banakan kopatda aminu buyambamu waapae nomune gitna yutnanga dua. Aho. Waapa ateke kuke kusika akusopuwa kakum.

Wamu Jonda Mia Kake Matakut San 20:11 ပူးပေါင်းရင်းမြစ်များ

Lotutane Kap Taknga 102:26

Ena kakaa kopat kepat wena siknga asisan. Siwan ngana ga asinggan asinggan yuya. Sanga waapaau taukga bumi sikaing binga sisan. Siwan gata sanga waapaau kake aminda tauknga bumi siwa peke kayuk pasikaing binga gata sanga waapaau pasiwi gatukande sopuke gatu dua yutzan.

Lotutane Kap Taknga 47:8

Anutu king siknga yuke dongu aminu kuupbam kayuak. Ita king kapa ge inane sia king dakanane pukwike yuak.

Lotutane Kap Taknga 89:14

Gata king kapa yuke aminu kuupbam noman takngane kayuwayak. Sike aminu wam yot gwene usanzikgayak kaya noman gan tasinggayak. Gata amin kuupbamde take natayamuke wamu ayanggayak takngakan asinggan tawake ga tapatekwan ba dua singgayak.

Lotutane Kap Taknga 97:2

Minga gatu zikaa aknga ngangga Anutu banakan yuwawan atakumbasikamayak. Atakumbasiwawat ita kepi noman takngane tawake aminu usanzike kayuak.

Matyu 11:22

“Sike nata daniwa natapnong. Tapduknga Anututa aminbam usanziwik gwekatangu meya Taiaat Saidon nanaatda paning binga dua unenana aminda paning,” ngang yanikut.

Matyu 24:35

Sanga kuupbam ena kakaa banakan komune yuaikat gatu kepdakane nana kuut wena asinanga ngana natane wama wena dua siwik,” ngang ninikut.

Matyu 25:31

“Siwan masande na aminbamde notnaapa dakngake yuat tapata kekeknga akngana buyak apit. Naat angela kuupbapatda apnim tapduk gwene na buyambamtapa dakngake kekeknga aknganane yuwit.

Pas Polda Rom Nana Aminde Matayamukut San 2:5

Undanga ngang natake gata yamandet sike musipba tapi tekwamban waiakngakae masa imunangge dua nataayak. Unzingge tapduknga Anututa aminbamu nomana siknga usanzike toknga yake waiaknganae yamik gwene gata toknga siknga papsa.

2 Pita 3:7

Ngan. Wa aminu atzipa kumbing ngana wamu Anututa gwa yawan yukut takngane sanga ena kakaa banakan komune yuaikat gatu sanga kepdakane yuaikat ngangu masande katapda ayasiwan wena sining. Sanga wa kuupbamda ayutningge natake Anututa yake tasiwawan kuku tapduknga ita wai aminu kuupbamdane wam usanziwik gwenda apik. Apana ita wa aminde toknga yamuke pasiwan maining.

Wamu Jonda Mia Kake Matakut San 12:8

Sike nata kawawa kepmaamu waapaat gatu itane dongaat yapbike zipa pimapa Anututa dua kapewan enandang yuking.

Wamu Jonda Mia Kake Matakut San 16:20

Siwan keu yanggabam gwenu banakan yukingu kuupbamda isakuke yangga amaakatang pukusopuwawa kakum. Kawawa tawanu kuupbam ina unzakan isakuke depimake wena siking.

Wamu Jonda Mia Kake Matakut San 19:11

Siwan nata mia kawawa ena kakaa banakan komda matawan kuwan kakaa siwan ikwawa gamanu hos ngang yanikamangu kwaknga gwenduta yuwan kakum. Sike aminu hos wagwendane masene pukwikut tapatane umana takngaaya anzing. Aminu puyana katak siknga kayuak kapa gatu Aminu siakan wamban yanggak kapa ngang iniking. Sike ita amindane wamu katak siknga usanzike yawan siakan siwik. Siwan ita wai aminkat amau atasinggak.

Wamu Jonda Mia Kake Matakut San 20:2

Sike ita kepmaamu waapa tanggaganuke senda gitna siknga wamake gapma amunandang siknga pukukuu wandakaatang mutewan pukukut. Mutewan pukuwana angela waapata gapma wandaka zangutna gitna siknga zanguuke ita Anututane tuwanga zangutna wasane matakut. Matake nakanu 1,000 ngang yuwikge tasikut. Sike kepmaamu waapa gomou tupa siknga yukuunin. Sike tuwang wamu waakngatane yapii aminu aminbamde wamu atemapa yanggak kapa umana Seten ngang inikamang. Sike waapata gapma wandakane yuke aminu kepdakane yuaing aminu gatu kemu panzitnanga dua. Ita unzing yuwawan nakanu 1,000-nu apuyuwik. Siwana masande Anututa sandetewan ita gatu akoke tapduu dapaknga sikngakan kepdakane sukuwik.

Wamu Jonda Mia Kake Matakut San 21:1

Sike nata mia kawawa sanga kayukga ena kakaa banakan komune tupa nanatane tangine aawa kakum. Sike keu kayuk gakata tupa nanatane tangine aawan kakum. Ngan. Sanga tupa ena kakaa banakan komune yuking gatu keu tupa yukut daka ngangga wena gwa sikinga kakum. Sike yanggabam gwen kaya kuut wena sikutna kakum.

Wamu Jonda Mia Kake Matakut San 21:5

Sike nata nataawa aminu sia buyambam dakane pukwike kayukut tapata anzing yakut. “Ginu daniwa natapnong. Nata sanga kuupbam tasiwa kayuk dakngakaing,” ngang yakut. Yake ita na anzing nanikut, “Gata wamu nata yanggat taknga apmatayo. Dasingge? Wamu waaknga siakan siknga. Siwan aminbamda ie banip siknga sining,” ngang nanikut.

Wamu Jonda Mia Kake Matakut San 4:2

Siwan zetgaman siknga Waung Kapata na kekeknga siknga tapan nata mia anzing kakum. Enandangu sia dakatu tupan siknga apata pukwike kayutnanga daka kakum. Kawawa aminu tapatuta sia wandakane pukwiwan kakum.

Wamu Jonda Mia Kake Matakut San 6:14

Kawawa ena kakaa banakan komu wena sikut. Unzing aminda mat daka koomuke take kuwik binga sanga wa kuupbam wena siwa kakum. Sike tawanu kuupbam gatu keu yangga banakan yuaingu kuupbam ayuaing komu teke asisang kuke wena siwa kakum.