Wamu Jonda Mia Kake Matakut San 2:24 - Wantoat

²⁴ Siwan aminu gikat nana kunduta maya waapatane wam takngae natake natdetdeu Setenda inane musiaatang natake tekut taknga unin ngang yakaing. Siwan aminu kunduta natdetdeu wa gwa taking. Siwan ngana ginu Taiataira nana natdetdeu wa dua taking aminde natake nata mama wamu kwaapzang dua daniwit.

Wamu Jonda Mia Kake Matakut San 2:24 ပူးပေါင်းရင်းမြစ်များ

Aposel 15:28

Waung Takwakat nikat unekan gatake yuke wamu takngatukan anzing yakumang. Sanga kwatanbam tasiningge dua daninim ngang yakumangge anzing tawake yutnong.

Aposel 16:14

Yanina natapbinggane tapatu umana Lidia ngang iniking. Itane yotna Taiataira. Siwan waapatane puya anzing. Tauk gamana siknga yaman usikaing. Siwan ita asinggan asinggan Anutue inindatake yukut. Siwan Polda yawan waapata natapan Anututa bania tangenawan baniane siakan ngang natapbut.

1 Korin 2:10

Wamu waaknga buya aawan Anututa natdetdeu wa ita tupa takusopuwan yukut taknga ninde yeutnimukut. Ita yawan inane Waung Kapata natdetdeu waaknga yeutnimukut. Ngan. Itane Waung Kapata sanga Anututa musiaatang nataau kuupbamu atnataak. Siwan natdetdeu Anututa pakusopuwan yuaing kaknga kuut atnataak.

2 Korin 11:3

Nata gin pasiwa ginda Kraisde kuke iat gatake kekeknga siknga yuke ie wamdekan natanggamatake tasikaing. Siwan ngana aminu kunduta enake natdetdeu nomana siknga wa ginda nataaing kaknga pasiwa wai siyak ngang natagwauke daninggat. Unzing gomou tapatuta tupa siknga Ivde kuke kem tasike iniwan pimakut binga ginda pimanang ngang natake daninggat.

2 Korin 2:11

Siwan ninu atnataamang. Setenda natdetdeu takngatu takngatu natake nin nipbike pasiwan mainimde tasinggak ngangu atnataamang. Sike ita unzingu ninu dua pasiwan mainimde natake nata aminu waapatane waiakngana gwa sandekngamunggat.

Jems 3:15

Aminu sanga wa binga tasikaing amindane natdetdeu waaknga enandang yuak kapatane dua. Aho. Natdetdeu waaknga sanga aminda inane musia enayaaknga tawake tasikaing amindane. Ngan. Natdetdeu waakngatane yapii Setenu unin.

Wamu Jonda Mia Kake Matakut San 1:11

Yanggamatake anzing nanikut, “Sanga kuupbam gata kawiyau wa gata buu gomdune matayo. Matake tewi Anututane amina yotna yotna katau kuut musa kautdu gapmaatane umana Efesa gatu Smena gatu Pegaman gatu Taiataira gatu Sadis gatu Filandelfia gatu Leodisia ngang yanikaing gapma gapmane yuaing aminde tewi kuyok,” ngang nanikut.

Wamu Jonda Mia Kake Matakut San 12:9

Aho. Anututa kepmaamu waapaat gatu itane donga ngang ayanikwasipewan kuke waakwakga kepdakane pukuking. Sike kepmaamu waapatane yapii gomou tupa siknga yukut tapa unin. Itane umana takngaaya Seten gatu Aminbamde Wam Temapa Yanggak Kapa ngang inikaing. Waapata aminu kepdakane nana kuupbam kem panzikgaunin.

Wamu Jonda Mia Kake Matakut San 13:14

Siwan Anututa katewan wagwenda duya inata inata kundu kaapzongu tupan apbut gwende nomune yuke tasikut. Tasike aminu kepdakane nana kuupbam kem panzikut. Kem panzike wagwenda aminbamu kaapzongu tupa aminda tanguwa kumbut ngana akgweake kayuk yuak gwendane weena katap gom pasike tandaitningge yanikut.

Wamu Jonda Mia Kake Matakut San 2:13

Na gatane yotdae atnataat. Gata keu Setenda take yuak komune yuayak. Siwan keu Setenda pake yuau wa komune natane amina tapatu umana Antipas ngang iniking. Ita kekeknga yuke natane umana yanikapmake tasiwawan ngana iwanata enake i tanguwa kumbut. Siwan tapduu waomune gata natane umana dua takusopukuyak. Aho. Gata natane umana aknga gitna siknga take yukuyak.

Wamu Jonda Mia Kake Matakut San 2:18

“Siwan gata wamu kundu Anututane amina Taiataira yot gapmane yuainggane tupan tapae anzing matangamuyo,” ngang nanikut. “Na Anututane waaknga. Sike nata amin kanggamatawa wa amindane musiaatangu katapda binga yasinggak. Siwan natane kepina kwaknga siknga kawawa gunzitda kapa sakatang kawan waenga singgak binga siwan kaaing. Nata gae natake wamu kundu ganiwa natapso.

Wamu Jonda Mia Kake Matakut San 2:9

Na atnataat. Gatane iwandata enake meya takngatu takngatu gae gamuwawa gata sangae asiknga dapmake yuayak. Sike ngana gata sanga Anututa ga gatanggamunanga kwaapzang pake yuayak. Siwan aminu kunduta yake ninu Judia nana amin ngang yakaing ngana nata wa aminde natapa dongu keu komdune nana katum aminu Setendane donga binga daknganggak. Siwan wa aminda gae asapdukgamukaing. Ie na atnataat.