Wamu Jonda Mia Kake Matakut San 19:16 - Wantoat

¹⁶ Sike itane umana matakingu wa itane taukngane gatu itane kepine ngang yuwan kakum. Sike itane umana anzing: Aminu Tupan Sikngaapa Aminu Tupan Tapaapa Kuupbam Kayuak.

Wamu Jonda Mia Kake Matakut San 19:16 ပူးပေါင်းရင်းမြစ်များ

Lotutane Kap Taknga 136:3

Ginda Buyambam tapae asiknga inimbaknganong. Waapa aminu tupan tapa apatane Buyambam tapana unin. Asinggan asinggan ita ninde musip gwaang siknga natanimuke yuak.

Lotutane Kap Taknga 72:11

Kingu kuupbamda waapae munu puke inimbaknganing. Siwan aminu kepna kepna yuaingu kuupbamda itane puya pasingamuning.

Lotutane Kap Taknga 89:27

Siwana nata yawa waaknga tupan tapa dakngake kingu kepna kepna yuaingu kuupbam yapbimbik.

Matyu 25:40

“Naniwa nata buyambamtapa yuke yake anzing yaniwit, ‘Nata siakande siknga daninggat. Sanga ginda notna umana wena apasimde tasikingu sanga wa kuupbam nae tasingamukaing ngang dandupbum,’ ngang yaniwit.

1 Timoti 6:15

Siwan Anututa tapduknga ina yawan yukut gwene ita tasiwan Kraisda kepdakane gatuna epik. Siwan Anutu awiapatakan kekeknga siknga yuwawan ninda ie asiknga baknganim. Ngan. Ita buyambam tapaapa kuupbam yapbike tupan siknga apa dakngake aminu waakwau akayuak.

Wamu Jonda Mia Kake Matakut San 17:14

Siwan waakwau sipsip mateu wagwekat amning. Amawawa ngana sipsip mateu wagwenda aminu waakwau asiknga yapbimbik. Ngan. Wagwekat gatu aminu inae panangge yayawamban ie kuke iat gatake kekeknga siknga yuaing amikat ngangga aminu waakwau ayapbitning. Dasingge? Sipsip mateu wagwendane yapii wa aminu tupan siknga apanin. Ita aminu tupan tapaapa kuupbam kayuak. Ngan. Aminu tupan tapaapa kuupbamdane tupan siknga awia apatakan ayuak,” ngangu angelata unzing naniwan natapbum.

Wamu Jonda Mia Kake Matakut San 2:17

“Siwan aminu maaknga kaya kakengu waapata wamu Waung Kapata Anututane amina yotna yotna yuaingge yanikapmanggak kaknga natapsok. Sike aminu kekeknga siknga yuke iwana ayapbimbiu waapae nata nanamu enandang nana kundu apmanu akusopuke yuau asimit. Sike nata suu kwaknga gwendu take umana kayuk kaknga suu wagwene matake ie asimit. Siwan umana kayuu waaknga aminu tapatuta dua natapik. Aho. Aminu suu wagwen tapik kapatakan atnatapik.”