Wamu Jonda Mia Kake Matakut San 19:1 - Wantoat

¹ Siwan sanga wa kawa puyuwana nata nataawa aminu kwaapzangu enandang yuaingga wamu apaa siknga anzing yanggamataking, “Ninda Anututane umana asiknga yatangenatnim! Nindane Anutuninu awia tapatutakan ninu waiakngane sandekut. Sike itane umana awia akngakan buyambam siknga singgak. Sike ita kekeknga siknga yuak.

Wamu Jonda Mia Kake Matakut San 19:1 ပူးပေါင်းရင်းမြစ်များ

Lotutane Kap Taknga 104:35

Nata nataau wai aminu kuupbamu kepdakane wena siningge nataat. Ngan, aminu waiaknga tasikaingu wena siknga siningge nataat. Sike nata Buyambam tapatane umana asiknga yatangenawit. Buyambam tapatane umana yatangenatnong.

Lotutane Kap Taknga 106:1

Buyambam tapatane umana yatangenatnong. Buyambam tapata sanga takekan tasinggak kakngae natake ginda ie gaak wam inimbaknganong. Dasingge, ita ginde gwangau asinggan asinggan natandamunggak.

Lotutane Kap Taknga 111:1

Buyambam tapatane umana yatangenatnong. Nata Buyambam tapae gwaam siknga natangamuke asiknga inimbakngawit. Ngan, aminu kepi noman takngane sukukaing aminu unekan gatake yutning komune yuke nata asinimbakngawit.

Lotutane Kap Taknga 115:18

Siwan ngana ninu ayuamangu, gaak kaknga Buyambam tapae apman gatu masan kaya asinggan asinggan inimbaknganim. Buyambam tapatane umana yatangenatnong.

Lotutane Kap Taknga 146:1

Anututane umana yatangenatnong. Nata ninaaya itane umana yatangenawit.

Lotutane Kap Taknga 148:1

Buyambam tapatane umana yatangenatnong. Ginu kuupbamu yekaune enane yuaingga Buyambam tapatane umana yatangenatnong.

Lotutane Kap Taknga 149:1

Buyambam tapatane umana yatangenatnong. Ginda ie kau kayuk taknga aknga tainong. Taike amin asingganu unin tawakaing aminun, ginda itane umana gaak inikaing tapduk komune initangenatnong.

Lotutane Kap Taknga 150:1

Ginda Buyambam tapa inimbaknganong. Ginu Anututane yotna gwekatang koyuke umana aknga yatangenatnong. Ginu yekaune enane yuaingga ie inimbaknganong.

Lotutane Kap Taknga 3:8

Buyambam tapata ninu sandeke papan meya takngatu dua kanim. Buyambam tapa, ninu gikane amindabamde kakuya take pasiwi takekan yutnim.

Lotutane Kap Taknga 62:11

Asingganu nata nataawa Anututa wamu takngatu yakut. Ngan. Wamu takngaya anzing yawan natapbum. “Na Anutu, na kekekngana bamban tapa,” ngang yakut.

Matyu 6:13

Siwan gata sanga nin pasiwan sinimde ma ninipakuwim. Sike gata nin gatanimi Setenda ninu dua pasiwa mainim.’

Wamu Jonda Mia Kake Matakut San 11:15

Siwan nata nataawa angela katau kuut musa kautdu tapaaya ngangu pum pakingkat nana masan siknga apata pumna puyapan natapbum. Sike nata nataawa wamu kundu enandangu apaa anzing yanggamataking, “Nindane Buyambam tapanin gatu aminu ita tapan itane aminabam gatayamuke waiakngane sandekut tapaat ngangga aminu kepna kepna nana amin kayuaingu kuupbam pake waapaatda kekekake aminu waakwau asinggan asinggan akayuamayak,” ngang yaking.

Wamu Jonda Mia Kake Matakut San 12:10

Siwan nata nataawa wamu takngatuta enandangu apaa yanggamatake anzing yakut, “Nindane Anutuninda ninu waiakngane gwa sandekgak. Ngan. Ita kekeknga aknganane ninu ninduyuak. Iat gatu aminu ita tapan nin gatanimukuu wa umana Krais ngang inikamang kapaat ngangga kekeknga siknga yuke ninu ninduyuamayak. Ninduyuke waapaatda aminu wa wamu nindane notninde asinggan temapa yanggak kapa gwa inikwasitewat kuke enandangu teke kukut. Tupa waapata wa aminde wamu Anututane kaine kwakngaom gatu zikaane ngang asinggan asinggan temapa yakut.

Wamu Jonda Mia Kake Matakut San 19:6

Siwan nata wamu takngatu nataawa aminu kwaapzang sikngata wamu kumzang yawa gakngatda binga yakut. Sike gatu yangga buyambam tapaapata zipmake gakngae yakaing binga sike gatu gakngau takngatu takngatuta yakaing binga sikut. Siwan nata nataawa wamu waakngata anzing yanggamatakut, “Ninda Anututane umana asiknga yatangenatnim! Anutu wa nindane Buyambam tapaninda kekeknga siknga yuke sangabam kayuak!