Wamu Jonda Mia Kake Matakut San 18:9 - Wantoat

⁹ “Siwan katapda you wanggapma isiwawan kupanda tuyuknga dua akopik. Akonggawan kake aminu buyambam tapaapata tupa iat yasewa tasike gatu imanggaman tasike sangaapana buyambam paking aminda kwanamu kumzang siknga sitning.

Wamu Jonda Mia Kake Matakut San 18:9 ပူးပေါင်းရင်းမြစ်များ

Lotutane Kap Taknga 58:10

Sike amin nomanda wai aminu Anututa pasiwan maiwan kakengu apbaknganing. Siwana noman aminda wai amindane dak kakngane kepina sautning.

1 Timoti 5:11

Sike ngana maya kombakobau aminuake dua sike kekeknga yuak kapata umana matawiyakge ganiwan ngana gata maya waapatane umana ma matawim. Wena. Ga atnataayak. Waapatane umana matake gatangami ngana masande itane musia gatuna enawan wawi kayuk tanangge musiaatangu toknga siknga natapik. Siwan sanga wa musia enayaakngata mayatane natdetdetna kaitakuwan mayata yamandet sike apnae kuwik.

Wamu Jonda Mia Kake Matakut San 14:11

Pake yuwawa kupanu katau wagwenda toknga yasiwan akoke asinggan asinggan kopik. Kowawan aminu kaapzong gatu itane weena ngangge tumuk wam yanike tuwangu itane umanae paningu wa aminu kwakngaom gatu zikaane ngang toknga asinggan asinggan pake yuwa takananga dua siwik.” Siwan wamu waaknga angelata yanggamatawan natapbum.

Wamu Jonda Mia Kake Matakut San 17:2

Siwan aminu tupan tapaapa kepna kepna nana aminda yasewa aknga maya waapaat tasiking. Ngan. Kepdakane nana aminde maya waapata wain yangga aknga ayaman tangoke dataptaking. Sike wain yangga wa sanga yasewa aknga maya waapata tasikut taknganin.

Wamu Jonda Mia Kake Matakut San 18:18

Maa yuke wa aminda kawawa katapda you wanggapma isinggawan kupanda akowawan kake anzing yanggamataking, ‘You anza binga gapmandui wena ngang yawa kakum.’

Wamu Jonda Mia Kake Matakut San 18:20

‘Siwan ginu enandang nana gatu aminu Anututa papan itane kwiiknga dakngake yuaing gatu yakapsa amin dakngakingu kuupbamda natake you wanggapma wai gwa singgakge apbaknganong. Ngan. Tupa you wanggapmane nana aminda toknga takngatu takngatu ginde damuking ngana apmanu Anututa ginde natake ita toknga yake yamunggak,’ ngang yakut.”

Wamu Jonda Mia Kake Matakut San 18:3

Dasingge? Aminu you wanggapmane nana aminda wain yangga aknga aminu kuupbamde ayama tangopbing. Sike wain yangga atangopbingu wa sanga yasewa aknga wa amikat tasiking unin. Ngan. Aminu tupan tapaapa kuupbamda aminu you wanggapmane nana amikat yasewa aknga atasiking. Sike wa aminda you wanggapmane koke imanggaman tasike sangaapana kwaapzang paking.” Ngang angelata wamu waaknga yanggamatawan natapbum.

Wamu Jonda Mia Kake Matakut San 18:7

Wa aminda inane umana yapangenake inane gupna kumzang pasigwaanguking. Sike ginda wa amindane umana yaipapaakusike wa aminde meya kwaapzang yamunong. Dasingge? Maya waapata inane musiaatang anzing nataak: ‘Nata tupan sikngaapa yuat. Na kombakobat tapa dua yuat. Sike meya takngatuta nae dua apik,’ ngang nataak.

Wamu Jonda Mia Kake Matakut San 19:3

Unzing yake wa aminda gatu anzing yanggamataking, “Ninda Anututane umana asiknga yatangenatnim! Katapda yotbamu wanggapma isike isike yuwawan kawatna kupanu asinggan enandang konggak,” ngang yaking.

Wamu Jonda Mia Kake Matakut San 2:22

Unzingge ita akgwaumsok. Nata maya waapa tasiwa ita maiu buyambam siwik. Siwan maya waapata yasewa aknga tasike aminu kundutane musia pangenawan wa amin kaya kuutda yasewa pasikaing. Sike wa aminda musia dua tapa tekwamban sanga wa tasikaingge masa dua imanu nata meya buyambam siknga wa aminde yamit.