Wamu Jonda Mia Kake Matakut San 15:3 - Wantoat

³ Pake wa aminda kau takngatu tupa siknga Mosesda Anututane puya amina dakngake itane aminabamu iwanae kataune sandekutde taikut binga taiking. Ngan. Kau wa sipsip mateu wagwenda wa aminu iwanae kataune sandekutde natake anzing taiking, “Buyambam tapaninu Anutu! Ga kekeknga sikngaapa! Puya kuupbam gata tasinggau wa take siknga. Ninda gatane puyakae nangaakan nataamang. Ga ninu aminu kuupbamdane tupan tapa. Kepi kuupbamu gata tasinggau wa noman siknga.

Wamu Jonda Mia Kake Matakut San 15:3 ပူးပေါင်းရင်းမြစ်များ

Lotutane Kap Taknga 100:5

Sike Buyambamtapa sanga take akngakan tasinggaunin. Asingganu ita ninde musip gwaang natanimunggak. Ita inane siakan wam takngana asinggan asinggan tawanggak.

Lotutane Kap Taknga 105:5

Ginda puya kekeknga Buyambam tapata tasikutde gatu duya takngatu takngatu tasikutde natdetnong. Ita aminu katak kayuke toiknggakge ginda kuut natdetnong.

Lotutane Kap Taknga 111:2

Buyambamtapa puyana take siknga pasinggak. Aminu puya Buyambam tapata pasinggakge take nataaing aminda puya wa ita pasinggak kakngae katak natake yutnong.

Lotutane Kap Taknga 111:7

Ita sanga siakan gan tasike kepi noman gan tawake tasinggak. Tasike ita inane pasap wamda yanggak kaknga natake ninu ie banip sinanga.

Lotutane Kap Taknga 139:14

Siakan. Duya kekeknga takngatu takngatu pasikuyak binga. Unzingge nata gatane umanda ayatangenakgat. Sangabamu gata pasikuyau inata siknga siwan gwaam siknga. Siwan nata sanga waakngae katak siknga atnataat.

Lotutane Kap Taknga 145:17

Anutu waapa noman takngakan tawake sangabamu tasinggak katangu ninde musip kwikwik natanimunggak.

Lotutane Kap Taknga 145:6

Siwan aminbamda puya kekeknga taknga aknga pasikuyakge yatake kuning. Sike natanu gatane umanda kopsa akngae yakapit.

Lotutane Kap Taknga 18:30

Anututane yuyuknga aknga take siknga siwan noman gan. Sike ita sanga takngatu tasinangge yanggau, siakan gan siknga yanggak. Gatu Buyambamtapa tiunggu amak tasiya daka binga. Ita aminu ie kukaingu akgatayamuke iwanata dua kaningge apakusopunggak.

Lotutane Kap Taknga 78:12

Siwan bapunatane kaine Anututa duya takngatu keu Soan yot gapma Isip kep komu yuwaune tasikut.

Lotutane Kap Taknga 92:5

Buyambamtapa, gata puya buyambam siknga pasinggayak. Gatane natdetdetda buyambam siknga.

Lotutane Kap Taknga 99:4

Kingu kekekngaapa, ga noman takngaekan take siknga nataayak. Ngan, gata ninu Isrel nana aminu sanga take gatu noman taknga ngang tasinimde nimukuyak. Nimi ninda atawakamang.

Wamu Takeaknga Jonda Matakut Taknga 1:17

Ge Anututa yawan Mosesda tupanu mama wamdekan yanikut ngana masande Anututa gatu yawan Jesu Kraisda kwikwiknga wam takngaat siakan wam takngaatde ninikut.

1 Timoti 1:17

Unzingge ninda Anututane umana asiknga yatangenatnim. Ngan. Anutu waapa tupan siknga apa asinggan asinggan yuwawik kapa unin. Ninda kaininda kananga dua ngana ita wena dua siwik. Anutu siknga awia waapakan. Siakan.

Hibru 3:5

Siwan Moses waapata Anututane aminabamde banakan yuke puya nomana siknga tasikut. Ita Anututane puya amina tapatu dakngake wamu Anututa masande nin ninikapnangge yakut takngae natake ita tuwanguke yanikapbut.

Wamu Jonda Mia Kake Matakut San 1:8

Siwan Buyambam tapaninu Anutu kekeknga siknga yuak kapata anzing yakut, “Na Anutu awia tapatutakan yuat,” ngang yakut. Sike waapata tupa siknga yuwawan apu apman apunggak. Siwan ita asinggan asinggan ayuak.

Wamu Jonda Mia Kake Matakut San 11:17

“Anutu! Nindane Buyambam tapanin! Ga kekeknga siknga ayuayak. Tupa siknga gata ayukuyak. Ninda ga ganimbakngakamang. Gata gikane kekeknga akngakane tuwanguke aminu kuupbam pake kayuayak.

Wamu Jonda Mia Kake Matakut San 14:3

Sike wa aminda kau kayuu takngatu Anutu nin ninduyuak kapae nomune gatu sanga kayuk yuaingu wa gweaat gweaatde nomune yuke taiking. Siwan aminu tapatuta kau kayuu waakngae natdetnanga dua. Aho. Aminu kepdakane nana 144,000-nu waakwau Jesuta waiakngane sandekut amindakan kau waakngae natdetdeu paning.

Wamu Jonda Mia Kake Matakut San 14:8

Siwan angela tapatuta angela wa tupan apbut tapa tawatake apan kakum. Sike angela masan apbuu waapata anzing yakut, “Aminu Bebilon yotbam gapmane nana kuupbamda wai gwa sikaing. Tupa aminu waakwakga aminu kepna kepna nana kuupbam yanindatdauwawa wa aminda yasewa kwaapzang you wanggapmane nana aminda tasiking kaknga tawake tasikaing. Unzing maya tapatuta wawi apa inindatdauwan wain yangga aknga tangoke datdaptake musia enawan ita maya waapaat gatake yasewa aknga tasisan binga pasiwan aminu kwaapzangga wai siking.”

Wamu Jonda Mia Kake Matakut San 17:14

Siwan waakwau sipsip mateu wagwekat amning. Amawawa ngana sipsip mateu wagwenda aminu waakwau asiknga yapbimbik. Ngan. Wagwekat gatu aminu inae panangge yayawamban ie kuke iat gatake kekeknga siknga yuaing amikat ngangga aminu waakwau ayapbitning. Dasingge? Sipsip mateu wagwendane yapii wa aminu tupan siknga apanin. Ita aminu tupan tapaapa kuupbam kayuak. Ngan. Aminu tupan tapaapa kuupbamdane tupan siknga awia apatakan ayuak,” ngangu angelata unzing naniwan natapbum.

Wamu Jonda Mia Kake Matakut San 19:16

Sike itane umana matakingu wa itane taukngane gatu itane kepine ngang yuwan kakum. Sike itane umana anzing: Aminu Tupan Sikngaapa Aminu Tupan Tapaapa Kuupbam Kayuak.

Wamu Jonda Mia Kake Matakut San 19:2

Sike ita amindane wamna usanzike yawan siakan siknga siwik. Siwan maya wa yasewa aknga kwaapzang tasikut tapata aminu kepna kepna nana buyambam pasiwan maiking. Unzingge Anututa maya waapatane wamna usanzike toknga asimukut. Ngan. Maya waapata Anututane puya amina zipan kumbingge Anututa toknga waaknga yake imukut,” ngang yaking.

Wamu Jonda Mia Kake Matakut San 4:8

Sike sanga wa gweaat gweaatda inandek inandeu piana 6 ngang kakum. Sike kaina kwaapzang sikngata gupnane gatu pia engetanan gatu amakatang ngang tapa sopukutna kakum. Sike kwakngaom gatu zikaane ngang tapduk bamu asinggan kau anzing taikaing, “Anutu, Buyambam tapa. Anutu, takwan, takwan, takwan sikngaapa. Ita tupa siknga ayukut. Ita apmanu ayuak. Ita kekeknga asinggan asinggan yuwik.”