Wamu Jonda Mia Kake Matakut San 14:7 - Wantoat

⁷ Ita bepmake kuyuk wamu apaa anzing yanggamatakut, “Ginu kuupbamda Anutue gwautnong! Tapduknga Anututa aminu kuupbamdane wamna usanziwik gwenu gwa singgak. Unzingge ginda Anutu sanga ena kakaa banakan kom gatu kep gatu yanggabam gwen gatu yangga dapun ngang tasikut tapae umana yatangenatnong,” ngang yakut.

Wamu Jonda Mia Kake Matakut San 14:7 ပူးပေါင်းရင်းမြစ်များ

Lotutane Kap Taknga 115:15

Buyambamtapa yekapat kepkat pasikut tapa unin. Ita ginu take siknga pasiwikge nataat.

Lotutane Kap Taknga 124:8

Buyambam tapa, yekapat gatu kepat pasike pekut tapata, ninu ina gatanimunggak.”

Lotutane Kap Taknga 33:6

Siwan Anututa wamban yawan, gunzit gwen gatu yekap gwen gatu yekapdaak ngangu ena kakaa komune aake yuking. Siwan gatu ita wamban yawan sanga kuupbam ena kakaa komune aaking.

Lotutane Kap Taknga 36:1

Nata wamu takngatu wai aminda tasikaing kakngae musipmaatang nataat. Aminu unzing kapata Anutue kundusim paa dua gwaukgak. Wena siknga. Ita Anutue masa imunggak.

Lotutane Kap Taknga 89:7

Sike angelata paut tasikengu gae akgwaukaing. Siwan angela wa kuupbamda ga takumbasike gae akgwaukaing.

Lotutane Kap Taknga 95:5

Ita ina siknga kepdakaat gatu yanggabam gwekat pasike pekut. Unzingge ina kayuak.

Matyu 25:13

“Ina unzakan. Ginda tapduknga nata apit gwende dua natake katak siknga tandaknganong,” ngang ninikut.

Wamu Takeaknga Lukga Matakut Taknga 17:18

Aminu katau kuut musa kautdu tapaat tapaatda watana wena sike ngana Anutu inimbaknganangge bitake dua apuing. Siwan ga iwan nana apatakan apunggayak,” ngang inikut.

Aposel 14:15

“Ginu unzingu ma tasiwam. Nikaya kepdakane nana amin siknga gin bingakan. Ge nitda apu wamu takeaknga danike ginda upau wai wa tasikaing kaknga teke musipza tapa tekwamban Anutu kayuk asinggan yuak kapaekan natapningge danikamak. Anutu waapata yekap ba kep ba gatu yanggabam gwen ba gatu sanga bamu yekapatang kepatang ba gatu yanggabapatang yuaing ngangu pasike pekut tapanin.

1 Pita 4:7

Siwan tapduknga sandetnangge dapaknga gwa singgakge ginda gisae natdetdetzane anggaman natake yutnong. Yuke ginda gisae katak tagwauke Anutue tumuk wamu asinggan ininong.

Wamu Jonda Mia Kake Matakut San 11:13

Siwan tapduu waomzimunekan miyamunu buyambam siknga siwan yotbamu wa gapmatane yot gwegwenu kautdusimban awaike pimake aminu kwaapzang siknga 7,000 ngangu atzipa kumbing. Siwan aminu ayukingu wa kuupbamda kumzang siknga gwauke Anutu enandang yuak kapatane umana yatangenaking.

Wamu Jonda Mia Kake Matakut San 11:18

Ngan. Katum aminu kepna kepna nana kuupbamda yamandet sike gae semna siknga natanggamuke yuking. Ngana tapduknga gata toknga wa aminde yamiyak gwenda gwa apunggak. Sike apmanu akupsa aminda wamna yawa natake gata wa amindane wamna usanziwiyak. Usanzike gata sanga take siknga gikane aminda gikane puyaka pasinggamuke gikane wamba yanikapbing aminde ayamiyak. Ngan. Aminu gae gwauke gae gepbiatang koyuaingu umana kaya gatu umana wena aminu kuutda gata apmanu sanga take siknga ayamiyak. Siwan tapduknga gata aminu kepdakane yuke aminbam pasiwa maiking aminu kuupbam pasiwi maining gwenda gwa apunggak.”

Wamu Jonda Mia Kake Matakut San 15:4

Buyambam tapanin. Ga awiapatakan nomana siknga yuayak. Asikaya aminu tapatuta gae dua gwaumbik? Dua gwauke gatane umanda dua yatangenawik ba dasing? Wena. Aminu kepna kepna nana kuupbamda gae apuke tumuk wam ganining. Ngan. Puya kuupbamu gata nomana siknga pasinggayak kaknga anggamanu aminu kuupbamda gwa kaking.”

Wamu Jonda Mia Kake Matakut San 16:9

Aminbamdane gupna toknga siknga yasiwawan wa aminda Anutu meya wa kuupbam kapewan apbing kapatane umanae sapdut wam yaking. Sapdut wam yake wa aminda musia dua tapa tekwamban Anututane umana dua yatangenaking.

Wamu Jonda Mia Kake Matakut San 18:10

Ngan. Wa aminda maa siknga yuke meya you wanggapmae apunggak kakngata ninde apsak ngang natake akgwautning. Akgwauke wa aminda anzing yaning, ‘Bebilon! Butaya. Butaya siknga. Yotbamu buyambam gapma ngana tapduu mateknga siknga komzimunekan Anututa gindane wamza usanzike gin pasiwan maikaing,’ ngang yaning.

Wamu Jonda Mia Kake Matakut San 18:17

‘Siwan ngana tapduu mateknga siknga komzimunekan sangaapa buyambam siknga wa pasiwan maikaing,’ ngang yaning. “Siwan nata mia kawawa aminu sip gwegwene puya pasiking amindane tupan tapaapa gatu wa amindane puya amina gatu aminu imanggaman tasike sangaapana sip gwegwene pamuke pewa kukaing amin ngangu kuupbamda maa yuking.

Wamu Jonda Mia Kake Matakut San 18:19

Siwan wa aminda musia meya siknga natake kwanamna sike kepdakatane muyupmuyup pake enandang muba koke epu gupnaatang pimaawa anzing yanggamataning, ‘Butaya! Butaya siknga yotbamu buyambamu wa gapman! Sip gwegwendane toikngata you wanggapmae mani pake manina kaya dakngaking. Ngana tapduu mateknga komzimunekan you wanggapma gatukande tasiwan mainggak,’ ngang yawa kakum.

Wamu Jonda Mia Kake Matakut San 19:5

Siwan wamu takngatu sia buyambamu Anututa pukwike kayuak gakaneta apuke anzing yanggamatakut, “Ginu Anututane puya amina! Ginu moo amin gatu ginu umanza kaya ginu kuupbamda Anututnindane umana asiknga yatangenatnong,” ngang yakut.

Wamu Jonda Mia Kake Matakut San 4:11

“Ga nindane Buyambam tapanin. Ga nindane Anutunin. Ga nomana sikngaapa. Aminbamda gatane umanda take yatangenatning. Aminbamda gatane gepbiatang take koyutning. Dasingge? Gata sangabam tasike tekuyak. Gikae banipda siwan gata sangabam pasiwi aake ayuaing.” Sike wa aminda wamu wa unzing yawa natapbum.

Wamu Jonda Mia Kake Matakut San 4:9

Sike sanga wa gweaat gweaatda Anutu kekeknga asinggan asinggan yuau sia tupan siknga apatane dakane pukwike yuak kapae inimbakngake itane umana asiknga yatangenakaing. Yatangenake tapduk bamu asinggan asinggan tasiwawa

Wamu Jonda Mia Kake Matakut San 8:10

Sike nata nataawa angela banakan tapata pumna puyapan tapaat tapatuat sikut. Siwan nata kawawa yekapdaau buyambam siknga gwendu katapda isike aakatapda binga isikopbut. Isikopan yekapdaau wagwenda deke asepbut. Asepuke wagwenda yangga apaapane gatu yangga dapun dakandakane kuut pimakut. Pimapan yangga apaapa gatu yangga dapun dakandaka ngangu kautdusimban wai siking.