Wamu Jonda Mia Kake Matakut San 14:14 - Wantoat

¹⁴ Sike nata mia kawawa minga kwaknga musatune aminu tapatuta pukwike yuwan kakum. Sike nata nomna kawa aminu tapatu binga sikut. Siwan ita kupna aminu iwana ayapbikutde iman gwapuwik binga gol sake tasiking unin gwapukutna kakum. Sike ita paiu gena toknga siknga dakatu katakngine takutna kakum.

Wamu Jonda Mia Kake Matakut San 14:14 ပူးပေါင်းရင်းမြစ်များ

Lotutane Kap Taknga 21:3

Ita gae apan gata gaak wam inike sanga take siknga aknga imukuyak. Sanga imuke ita King dakngawikge natake gata Kinggane kupna gwaam siknga golmonita tasiya gwapakngane gwapungamukuyak.

Lotutane Kap Taknga 97:2

Minga gatu zikaa aknga ngangga Anutu banakan yuwawan atakumbasikamayak. Atakumbasiwawat ita kepi noman takngane tawake aminu usanzike kayuak.

Matyu 13:30

‘Ginda kapewa kuutda akowawat tapduknga buya detnanga komunea puya waaknga pasiya aminu anzing yaniwit, Ginda zongazonga wai gamok zike unekan wamandakngapenong. Katapatang saningge. Sike poyau natane nanam yot gwene paku penong,’ ngang yaniwit,” ngang ninikut.

Matyu 17:5

ngang yayuwawan undang yuking aminu minga kwaknga dakatuta apu wamakusikut. Wamakusike yuwawan minga wandakaatangga wamu takngatu Anututa anzing yawan natapbing, “Waapa natane waaknga. Waapae na musipmaatang apbaknganggat. Na i kawa take siknga singgak. Siwan ginda itane gen gwaamutnong,” ngang yawan natapbing.

Wamu Takeaknga Makga Matakut Taknga 4:29

Takakenga damana siwan kake aminu wa muban kuking kapata buya pananga tapduu gwa singgak ngang natake paip take patziwik,” ngang yanikut.

Wamu Takeaknga Lukga Matakut Taknga 21:27

Kagwauke yuwawa na aminbamdane notna apata umana buyambam siknga siwan kekekngana buyambam siknga aknganane yuke minga musatune yuke epa nandugwautning.

Hibru 2:9

Ngana ninda Jesue anzing nataamang. Anututa yawan Jesutane umana akngaaya kuut angelatane umana akngata ayapbikut. Yapbiban Jesuta amunandang binga tapduu dapaknga sikngakan yukut. Yuwawan Anututa ninde butaya natanimuke tasiwan buya aawan Jesu waapata ninu kuupbam gatanimikge ita nindane toknganin panimuke kumbut. Kupan tangenake Anututa itane umana asiknga yatangenake tasiwan ita tupan sikngaapa dakngake yuak.

Wamu Jonda Mia Kake Matakut San 1:13

Siwan nata kawawa aminu kepdakane nana binga tapatu lamu waakwakge banakan yuwan kakum. Kawa ita tauknga mamaya aknga tasiwan pakepu ketapunane yukut. Siwan ita simbuna golda sake tasiking kaknga wambutna kake ie natapa aminu tupan siknga apa sikut.

Wamu Jonda Mia Kake Matakut San 1:7

Natapnong! Waapata minga banakan gwa apnanggenggak. Ita apuwawan aminu kuupbamda waapa inane kainata siknga kaning. Ngan. Aminu kuupbamda tupa i tanguwa kumbuu wa amikaya kuut akaning. Kake aminu kepna kepna nana kuupbamda asiknga kagwauke kwanamu kumzang sitning. Ngan. Sanga wa unzingu asaawik. Siakan.

Wamu Jonda Mia Kake Matakut San 10:1

Siwan nata mia waaknga kawawa angela kekeknga tapatuta enandangga epan kakum. Sike ita minga dakatu taukge tasiwan zawiakwanu takngatuta itane gwapakngane yuwan kakum. Sike nata itane nomna kawa gunzit binga maaknga siknga sikut. Siwan nata kepi kutapaat kawawa katap mumuyangga binga isiking.

Wamu Jonda Mia Kake Matakut San 11:17

“Anutu! Nindane Buyambam tapanin! Ga kekeknga siknga ayuayak. Tupa siknga gata ayukuyak. Ninda ga ganimbakngakamang. Gata gikane kekeknga akngakane tuwanguke aminu kuupbam pake kayuayak.

Wamu Jonda Mia Kake Matakut San 19:12

Sike ita kainata nandunggamatawan natane musipmaatang katapda binga nasikut. Sike ita kupna kwaapzang tupan tapaapata gwapukaing binga gwapakngane gwapukutna kakum. Sike itane gupnane umana matakinga kakum. Sike inatakan awiaapata umana waakngae atnataak.

Wamu Jonda Mia Kake Matakut San 20:11

Siwan nata kawawa sia dakatu tupan siknga apaapata pukwike kayuaing binga kwaknga daka kakum. Sike buyambam tapata sia wandakane pukwike kayuwawan kakum. Siwan kepat gatu ena kakaa banakan kopatda aminu buyambamu waapae nomune gitna yutnanga dua. Aho. Waapa ateke kuke kusika akusopuwa kakum.

Wamu Jonda Mia Kake Matakut San 6:2

Siwan nata kake ikwawa gamanu hos ngang yanikaingu kwaknga gwendu kakum. Sike aminu hos wagwendane masene pukwikut tapata kweemu dakatu take yukut. Yuwawan aminu tapatuta apuke kupna dakatu aminu iwana ayapbiba yamunanga daka ie imukut. Iman take gwapuke aminu waapata aminu iwana ayapbitnanga tapatu binga dakngake ita kuke iwana ayapbike tasikut.