Wamu Jonda Mia Kake Matakut San 14:11 - Wantoat

¹¹ Pake yuwawa kupanu katau wagwenda toknga yasiwan akoke asinggan asinggan kopik. Kowawan aminu kaapzong gatu itane weena ngangge tumuk wam yanike tuwangu itane umanae paningu wa aminu kwakngaom gatu zikaane ngang toknga asinggan asinggan pake yuwa takananga dua siwik.” Siwan wamu waaknga angelata yanggamatawan natapbum.

Wamu Jonda Mia Kake Matakut San 14:11 ပူးပေါင်းရင်းမြစ်များ

Lotutane Kap Taknga 10:16

Buyambamtapa Kingu asinggan asinggan yuwik. Yuke ita katum aminu inane kep komune yuke ie masa imukaingu yanikwasiwan kuke gatukande wena sining.

Lotutane Kap Taknga 145:1

Anutu, gata natane king kapana. Nata umanda kopsa akngae ayakapit. Siwan asinggan asinggan nata gatane umandae yatangenawit.

Matyu 11:28

“Siwan mama wam nangaakan pasike kwatan siknga natapsa aminu kuupbam natane gepbiatang akopnong. Akopa nata gatandama ginu yuwatakanong.

Matyu 25:41

“Unzing yanike aminu kundu kwana saak yutningu anzing yaniwit, ‘Ginu toknga pananga amin! Ginu na napmake katau dua kungwanggak gwenu Anututa tandakngatekuu Setenkat puya aminaatda kuke toknga apaning gwene kunong.

Matyu 25:46

“Yaniwa wa aminu kuku toknga asinggan pake yutning. Ngana amin nomanu paku kayuk asinggan asinggan yutning,” ngang ninikut.

Hibru 1:8

Sike ngana wamu takngatu Anututa inane waakngae natake yakut takngae natake itane amina tapatuta anzing matakut, “Anutu! Gata aminu kuupbam asinggan asinggan kayuke yuayak. Kayuke gata aminu kuupbamde katak siknga pasiyamunggayak.

Wamu Jonda Mia Kake Matakut San 11:15

Siwan nata nataawa angela katau kuut musa kautdu tapaaya ngangu pum pakingkat nana masan siknga apata pumna puyapan natapbum. Sike nata nataawa wamu kundu enandangu apaa anzing yanggamataking, “Nindane Buyambam tapanin gatu aminu ita tapan itane aminabam gatayamuke waiakngane sandekut tapaat ngangga aminu kepna kepna nana amin kayuaingu kuupbam pake waapaatda kekekake aminu waakwau asinggan asinggan akayuamayak,” ngang yaking.

Wamu Jonda Mia Kake Matakut San 13:12

Siwan kaapzongu masanu wa apbut gwende kaapzongu tupan apbut gwenda inane kekeknga akngana imukut. Iman take wagwenda kaapzongu tupan apbut gwendane umana yakapmake aminu kepdakane yuaingu kuupbamda wagwendane gepbiatang koke tumuk wam ininingge tasikut. Siwan kaapzongu tupan apbuu wagwenu tupa aminda tanguwa akumnanga sikut ngana watana gwa takakut.

Wamu Jonda Mia Kake Matakut San 13:15

Yaniwan wa aminda weena katap gom pasike tandaike tewana Anututa kaapzongu masan apbuu wagwenu katewan wagwenda wee wagwendane nomna gwak waunga puyapan pukuwan wee wagwenda wamu ayakut. Siwan kaapzongu wagwenu katewan wagwenda enake aminu wee wagwende tumuk wam ininangge apbitawanu wa aminu atzipan kumbing.

Wamu Jonda Mia Kake Matakut San 13:17

Pasiwana aminu tuwangu kaapzongu wagwendane umana wena siwanu wa aminda sanga imanggaman tasinanga dua.

Wamu Jonda Mia Kake Matakut San 14:9

Siwan wamu waaknga yawan puyuwana angela tapatuta apuke angela waapaat yawatakapbut. Sike ita wamu apaa anzing yanggamatakut, “Aminu tapatuta kaapzongu wagwen gatu itane wee gwen ngangge tumuk wam yanike katewan aminda tuwangu wagwendane damanane ba katakngine matawik.

Wamu Jonda Mia Kake Matakut San 18:18

Maa yuke wa aminda kawawa katapda you wanggapma isinggawan kupanda akowawan kake anzing yanggamataking, ‘You anza binga gapmandui wena ngang yawa kakum.’

Wamu Jonda Mia Kake Matakut San 18:9

“Siwan katapda you wanggapma isiwawan kupanda tuyuknga dua akopik. Akonggawan kake aminu buyambam tapaapata tupa iat yasewa tasike gatu imanggaman tasike sangaapana buyambam paking aminda kwanamu kumzang siknga sitning.

Wamu Jonda Mia Kake Matakut San 19:3

Unzing yake wa aminda gatu anzing yanggamataking, “Ninda Anututane umana asiknga yatangenatnim! Katapda yotbamu wanggapma isike isike yuwawan kawatna kupanu asinggan enandang konggak,” ngang yaking.

Wamu Jonda Mia Kake Matakut San 20:10

Siwan Setenu aminu waakwau kem panzikut tapa Anututa mutewan gapma buyambamu katau toknga siknga suu aakatapda binga isikonggak dakaatang pukukut. Sike iat gatu kaapzongu wagwekat gatu aminu kem panzike na Anutue wam yanikapsa aminu tapatu ngang yakut tapaat ngangga unekan gatake yuking. Sike waakwakga tokngabamu kwakngaom gatu zikaane ngangu asinggan asinggan pake yutning.

Wamu Jonda Mia Kake Matakut San 22:5

Sike Anutu Buyambam tapaninda kakaa wa aminde yaman wa aminda gunzitkat yekapat lam gwekatdane kakaa akngana tanangge dua natapning. Aho. Anututane kakaa siknga akngane yuke wa aminda buyambam tapaapa dakngake aminu kuupbam asinggan asinggan kayutning.