Wamu Jonda Mia Kake Matakut San 14:10 - Wantoat

¹⁰ Aminu waapae Anututa toknga buyambamu asimik. Ngan. Anututa musia toknga siknga aminu wa bingae natayamuke toknga buyambam siknga yaman paning. Pake wa aminda katau asinggan suu aakatapda binga isinggak gwene koyuke Anututane angela gatu sipsip mateu wagwendane kaine toknga buyambam pake yutning.

Wamu Jonda Mia Kake Matakut San 14:10 ပူးပေါင်းရင်းမြစ်များ

Lotutane Kap Taknga 11:6

Siwan ita katau toknga siknga aknga wai aminde tukngwayapbimban yasiwik. Sike waiaknga tasikainggane buyana unin.

Lotutane Kap Taknga 37:34

Gata Buyambam tapae banip sike natanggamatake tumuk wam inike itane kepi noman takngakan tawamso. Gata unzing tasiwinu umanda kopsa aknga akgamik. Siwan keu ita yakut komu atake yuya. Yuke kaawi ita wai aminu apasiwan maining.

Lotutane Kap Taknga 52:6

Sike noman aminda sanga waakngakan aawan kakengu akgwautning. Siwan waaminda akganimike gae anzing yaning,

Lotutane Kap Taknga 60:3

Gata gikane amindabamde meya kwaapzangu gwa nimukuyak. Unzing gata wain yangga aknga binga nimuke tasiwi tangopbumang. Tangopna puyuwana ninu katum siknga dakngakumang.

Lotutane Kap Taknga 73:10

Unzingge Anututane aminabamda yamandet sikaing amindane wamna tawaningge yanikaing.

Lotutane Kap Taknga 75:8

Sike Buyambam tapata kau gomdu wainu toknga aknga tukngwamban dopan takut. Ita yangga waaknga wai aminu kuupbamde tukngwayaman tangopa puyuwik. Ina unzakan wai aminu Anutue kaine siknga wamu yaning ngana, gatukande siknga wena sining.

Lotutane Kap Taknga 91:8

Unzingge dua gwauke gika kaawinu Anututa waiaknga wai aminda tasikingge yake meya ayamik.

Matyu 20:22

Iniwan ita yake anzing yanikut, “Ginda sanga wa yake nanikaingge katak dua nataaing. Gitda meya nata wa kawit takngata gitde apan kake ngana gitda undang dua ba pimatzan ba dasing,” ngang yaniwan, “Ngan, nitda dua pimatzim,” ngang iniwat

Matyu 25:41

“Unzing yanike aminu kundu kwana saak yutningu anzing yaniwit, ‘Ginu toknga pananga amin! Ginu na napmake katau dua kungwanggak gwenu Anututa tandakngatekuu Setenkat puya aminaatda kuke toknga apaning gwene kunong.

Matyu 26:39

Yanikenga kundusim kuke nomda pimake tumuk wamu anzing yakut, “O Nana! Take siwanu meya wa kawit taknga sandekngamuyo. Ngana gata nae banip ma tawambim. Aho. Gata gikae banip tawamso,” ngang yakut.

Wamu Takeaknga Makga Matakut Taknga 8:38

“Tapduknga ayuamang komune nana aminda wai takngatu takngatu tasike Anutue asinggan dua natanggamatake ie masa imuke gawaknga aknga pasikaing. Sike wa pasikaing amikatnana tapatuta nae masa namanu nata tapduknga na aminbamde notnaapaat Anututane angelanaat gatu Nanatane kakaa akngane yuke apnim gwene nata aminu waapae unzakan yuke masa asimit,” ngang yanikut.

Wamu Takeaknga Makga Matakut Taknga 9:44

(Sike keu waopatangu binda nake dua kungwakaing. Siwan katapda asinggan yasinggak.)

Aposel 10:22

Yanikwaiwan yake anzing iniking, “Ninu Konilias amak aminu 100-dane tupan tapa yuakga ninipewan apumang. Konilias waapa aminu noman tapa. Anutue akgwaukgaunin. Aminu Judia nana kuupbamda ie noman tapa ngang yakaingunin. Sike Anutue angela tapatuta yanggawamban kuku wamu kundu yawi natapikge iniwan ninipewan apumang,” ngang iniking.

2 Tesalonaika 1:7

Siwan unzingu toknga yake yamuke ita ginu meya apmanu wa pakaing kakngaat gatu meya ninda pakamang kakngaat sandetnimunangge natapan noman singgak. Siwan ita tapduknga Buyambam tapaninu Jesuat gatu inane angela kekeknga akwakatda enandang teke katap mumuyangga isike pakubasiwawan anggaman epuwawa aminbamda akagwautning.

Pas Jutda Matakut San 1:7

Siwan gatu tupa siknga aminu Sodom yot gapmane nana amikat gatu Gomora yot gapmane nana amikat gatu you kundu you wanggapmaaune wesim yuking gapma gapmane nana amikat ngangga mayae geenguke yasewa asinggan tasimapa kukakut. Tasimapa kuwawan Anututa tasiwan katapda enandangga pimake wa aminu kuupbam yasiwan kupa puyukut. Toknga wa angelata paking kaknga binga paking. Siwan toknga wa paking kakngae natake ninda kepi wa tasikaking kaknga tawanimde asiknga gwautnim.

Wamu Jonda Mia Kake Matakut San 15:7

Sike nata kawawa sanga kayuk yuaingu wa gweaat gweaat ngangu wa yukingkat nana gwenduta gapma katau kuut musa kautdu gweaya ngangu gol sake pasiking unin pake angela waakwakge inandek inandek gapma gwendu gwendu yaman paking. Siwan sanga gapma wagwegwene pamuba dopbingu wa Anutu kayuu asinggan asinggan yuak kapata aminbamde musia toknga natayamunggak kaknganin.

Wamu Jonda Mia Kake Matakut San 16:19

Sike yotbamu buyambamu wanggapmae banakan keu takngaaya pukapan you gapmaat gapmanduat binga dakngakut. Siwan yotbam gapma gapma kepna kepna yukingu kuupbam apasiwan maiking. Siwan Anututa yotbamu umana tuwanguke Bebilon ngang inikamang gapmae natapbut. Natake ita aminu you wanggapmane yukingge kau wain yanggana kaya gom yaman tangopbing. Sike wain yangga waaknga Anututa wa aminde musia toknga siknga natayamukut taknganin.

Wamu Jonda Mia Kake Matakut San 18:3

Dasingge? Aminu you wanggapmane nana aminda wain yangga aknga aminu kuupbamde ayama tangopbing. Sike wain yangga atangopbingu wa sanga yasewa aknga wa amikat tasiking unin. Ngan. Aminu tupan tapaapa kuupbamda aminu you wanggapmane nana amikat yasewa aknga atasiking. Sike wa aminda you wanggapmane koke imanggaman tasike sangaapana kwaapzang paking.” Ngang angelata wamu waaknga yanggamatawan natapbum.

Wamu Jonda Mia Kake Matakut San 18:6

Sike wa aminda gin pasiwa maiking binga ina unzakan ginda yake wa amin pasiwa mainong. Ngan. Wa aminda ginu mateknga dasipbing ngana ginda yake iwanza kwaapzang siknga zipnong. Sike wa aminda wain yangga toknga aknga kap gomune tukngwaba pukuke dopan ginde dama tangoke wai siking. Ngana ginda yake kau wagomunekan yangga toknga siknga tukngwayama wa aminda tangoke wai siknga sinong.

Wamu Jonda Mia Kake Matakut San 19:15

Sike paiu toknga siknga dakatu aminu waapatane genaatang isinggangganuke yuwan kakum. Sike ita paiu wandaka takutda aminu kepna kepna nana kuupbam atzipan kumning. Ngan. Ita aminu kuupbam kayuke puya toknga siknga ayamik. Siakan. Anutu kekeknga siknga yuak kapata aminu wai aminde musia toknga siknga natayamunggak kakngae natake ita aminu waakwakge toknga buyambam siknga ayamik.

Wamu Jonda Mia Kake Matakut San 19:20

Siwan amak gwekatang kaapzongu wagwekat gatu aminu kem panzike nata Anututane wam daniwa natapnong ngang kem yakut tapaat panggaganuking. Sike aminu waapata tupa duya inata kundu kwaapzang kaapzongge nomune tasikut. Tasike ita aminbamu kem panziwan aminu kaapzonggane tuwanga gupnane matawa itane weenae tumuk wam inikingu waakwakga kake ngana siakan ngang natapbing. Sike kaapzongu wagwekat gatu aminu wa kem panzikut tapaatda kayuk yuwawat waapaau mupewa gapma buyambamu dakatu katau toknga siknga suu aakatapda binga isikonggak dakaatang pukukumayak.

Wamu Jonda Mia Kake Matakut San 20:10

Siwan Setenu aminu waakwau kem panzikut tapa Anututa mutewan gapma buyambamu katau toknga siknga suu aakatapda binga isikonggak dakaatang pukukut. Sike iat gatu kaapzongu wagwekat gatu aminu kem panzike na Anutue wam yanikapsa aminu tapatu ngang yakut tapaat ngangga unekan gatake yuking. Sike waakwakga tokngabamu kwakngaom gatu zikaane ngangu asinggan asinggan pake yutning.

Wamu Jonda Mia Kake Matakut San 20:14

Usanzike yawan akupsa aminu wa kuupbam pake mupewa gapma buyambamu katau toknga siknga isikonggak dakaatang pukuwa kakum. Sike nata ie natake wa aminda tupa gwa kumbing ngana gapma wa katau toknga siknga isikonggak dakaatang pukuke gatu kupa sipmaya dakngawan wa aminda toknga buyak asinggan yuwawa akumnanga aknga wena siwan kakum.

Wamu Jonda Mia Kake Matakut San 21:8

Siwan ngana aminu iwanae akgwauke masa nae namuke waiakngaatang pimakingga gapma buyambamu katau toknga suu aakatapda binga isikonggak dakaatang pukuke yutning. Ngan. Wa amikat gatu aminu amin zipa kumbing gatu yasewa aknga tasiking amin gatu aminu gaam ba gom ba pitatapa ngang pasiking amin gatu aminu anutu pupukngae tumuk wam yanikaing gatu aminu kem wam yakingu kuupbamda gapma wandakane pukuke yutning. Sike aminu waakwau tupa gwa kumbing ngana gapma wandakane pukukingu wa gatu kupa sipmaya dakngawik.”