Wamu Jonda Mia Kake Matakut San 11:12 - Wantoat

¹² Siwan waapaatda nataawat wamu takngatu enandangga epuke, “Giu ane akopzon,” ngang apaa yaninggamatakut. Yaninggamatawan waapaatdane iwanata kawawa waapaatda enandang minga musane kopbumayak.

Wamu Jonda Mia Kake Matakut San 11:12 ပူးပေါင်းရင်းမြစ်များ

Lotutane Kap Taknga 112:10

Yatangenawawa ngana wai aminda kake musia meya natapning. Waaminda musipmaiu amin nomande nataaing, ngana ita masande atasingupeewik. Ngan, ita gen gakngat tasiwik.

Lotutane Kap Taknga 15:1

Buyambam tapa, mamin amin tapata gae yotda buyambam gwene koke yuwik? Ngan, mamin amin tapata gikane tawanu Saion dakane pakuyuwik?

Lotutane Kap Taknga 24:3

Mamin amin tapata tawanu Anututa yuak dakane take kopik? Wena. Sike mamin amin tapata Anututane you takwan buyambam gwenu yuaune take koke yuwik? Wena siknga.

Lotutane Kap Taknga 86:17

Buyambam tapa, nata sanga gata musipbaatangu butaya natangamunggayak kakngatane tuwang yeikngamuyo. Yeikngami natane iwanata kake gata gatangamuke tapi kekekanggat ngang natapning. Natake waaminda inane waiaknganae asiknga maakaning.

Wamu Takeaknga Lukga Matakut Taknga 16:23

tupakande siknga katapbamu isikonggakatang kuke tokngabam pake enandang pakusang kawawan Ebrahamda maa siknga yuwawan Lasarasda iat gatake yuwawat kakut.

Aposel 1:9

Yaniwan kawawa kosika minga ganang katang kopan mingata takusopuwan aminu waakwakga kawa maikut.

1 Tesalonaika 4:17

Akumbing katangga enawana Anututa ninu dua kungwake kayuk yuamangu Buyambam tapaninu minga musane koke kanimde nikat wa amikat pakopik. Enane pakopan nikat Buyambam tapanikat unekan gatake asinggan asinggan yutnim.

Wamu Jonda Mia Kake Matakut San 12:5

Yuwawan maya waapata engangu wawiapa tangaikut. Sike engangu waapata masande ita aminu kuupbam kayuke puya toknga siknga ayamik. Siwan engangu waapata aawana Anututa zetgaman kaiwan kuwan song isiwan engangu waapa enandang takopbut. Takoke keu enandangu Anututa kayuak komune takuke Anutue wesim tekut.

Wamu Jonda Mia Kake Matakut San 3:21

“Siwan aminu kekeknga siknga yuke iwana ayapbimbiu nata waapa katewa aminu waapata kekekngana kayaapa dakngake ita naat gatake nitda aminbam kayutzim. Sike tupa naaya kekeknga siknga yuke natane iwana ayapbikumde nata kekekngana kayaapa dakngake nata natane Nanaat gatake yuke nitda aminbam kayuamak.

Wamu Jonda Mia Kake Matakut San 4:1

Siwan ita wamu wa kuupbam naniwan puyuwana nata mia takngatuat kakum. Kawawa ena kakaa banakan komune gwabou gwatdu kwangga gwak yuwan kakum. Kawawa ngana wamu kekeknga pumdane gakngat binga tupa yanggamatawan natapbumu waakngata gatuna nanikut. Na nanike, “Gata ane akopso,” ngang yakut, “Gata ane akopi nata sanga kuupbam masan aawikge yeikgama kayo,” ngang nanikut.