Wamu Jonda Mia Kake Matakut San 1:7 - Wantoat

⁷ Natapnong! Waapata minga banakan gwa apnanggenggak. Ita apuwawan aminu kuupbamda waapa inane kainata siknga kaning. Ngan. Aminu kuupbamda tupa i tanguwa kumbuu wa amikaya kuut akaning. Kake aminu kepna kepna nana kuupbamda asiknga kagwauke kwanamu kumzang sitning. Ngan. Sanga wa unzingu asaawik. Siakan.

Wamu Jonda Mia Kake Matakut San 1:7 ပူးပေါင်းရင်းမြစ်များ

Lotutane Kap Taknga 22:16

Siwan wai aminu waakwakga na keu kuupbam nawake umupbasikaing. Unzing kamunda kaap zong umuyawakaing binga. Sike natane kataknga gatu kepina ngangu genata namukaing.

Lotutane Kap Taknga 68:1

Nata nataau Anututa zaat enake apuke inane iwana yanikwasiwan kuningge nataat. Ngan, nata nataau aminu Anutue iwana dakngakaingu asiknga teke datakunong.

Lotutane Kap Taknga 97:2

Minga gatu zikaa aknga ngangga Anutu banakan yuwawan atakumbasikamayak. Atakumbasiwawat ita kepi noman takngane tawake aminu usanzike kayuak.

Matyu 16:27

Na aminbamdane notnaapa dakngake yuat tapata Nanatane kakaa akngane yuke angelanaat naat kuut apnim gwene nata sanga yake aminbamde sanga atasiking kaknga yamit.

Matyu 16:28

Nata siakande siknga daninggat. Aminu ayuaingu kundu dua kumning gwekatangu na aminbamdane notnaapa buyambamtapa dakngake apa nandupning,” ngang ninikut.

Matyu 24:30

“Siwan tuwangu na aminbamde notnaapa dakngake yuat tapatane ena banakan komune siwan aminbamu keunenana aminda kawawa nata umana buyambam siwan kekekngana buyambam siknga aknganane yuke minga musatune yuke epa na nandugwautning.

Matyu 25:31

“Siwan masande na aminbamde notnaapa dakngake yuat tapata kekeknga akngana buyak apit. Naat angela kuupbapatda apnim tapduk gwene na buyambamtapa dakngake kekeknga aknganane yuwit.

Matyu 26:64

yake anzing inikut, “Gika gwa yanggayak. Ngana nata daninggat. Apman gatu masan ngang ginda nanduwawa na aminbamde notna dakngake yuat tapata Anutue kataknga siyaapa kekeknga kuupbamu kayaapane yuke minga musane yuke asepuwawa nandupning,” ngang inikut.

Wamu Takeaknga Makga Matakut Taknga 13:26

“Siwan tapduu waomune kawawa na aminbamde notnaapa dakngake yuat tapata umana buyambam siknga siwan kekekngana buyambam siknga aknganane yuke minga musatune yuke epa na nandugwautning,” ngang yanikut.

Wamu Takeaknga Makga Matakut Taknga 14:62

yake, “Aminu waapa na unin,” ngang inikut. “Siwan ginda nanduwawa na aminbamde notna dakngake yuat tapata Anutue kataknga siyaapa kekeknga kuupbamu kayaapane yuke minga musane yuke asepuwawa nandupning,” ngang iniwan

Wamu Takeaknga Lukga Matakut Taknga 21:27

Kagwauke yuwawa na aminbamdane notna apata umana buyambam siknga siwan kekekngana buyambam siknga aknganane yuke minga musatune yuke epa nandugwautning.

Wamu Takeaknga Jonda Matakut Taknga 19:34

Siwan ngana amak aminu tapatuta ngikngiknga saak gwawayata makut. Mapan zetgaman dakaat yanggaatda epbing.

Wamu Takeaknga Jonda Matakut Taknga 19:37

Siwan wamu takngatuat anzing, “Aminda aminu wa making kapa katasining,” ngang matakut takngaau buyana unin aakut.

1 Tesalonaika 1:10

Siwan ginda kuke Jesu itane waaknga apata enandang teke gatuna epikge kayuaing kakngae ninikaing. Siwan aminu waapa akupan Anututa akumbut katangga gatuna tangenakut. Tangenawan ita gatanimuke Anututa toknga waiaknganinde nimunangge nataak kaknga sandetnimik kapae natayuaing.

1 Tesalonaika 4:17

Akumbing katangga enawana Anututa ninu dua kungwake kayuk yuamangu Buyambam tapaninu minga musane koke kanimde nikat wa amikat pakopik. Enane pakopan nikat Buyambam tapanikat unekan gatake asinggan asinggan yutnim.

Hibru 10:29

Siwan aminu Anutue waakngatane umana yaitapaakusiwik kapae ginu dasing nataaing? Asikaya Anututa aminu waapae butaya natapik ba dasing? Sike Jesutane dakngata aminu waapa gatangaman waapata Anutue nomune amin noman dakngakut ngana dau waakngae natapan sanga mooi binga siwik. Siwan Waungu musip kwikwikgane yapii apae masa imuke asapdukngamanu aminu waapae Anututa butaya dua natangamik. Aho. Ita aminu waapae toknga kwaapzang asimik.

Hibru 6:6

Sike ngana aminu nikat nana kunduta apimake Anutue masa imanu wa aminda gatuna apuke musia tapa tekwambikge kepi wena. Aho. Anututa wa aminde natapan aminu Anututane waaknga amin saamdakane tanguwa kupan aminbamdane kaine ie asapdukngamuking amin binga daknganggak.

1 Jon 3:2

Ngan waatdakana. Ninda Anututane waaknga yapana dakngake yuamang. Sike tapduknga Jesuta gatu apik gwene ninda sanga akanim takngae ita dua apuwawan ninda botake yuamang. Ngana atnataamang. Ninda itane nomna kana ita yuak kakngakan dakngake unzing yutnim ngang natapna siakan singgak. Siwan ngana ita ninda unzing dakngake yutnim takngae dua yeutniman kakumang.

Pas Jutda Matakut San 1:14

Siwan Adamdane waakngata waakzak sitake kunggawan aminu tapatuta aawan umana Inok ngang iniking. Anututa wamu takngatu Inok waapae iniwan natake ita aminu waakwakge natake yakapmake anzing yakut, “Nata daniwa natapnong. Buyambam tapanikat gatu angela kwaapzang siknga naatda apning.

Wamu Jonda Mia Kake Matakut San 22:20

Sike aminu sanga wa kuupbamde yakapmanggak kapata anzing yanggak, “Siakan siknga! Nata zetgaman apit,” ngang yanggak. Ngan. Buyambam tapaninu Jesu! Ga apso!

Wamu Jonda Mia Kake Matakut San 22:4

Inimbakngake wa aminda itane nomna kainata akaning. Siwana ita inane umana wa aminde damanane matayamik.