Wamu Takeaknga Makga Matakut Taknga 9:7 - Wantoat

⁷ Yawan minga dakatuta apu wamakusiwan wamu takngatu minga ganang katangga anzing yakut. Aminu waapa natane waaknga. Nata ie take siknga nataat. Siwan ginda itane gen gwaamutnong ngang yawan

Wamu Takeaknga Makga Matakut Taknga 9:7 ပူးပေါင်းရင်းမြစ်များ

Lotutane Kap Taknga 2:7

Siwan Kingu waapata anzing yakut, “Apmanu nata wamu Buyambam tapata nanikuunin yakapit. Ita na King dakngawitde natake anzing nanikut, ‘Ga natane waaknga. Nata gatane nangga dakngake yuat.

Lotutane Kap Taknga 97:2

Minga gatu zikaa aknga ngangga Anutu banakan yuwawan atakumbasikamayak. Atakumbasiwawat ita kepi noman takngane tawake aminu usanzike kayuak.

Matyu 27:43

Ita Anutue natapan kekekawan, ‘Na Anutue waak,’ ngang yakut. Ayok. Anututa ie take natakengu apman gatangaman epan,” ngang yaking.

Matyu 27:54

Siwan amak aminu tupan tapaat iat gatake yukikatda Jesue kayuke kawawa miyamun siwan kawawa sangabamu siwan kumzang siknga gwauke anzing yaking, “Siakande siknga! Aminu aapa Anututane waaknga,” ngang yaking.

Matyu 3:17

Pakuyuwawan enandangga wamu takngatu anzing yakut, “Aminu waapa natane waaknga. Na ie take siknga natangamuke ie musip gwaang natangamunggat,” ngang yakut.

Wamu Takeaknga Makga Matakut Taknga 1:11

Kawawan enandangga wamu takngatu anzing yakut, “Ga natane waaknga. Na gae take siknga natanggamuke na gae musip gwaang natanggamunggat,” ngang yakut.

Wamu Takeaknga Makga Matakut Taknga 9:6

Dasingge wa aminu akgwauking. Akgwauke Pitata wamu zaaknga yawit ngang natapan maiwan wamu waaknga yakut.

Wamu Takeaknga Makga Matakut Taknga 9:8

natake zetgaman katakuke ngana aminu tapatu dua kaking. Jesu awiapatakan wa amikat yuking.

Wamu Takeaknga Lukga Matakut Taknga 3:22

Anututane Waung Kapata epan kawawan kwaiu gwendu kombunanang ngang yanikamang gwenda binga epuke Jesue apu paku tangene pakuyuwawan enandangga wamu takngatu anzing yakut, “Ga natane waaknga. Na gae take siknga natanggamuke na gae musip gwaang natanggamunggat,” ngang yakut.

Wamu Takeaknga Jonda Matakut Taknga 1:34

Sanga wa nina kake aminu waapa Anututane waaknga ngang gwa yakapmat,” ngangu Jonda unzing yakut.

Wamu Takeaknga Jonda Matakut Taknga 1:49

Iniwan, “Aanin! Ga Anutue waak! Ga ninu Isrel nana amindane takeapanin dakngake yuayak,” ngang Natanielda yake inikut.

Wamu Takeaknga Jonda Matakut Taknga 12:28

Nan! Gata take tasiwi gatane umanda buyambam siyok!” Jesuta unzing yawan wamu takngatu enandang yuakapata anzing yakut, “Nata natane umana tasiwa buyambamu gwa sikut. Siwan nata gatu tasiwa buyambam siknga siwik,” ngang yakut.

Wamu Takeaknga Jonda Matakut Taknga 19:7

Yaniwan ngana yake anzing iniking, “Nindane mama wamu takngatu kaya. Sike mama wamu waakngata anzing yanggak, ‘Aminu waapata yake na Anututane waaknga siknga ngang yakutde asiknga tangutna kupik,’ ngang yanggak,” ngang iniking.

Wamu Takeaknga Jonda Matakut Taknga 20:31

Ngana nata a gwan matanggau wa ginda kendeke Jesue natake Anututane waaknga siknga ngang initewan apu gatanimuyaapa dakngake pasikut tapa unin ngang ginda natapa siakan siwikge natake matanggat. Ginda unzingu Jesue banip sike kayuk yutnanga aknga ataningge natake matanggat.

Wamu Takeaknga Jonda Matakut Taknga 5:18

Ngang yaniwan Judia nana amindane take waakwau anzing natapbing. Ita mama wamu yuwatakak tapduk gwendane zipbukgak. Zipbuke Anutu inane nana siknga ngang yanggak. Siwan wamu waaknga ngang yake ita Anutu binga dakngananggenggak ngang natapbing. Unzing natake Jesu tanguwa kupikge take siknga natapbing.

Wamu Takeaknga Jonda Matakut Taknga 5:37

Siwan Nanin Anutu wa nanitewan apbum tapata natane yapii gwa yakapbut. Siwan ngana ginu itane wamu kundusimpaa dua nataaing. Wena siknga. Ginda ie nomu dua kaking.

Wamu Takeaknga Jonda Matakut Taknga 6:69

Gata Anutue amin dudumnaapa yuayak ngang natake ninda ga gandupna siakan singgak,” ngang inikut.

Wamu Takeaknga Jonda Matakut Taknga 9:35

Inikwasiwa epu kepman gwa kukut ngang Jesuta natake aminu waapa tawataku kake kusopuknga wam yake anzing inikwaikut, “Ga aminu aminbamde notnaapa dakngake yuak kapae natapi kekeknga singgak ba dasing,” ngang inikwaikut.

Aposel 1:9

Yaniwan kawawa kosika minga ganang katang kopan mingata takusopuwan aminu waakwakga kawa maikut.

Aposel 7:37

“Siwan Mosesda sipdune anzing yanikut, ‘Anututa naniwan itane wamna danikapmanggat tapa dakngake yuat. Siwan ina unzakan Anututa gikat nana tapatu apmea iniwan ita enake Anutue wam danikapsaapa dakngawik,’ ngang yanikut.

Aposel 8:36

Inikapmawawan kaipake kunggawan keu yanggana kaya komdune kundopbumayak. Kundoke aminu wa kayuak kapata anzing inikut, “Yangga ana. Na yangga saukngamiyakge asikaya sanga tapatuta umumbik,” ngang inikut.

Hibru 2:1

Siwan wamu Anututane waakngata amikat angelaat kuut yapbikuu waakngae natake ninda miti wamu tupa natapbumang kaknga gitna take yutnim. Ninda natdetdeu waaknga botanam.

2 Pita 1:17

Ngan. Ninda kaininda kawatna Nanin Anututa enandang yuke Jesutane umana asiknga yatangenake ita anzing yakut, “Waapa natane waaknga. Na ie take siknga nataat,” ngang yakut. Sike wamu ita wa yakut taknga enandangga epan natapbumang.

1 Jon 5:20

Siwan gatu ninu atnataamang. Anututane waakngata apuke natdetdeu ninde nimukut. Niman ninda Anutu siakan tapae atnataamang. Natake ninda Anutu siknga apaat gatu inane waaknga sikngaapa Jesu Kraiskat musipminu takngatukan natake unekan binga gatake yuamang. Siwan Anutu waapa Anutu siknga. Siwan kayuk asinggan yutnanga akngae toiknga unin.

Wamu Jonda Mia Kake Matakut San 1:7

Natapnong! Waapata minga banakan gwa apnanggenggak. Ita apuwawan aminu kuupbamda waapa inane kainata siknga kaning. Ngan. Aminu kuupbamda tupa i tanguwa kumbuu wa amikaya kuut akaning. Kake aminu kepna kepna nana kuupbamda asiknga kagwauke kwanamu kumzang sitning. Ngan. Sanga wa unzingu asaawik. Siakan.