Wamu Takeaknga Makga Matakut Taknga 8:6 - Wantoat

⁶ Iniwa natake ita aminbam yaniwan kepdakane pukwike yuwawa ita poyau wa katau kuut musa kautdu gomaya ngang pake Anutu inimbakngake puke pandetnae yaman pake usanziyama aminbamda naking.

Wamu Takeaknga Makga Matakut Taknga 8:6 ပူးပေါင်းရင်းမြစ်များ

Matyu 26:26

Siwan atnayuwatna Jesuta poyak pake Anutu inimbakngake apuke pandetnae nimuke anzing ninikut, “Ginda pake nanong. A natane gupma,” ngang ninikut.

Wamu Takeaknga Makga Matakut Taknga 8:20

Iniwa natake gatu yanikut, “Nata poyau katau kuut musa kautduanganu gomaya ngang aminu 4,000-de putzukuke yama napa ginda kaiknga yukingu sapat yau datdasing pamuking,” ngang yaniwan, “Katau kuut musa kautdu gweaya,” ngang iniwa

Wamu Takeaknga Makga Matakut Taknga 8:5

“Ginu poyau datdasing paing,” ngang yanikwaikut. Yanikwaiwan, “Ninu poyau katau kuut musa kautdu gomaya ngang pamang,” ngang iniking.

Wamu Takeaknga Makga Matakut Taknga 8:7

Siwan pandetnata pis dakatu dakatu kaya. Siwan ita pake Anutu inimbakngake puke pandetnae yamuke yaniwan pis wa kuut usanziyama naking.

Wamu Takeaknga Lukga Matakut Taknga 12:37

Puya toikngata apuke kawan aminata dapuna dua petninga kake take siknga natapik. Ge siakande daninggat. Aminata dua petninga kake banip gwaang natayamuke nanamu usanziyaman naning.

Wamu Takeaknga Lukga Matakut Taknga 24:30

Siwan masande nanam nanangge tasiwa Jesuat aminu waapaakatda pukwike ita nanam pake tumuk wam yake usanzike yamukut.

Wamu Takeaknga Jonda Matakut Taknga 2:5

Iniwan ngana mingata puya aminu anzing yanikut, “Ita wamu takngatu ginde atdaniwik kakngakan tasinong,” ngang yanikut.

Wamu Takeaknga Jonda Matakut Taknga 6:23

Siwan ngana aminu kundu Taibirias yot gapmane nana aminda dopang bamna pake keu Jesuta poyakge gaak wam yake yaman naking komune wesim apbing.

Pas Polda Rom Nana Aminde Matayamukut San 14:6

Aminu tapatuta tapduu gwendue natapan buyambam siwiu waapata Buyambam tapanindane umana yatangenatnangge natake tasiwan kana take siwik. Siwan aminu nanapat kaapat kuut nanggau waapata Buyambam tapanindane umana aknga yatangenatnangge natake ie inimbakngake napan kana take siwik. Siwan aminu kaap bitake nanamban nanggau waapaaya kuut Buyambam tapanindane umana aknga yatangenatnangge natake ie inimbakngake nanggak.

Kolosi 3:17

Siwan sanga bamu ginda wam yake ba puya tasining. Wa ginda Buyambam tapaninu Jesue natanggamatake tasinong. Tasike ita nin gataniman tasikamang ngang natake ginda Nanin Anutue asinggan inimbaknganong.