Wamu Takeaknga Makga Matakut Taknga 7:22 - Wantoat

²² amindane sangae geengukaing. Siwan waiaknga inata inata pasikaing. Kem yakaing gatu kamunda binga pake yawakaing gatu ita sangaapana kayaapa ba umana kayaapa dakngake napbimsak ngang natake ie semna nataaing. Gatu sapdut wam yakaing gatu inae umana tangenakaing gatu yamandet sikaing gatu sanga wai buyambam tasikaing.

Wamu Takeaknga Makga Matakut Taknga 7:22 ပူးပေါင်းရင်းမြစ်များ

Matyu 20:15

Ginu dasing nataaing? Nata sanga natane pake ninae banipda tasiwa ga wai tasinggayak ngang naniwanu gutonga siwik. Puya mateknga pasiwa gunziu kuk gwendane yama kake ginu dasingge meyambam nataaing,’ ngang puya toikga unzing yanikwaikut.

1 Pita 5:5

Siwan nata ginu maya gatu wawi matekge natake gikaya kuut daniwa natapnong. Ginu kuupbamda aminu take apaapae wam gwaamutnong. Ngan. Ginda notzae wam natake yamandeu ma siwam. Ginu atnataaing. Wamu takngatu Anutue wapatang ayanikapsa aminu tapatuta anzing matakut, “Anututa aminu yamandet siningge masa ayamik, ngana aminu wam natapningu ita wa aminde musip kwikwik natake akgatayamik,” ngang matakut.

1 Pita 2:15

Ginda aminu gin danduyuaingge gepbiatang yutnong ngang nata wa daninggau ginda Anutue banip tawake kepi nomana siknga akngane sukuningge natake daninggat. Ginda sukuwawa danduke aminu yamandet sikaing aminda wamu moo siknga ginde atemapa yanangge tasike ngana apmeptaning.

2 Korin 10:5

Tasike natdetdeu gutonga aminda kem nataaing kaknga nata yaitapaakusinggat. Ngan. Nata wamu take Anututane aknga aminu buyambam yanikapnangge tasiwawa iwanata yamandet sike natane kepina umukngamukaing ngana nata ayapbike puya atasinggat. Tasike nata amindane natdetdetna papa nomatawa wa aminu yanipaku pewa Kraisdane gepbiatang koke yuaing.

Matyu 6:23

Sike kaikata wai siwanu zikaa dakaatang wasiyawake yuya. Unzingge kakaa akngaatangu yuwiyau waaknga apbinga zikaawanu zikaa waakngata zikaa siknga singgamik,” ngang yakut.

Lotutane Kap Taknga 10:4

Masa imuke na kopsaapa yuat ngang musiane moo siknga nataak. Natake Buyambam tapae dua natapan singgak. Aho. Natdetdetnaatangu Anutue dua siknga nataak.

Lotutane Kap Taknga 119:36

Gata musipma tangenawi nata wamba waaknga tawananggengu take natapit. Natake sanga kwaapzangbam papitde dua natapa kuwik.

Wamu Takeaknga Makga Matakut Taknga 7:21

“Sanga aminde musiaatang yuke musiaatangga akowawa tasikaing kaknga anzing. Musiaatang wai takngatu takngatue nataaing. Yasewa tasinangge nataaing gatu kuka panangge nataaing gatu amin tangutenangge nataaing gatu

Wamu Takeaknga Makga Matakut Taknga 7:23

Sanga wa wai kuupbam aminde musiaatang yuke musiaatangga akopa yake tasikaing kakngata pasiwan aminu wai amin dakngakaing,” ngang yanikut.