Wamu Takeaknga Makga Matakut Taknga 4:11 - Wantoat

^11-12 Inikwaiwa ita yake anzing yanikut, “Anututa amin panangge tasinggak kakngae yapii akusopuke yuau anggaman daniwitde Anututa nandutewan nata daninggat. Siwan yanikapsa aminu tapatuta Anutue wamu takngatu anzing matakut, ‘Kainata akake ngana sanga tapatu dua binga kaaing. Wamu maakngita atnatake ngana yapiie dua nataaing. Dua natake musia dua tapa tekwamban waiakngana dua sandeyamit,’ ngang Anututane wamu waaknga tupa siknga ngang yakapsa aminu tapatuta matakut taknga buya apmanu unin aakgak. Nata wamu kuupbam tuwang wamban aminu kepman yuaing aminde yaniwa nataaing,” ngang yanikut.

Wamu Takeaknga Makga Matakut Taknga 4:11 ပူးပေါင်းရင်းမြစ်များ

Matyu 11:25

Siwan tapduk wagwene Jesuta tumuk wamu takngatu anzing inikut, “Nana. Sanga enandang yuak kakngaat keune yuak kakngaatdane toiknga, ga natdetdetda takusopuwi aminu natdetdeninu kaya ngang yakaing aminda dua natapbing ngana wamde gepbiatang yuke pasikaing aminde yeuyami natdetdetda akaaing.

Matyu 13:16

“Ngana ginu apbaknganong. Kaisata sanga gwa kake maakzata wamu atnataaing.

Matyu 16:17

yake anzing inikut, “Saimon, Jonatane waaknga. Aminu keunenana tapatuta dua wamu waaknga gae yeukgamuk. Aho. Nana enane siknga yuak kapata yeukgaman kake yanggayakge apbakngayo,” ngang inikut.

Wamu Takeaknga Makga Matakut Taknga 3:23

Ngang yawa natake Jesuta yayawamban apana tuwang wamu kundu anzing yanikut, “Setenda ina inikwasitnanga dua,” ngang yanikut.

Wamu Takeaknga Makga Matakut Taknga 4:10

Masande Jesuta inatakan yuwawan pandetna 12-pat nana amikat gatu aminu kundu iat gatake yuking amikat kuutda tuwang wamu wa yanikut takngae inikwaiking.

Wamu Takeaknga Makga Matakut Taknga 4:2

Siwan ita wamu kwaapzang tuwang wamban yanike anzing yanikut,

Wamu Takeaknga Lukga Matakut Taknga 8:10

Inikwaiwa yake anzing yanikut, “Anututa amin panangge tasinggak kakngae yapii akusopuke yuau anggaman daniwitde Anututa nandutewan nata daninggat. Sike aminu kunduta tuwang wamban natake baniaatang nangaakan natapningge Anututa take nataak. Take natapan aminu kunduta Anutue wam maakngita natake ngana dua binga natake yutning.”

1 Korin 4:7

Asikaya aminu tapatuta gikat nana tapatu kawan inata kundu singgak ba dasing? Ba ginda aminu kundu yapbitnanga akngae yapii Anutu dua ba dasing? Aho. Ita tasindaman ginda ayapbitning. Unzingge ginu dasingge gisane umanza yapangenake ninda nisane kekeknga akngata yapbike yuamang ngangu yakaing?

2 Korin 4:6

Dasingge? Tupa Anututa wamu takngatu anzing yakut. Zikaa dakaatangu kakaa akngata take kakaayok ngang yakut. Siwan Anutu wamu wa yakut tapata sanga kakaa akngata tawamban sandekgak kaknga binga tasike itane wamna natane musipmaatang tamukut. Tamuban nata Kraisde yapii anggaman nataat. Ngan. Kraisde yapii anggaman natake nata Anutue anzing natdekgat. Nomana sikngaapa unin. Na natdetdeu waaknga natdewitde natake ita inane wamna musipmaatang tamuban kakaa sikut.

Efesas 1:9

Sike natdetdeu ita natake tekuu waaknga tapduknga ita yawan yukut gwene buya aawan Anututa sanga kuupbam enandang yuaing ba kepdakane yuamangu kuut pake ita Kraisde gepbiatang pewan koyutnim. Siwan natdetdeu ita wa natapbuu ita inane musiaatang natake tekut. Teke yusika ngana natdetdeu wa ina banipda siwan natapbuu waaknga ita ninde gwa yeutniman nataamang.

Kolosi 4:5

Siwan aminu Anutue masa imukaingu kepman nana aminde banakan yuke ginda natdetdetza anggaman natake sukunong. Sukuke ginda tapdukngane siknga zet tasinong. Sike tapduknga ginda amin gatayamunanga wa gwenda ginu dapbimsak.

1 Tesalonaika 4:12

Unzing tasike ginda kepi noman gan tawake tasike sanga tapatue dua dapmake notza dua yaninggakaning kaknga kake aminu kepman nana aminda natapa take siknga siwik.

1 Timoti 3:7

Aho. Aminu tapatu aminu Jesue dua natake kepman yuaing aminde banakanu umana take siwanu itakan akayuya aminu tapatu take dakngake yuwik. Sike aminu wa binga dua ngana kayuya amin dakngawiu waapa Setenda kem tanziwan pimake apmaakawik.

1 Jon 5:20

Siwan gatu ninu atnataamang. Anututane waakngata apuke natdetdeu ninde nimukut. Niman ninda Anutu siakan tapae atnataamang. Natake ninda Anutu siknga apaat gatu inane waaknga sikngaapa Jesu Kraiskat musipminu takngatukan natake unekan binga gatake yuamang. Siwan Anutu waapa Anutu siknga. Siwan kayuk asinggan yutnanga akngae toiknga unin.