Wamu Takeaknga Makga Matakut Taknga 13:8 - Wantoat

⁸ “Aminu dongu takngatuta enake dongu takngatuat amning. Siwan aminu buyambamu tapatutane dongata enake amau aminu buyambamu tapatutane dongaat amning. Sike keu komduiatangu miyamun bam sining. Siwan nanamna wena siwan tomnabam natayutning. Sanga wa asaawa ngana tapduknga zet dua sandewik. Unzing mayata engang tangaiwikge toknga gamok nataak binga,” ngang yanikut.

Wamu Takeaknga Makga Matakut Taknga 13:8 ပူးပေါင်းရင်းမြစ်များ

Lotutane Kap Taknga 48:6

Datakuke dandai kumzang yamuking. Dandai yamumban atdatakukingu wa unzing mayata engang bokngitnangge toknga nataaing binga sikut.

Matyu 24:8

Sanga wa kuupbamu anzing. Toknga gamok mayaata engang tangaiwikge isinggak binga,” ngang ninikut.

Wamu Takeaknga Makga Matakut Taknga 13:7

“Siwan masande ginda natawawa, ‘Amau wesim amakaing,’ ngang yawa natakengu ginu nangaakan ma natapam. Siwan amau amnangge yawa natakengu ginu ma satnawam. Sanga wa asaawik ngana tapduknga zet dua sandewik,” ngang yanikut.

Wamu Takeaknga Makga Matakut Taknga 13:9

“Gisae katak siknga tagwautnong. Aminda ginu kaunsilnae pakuwa wam yaning. Siwan aminu kunduta ginu miti yot gwekatang pakoke ipmapa dasipning. Siwan aminu kunduta nae umana tanguwa pimapikge tasike ginu paku buyambam tapaapae kaine dapmaning. Dapmaba ginda nae wamu takeaknga ngang yaninong.

Aposel 11:28

Wa epbikat nana tapatu umana Anggabas ngang iniking. Ita Waung Kapata kekeknganata tapan yake tom tapduu buyambam siknga kepna kepna siwikge yakapbut. Masande aminu tupan tapa umana Klodias ngang iniking kapata kayukut gwene tom tapduu wagwenu apbut.

1 Tesalonaika 5:3

Tapduknga aminda yake, “Apmanu tapduu take siknga singgak. Sanga gwauya aknga dua kanim,” ngang yakaing gwekatangu tapduu waomunekan sanga wa amin pasiwan mainanga zetgaman wa aminde apan asatnake sanga wa yapbitnanga dua. Wena siknga. Unzing mayata engang tangaiwikge katak dua tandakngake yuak gwekatang toknga natapan engangu asaakgak binga.

Wamu Jonda Mia Kake Matakut San 6:4

Sike nata kake ikwawa gamanu hos ngang yanikaingu gamana siknga gwendu kakum. Sike aminu hos wagwendane masene pukwikut tapae umana yawan ita aminbamdane musia pangenawan notna notna zipa kumningge puya takut. Tapan aminu tapatuta apuke paiu buyambamu dakatu puya waaknga tasiwikge ie iman kakum.