Wamu Takeaknga Makga Matakut Taknga 11:3 - Wantoat

³ Sike aminu tapatuta danduke, ‘Dasingge gitda unzingu tasikamayak,’ ngang daniwanu gitda anzing inison, ‘Buyambam tapata anggwende puya kaya siwan ita zetgaman gatu apme tewan apik,’ ngang inison,” ngang yanipewan kukumayak.

Wamu Takeaknga Makga Matakut Taknga 11:3 ပူးပေါင်းရင်းမြစ်များ

Lotutane Kap Taknga 110:3

Tapduu gata iwandaat amnangge natapinu, gikane aminda apuke gatanggamuke waaminda amakge masa wamu dua yaning. Siwan umana kopsa siknga akngane yuke waaminda kekeknga kayuk kaknga paning. Siwan kekeknga waaknga unzing, tapdukbamu gunzit dua akowawan sopa daiu yuak binga kekekngana gatu paning. Ina unzakan, gakaa kekeknga kayuu tapdukbamu asinggan papsa.

Lotutane Kap Taknga 24:1

Keu andakaat gatu sangabamu ane yuaingu wa kuupbam Buyambam tapatanekan. Kepna kepna gatu aminu yotna yotna yuaingu wa kuut itanekan.

Wamu Takeaknga Makga Matakut Taknga 11:2

natake anzing yanikut, “Gitda you wesimu atugapmasimu kaamayaune kuke you wanggapmane koke zetgaman ikwawa gamanu aminu tapatuta masene dua pukwikuu gwendu napda tewatanguwan wamateinga kasan. Kake waike takapzon.

Wamu Takeaknga Makga Matakut Taknga 11:4

Yanipewan kuke ikwawa gamanu gubanga gwendu kakumayak. Kawawat toikngata you gwendutane gwabok gwaune wamatewa kepman kepiapa wesim yuwawan kake nap taknga awaikumayak.

Wamu Takeaknga Makga Matakut Taknga 14:15

ita you bokngan mitapbingu buyambamu gwendu engatangan yuak gwenu yeutdaman kason. Wagwene tebo gatu sia ngangu gwa pandakngake pekingu wagwene gitda nanaminu tandakngason,” ngang yanikut.

Aposel 1:24

Siwan aminu waapaau pakenga tumuk wamu Anutue anzing iniking, “O Kuyanin. Judasda aposel amin dakngakut taknga teke wai aknganae toknga papik komune gwa kukut. Siwan aminu kuupbamda baniaatang nataaing kaknga gata anggaman akaayak. Kake aminu aapakat nana tapatutane umana yeutnimi kanim. Yeutnimi kana ita aminu waapatane tangge yuwik,” ngang iniking.

Aposel 10:36

Ginu atnataaing. Anututa ninu Isrel nanae wamu takngatu Jesu Kraisda tasiniman Anutue notna gatu dakngake yutnimde wam taknga ninde tewan apbut. Ita aminbamdane Buyambam tapa.

Aposel 17:25

Sangae dua dapmanggak. Dua dapan kake aminu tapatuta katakngata gatangamunanga dua. Anututa kayuk yutnimde gatanimuke Waung Kakngana ba sanga kuupbam ngangu aminbamde yamunggak.

2 Korin 8:9

Ginu atnataaing. Buyambam tapaninu Jesu Kraisda ginde musip kwikwik natandamuke tasikut. Ita sangabamdane toiknga ngana ginde butaya natake nisa gup dakngakut. Dakngake aminu sangana wena apa binga dakngake ninde banakan yukut. Sike ita gin pasiwan ginda Anututane sanga kekeknga asinggan yuwik kaknga kwaapzang pake yuaing.