Matyu 9:4 - Wantoat

⁴ Wepda yawa ngana Jesuta wamu wa baniaatang natapbing kaknga anggaman natake anzing yanikwaikut, “Ginu minae banipzaatang wai nataaing?

Matyu 9:4 ပူးပေါင်းရင်းမြစ်များ

Lotutane Kap Taknga 139:2

Siakan. Sanga nata tasinggau kuupbamu gata atnataayak. Ngan, nata pukuyuwit ba dandam tangan yuwit siwan ngana gata keu komdune maa yukengu sanga tasinangge nataau atnataayak.

Lotutane Kap Taknga 44:21

Gatanu atnatapiak. Anututa natdetdeu ninde musipatang kusopuke yuaingu atnataak.

Matyu 12:25

Yawa natdetdetnaatang natapbing kaknga anggaman kake Jesuta anzing yanikut, “Aminu keu komdune nana buyambamu tapatue gepbiatang yuaingga enake dongu takngaaya yuke amning. Amapanu buyambam tapata kekeknga yutnanga aknganata wai siwik. Sike aminu yot gapmane nana ba you gwendunekan nanata enake dongu takngaaya yuke amapanu you wanggapmane nana ba you wagwene nana ba kekeknga yutnanga dua,” ngang yanikut.

Wamu Takeaknga Makga Matakut Taknga 12:15

Iniwa ngana Jesuta wa amindane kem takngana atnatake anzing yanikut, “Ginda dasingge na tanzitnangge tasikaing? Mani sandu nae takapa kawit,” ngang yaniwan

Wamu Takeaknga Makga Matakut Taknga 2:8

Sike Jesuta natdetdetnaatang wamu wa natapbing kaknga natake anzing yanikut, “Dasingge ginu musipzaatangu natdetdeu waaknga nataaing?

Wamu Takeaknga Lukga Matakut Taknga 11:17

Iniwa natake wamu musiaatang natapbing kakngae Jesuta natake anzing yanikut, “Take tapatutane waatdakanata banakan matake kaut kaut yuke asamapanu take waapatane umana apimapan kekeknga yutnanga dua siwik.

Wamu Takeaknga Lukga Matakut Taknga 5:22

Natake yuwawa Jesuta wamu wa natapbing kaknga anggaman kake anzing yanikut, “Dasingge ginu musipzaatang nangaakan nataing,” ngang yanikut. “Ginu dasing nataaing?

Wamu Takeaknga Lukga Matakut Taknga 6:8

Katasiwawa ngana ita wa amindane natdetdetna kake aminu kwatai apmatekakut tapa anzing inikut, “Ga enake banakan yuyo,” ngang iniwan enake banakan yukut.

Wamu Takeaknga Lukga Matakut Taknga 7:40

Baniaatang unzing natapan ngana Jesuta anzing inikut, “Saimon. Wamu takngatu ganinangge nataat,” ngang iniwan, “Aana. Undang naniwi natapit,” ngang yake inikut.

Wamu Takeaknga Jonda Matakut Taknga 16:19

Unzing yake yakwaik wamu takngatu inikwaitnangge tasiwatna ngana ninduke anzing ninikut, “Ginda wamu dasing kakngae yanganukaing? Nata danike mateknga kundusim yusika ginda dua nandupning. Sike mateknga kundusim yukenga gatu nandupning ngang danit takngae yanganukaing.

Wamu Takeaknga Jonda Matakut Taknga 16:30

Unzing yawi natake gata aminda akganikwaitningge gamok dua kayuayak. Wena. Gata yakwaik wamu kuupbam ganikwaitnangge nataamang kakngae atnataayak ngangu atnataamang. Unzingge ninda gae natake gata Anutuat yusika apbuyak ngang natapna siakan singgak,” ngang inikumang.

Wamu Takeaknga Jonda Matakut Taknga 21:17

Siwan sipduat iniwan sipmaat sipduat dakngawan anzing inikwaikut, “Saimon. Jondane waaknga! Asikaya ga nae take nataayak,” ngang iniwan Pitata musia meya sipduat asikaya ga nae take nataayak ngang iniwan sipmaat sipduat dakngawan meya natake anzing inikut, “Aana. Gata sangabamde atnataayak. Na gae take nataat taknga gata atnataayak,” ngang iniwan yake anzing inikut, “Gata natane aminabam toimso,” ngang inikenga anzing inikut,

Wamu Takeaknga Jonda Matakut Taknga 6:61

Sisip tangan yana ngana semna wamu waakngae natake Jesuta anzing ninikut, “Ginu wamu waaknga natake apimanangge sikaing ngang danduat.

Wamu Takeaknga Jonda Matakut Taknga 6:64

Siwan ngana gikatnana kunduta wamu waakngae natapa siakan dua singgak,” ngang ninikut. Siwan tapduknga aminbamda itane wamna tupan natapbing gwenuneta Jesuta aminbamu baniaatang usanzike aminu waakwakga nae natapa siakan dua siwik. Siwan aminu waakwakga nae natapa siakan siwak ngang anggaman natapbut. Natake aminu iwande yaman taning kapae anggaman natapbut.

Aposel 5:9

Iniwan yake anzing inikut, “Gitda natake nitda kem tasita Waung Takwanda dua ba nindupik ngang natake tasita siwik ngang giu dasingge natapbumayak? Aminu gatane apba kwaiing aminda gwabok gwaune gwa apukaingge kepi gakngau natapso. Waakwakga ga gwaamutakuke kwaining,” ngang inikut.

Wamu Jonda Mia Kake Matakut San 2:23

Yamuke nata maya waapatane waaknga yapana kuupbam atzipa kumning. Atzipa kupa kake Anututane amina kepna kepna nana kuupbamda nae anzing natapning. Na natdetdeu aminda musiaatang natake teaingu kuupbamde anggaman atnataat. Ngan. Nata aminu kuupbamdane wamna katak siknga usanzike wamu noman gan wa aminde inandek inandek yaniwit.