Matyu 8:15 - Wantoat

¹⁵ Kake katakngita wasiwan mait taknga tewan kuwan enake Jesue nanam tandakngakut.

Matyu 8:15 ပူးပေါင်းရင်းမြစ်များ

Matyu 14:36

Pakapuke ininggamatake ita kapewan mait aminda katakngita Jesutane tauknga nomna saasaakngi wangane wasiningge iniking. Iniwa kapewan katakngitakan taukngane wasiking aminu kuupbamda gatuna take siking.

Matyu 20:34

Iniwat waapaatde butaya natake kainane wasiwan zetgaman kaina gatu kawat Jesuat gatake kukumang.

Matyu 8:14

Siwan Jesuta yoakatang koke kawan Pitata maatnatane minga mait natapan gupna toknga siwan pekgawan kakut.

Matyu 8:16

Siwan bangee aminu waung waita paking aminu pake Jesue pakapbing. Pakapa yake waung wai wa yanikwasiwan kuwa mait aminu kuupbam maitna sandeyamukut.

Matyu 8:3

natake katakngita wasiyuk anzing inikut, “Nata gatane gupba dudumna siwikge nataat,” ngang iniwan watana kekeknga wa zetgaman wena sikut.

Matyu 9:20

Kuwawa maya tapatu yekapna sike asinggan daknga pake yuwawan nakanu 12 gwa yapbikut. Maya waapata Jesutane masene inengan siknga kuke ina musiane anzing natapbut. Nata katakngatakan taukngane wasiwa maitna wena siwik ngang natake apu Jesutane tauknga nomna saasaaknga wanganekan wasikut.

Matyu 9:29

katakngita kaine wasike anzing yakut, “Tasiniman take sinimik ngang nanduke nanimayak kakngakan gitde sindamuyok,”

Wamu Takeaknga Makga Matakut Taknga 1:29

Siwan miti yot gwen teke epu kepman kuke gatu Jesuat pandetnaatda kuku Saimonkat gatu Endruatdane yotnane kopbing. Siwan Jemskat Jonkat kuut kopbing.

Wamu Takeaknga Makga Matakut Taknga 1:41

Iniwan butaya siknga natangamuke katakngita wasiyuk anzing inikut, “Nata gatane gupba dudumna siwikge nataat,” ngang inikut.

Wamu Takeaknga Lukga Matakut Taknga 8:54

Siwan ngana Jesuta maya matekapa katakngine take wamu apaa anzing inikut, “Yapana! Enat,” ngang inikut.