Matyu 7:24 - Wantoat

²⁴ “Sike mamin amindaka nata wa daninggat taknga natake tasikengu ita anzing binga dakngawik. Aminu tapatu natdetdetna nomanaapa binga. Siwan ita yotna supda tepan kusiwan mitapbut.

Matyu 7:24 ပူးပေါင်းရင်းမြစ်များ

Lotutane Kap Taknga 111:10

Sike aminu tapatuta natdetdet amin daknganangge natakengu waapata Buyambam tapae akgwaumsok. Sike wa akgwaukgak kakngata amindane musia pangenawan natdetdet amin dakngawik. Unzingge ninda itane umana asinggan asinggan yatangenatnim.

Lotutane Kap Taknga 119:130

Aminu tapatu gatane wamde natdetdetna buyambam duaapa inindamubanu waapata gatane wamdane yapii natapanu, kakaa aknga musiaatang atapik. Ngan, wamu waaknga natdetna wenaapa natdetdet imunggak.

Lotutane Kap Taknga 119:99

Nata gatane mama wam taknga atawanggat. Siwan wamu wa tawanggat takngata tasiwan na natdetdetna bamban sikngaapa dakngake aminu nanindamukaing amindane natdetdetna ayapbike yuat.

Matyu 12:50

“Siwan aminda natane Nana enane yuak kapatane banip tawaningu natane minga ba uyapma ba samina ngang yaniwit,” ngang ninikut.

Matyu 16:18

“Siwan nata ganinggat. Ga umanda Pita. Unzing yapii gata kekeknga sup gwenda binga yuayak. Sike suu wagwene engatangan tasiwa natane amin takwakga kekeknga yuwawa katap bamdane kekeknga akngata dua yaitapaakusiwik,” ngang inikut.

Matyu 24:45

“Sike puya aminu mamin tapata puyana pasiwan kake natdetdetna nomantapa ge puyanae katak siknga kayuak ngang ie yanim? Puya toikga puya aminu waapa tapan puya aminu kundu kayuke tapdukngane nanam yamikge asinggan yamik.

Matyu 25:2

Siwan katau kautdu musa natdetdetna wena. Sike kautdu musa natdetdetna kaya.

Matyu 25:4

Sike maya natdetdetna kaya kerosina botol gopatang tukwaba pukuwan lamna buyak pakapbing.

Matyu 25:9

ngana maya natdetdetna kayata anzing yaniking, ‘Aho! Kerosinu buyambam dua. Ginde damukengu atdapnim. Ginu usiwam yot kuke gisa usinong,’ ngang yaniwa

Matyu 7:25

Mitapan sopata tawan yangga apaptawawan gotda kekeknga puyapan ngana you wagwenu dua pimakut. Dasingge? You wagwendane simenu suu buyambam gwegwene kep ganang katang kekeknga siknga tapan kekekakut.

Matyu 7:26

Sike aminda natane wamu waaknga natake dua tasikengu ita anzing binga dakngawik. Katum aminu tapatuta yotna saisai dakanekan mitapbut.

Wamu Takeaknga Lukga Matakut Taknga 11:28

Iniwan natake ngana Jesuta yake anzing inikut, “Unzing gua. Anutue wam maakngita natake take gwaamumsa aminu amin gwaangu unin ngang natapnangge,” ngang inikut.

Wamu Takeaknga Jonda Matakut Taknga 13:17

Ginu wamu waaknga natake ginda kepi atasindamunggat taknga tawake tasikengu ginu apbakngake yutning,” ngang ninikut.

Wamu Takeaknga Jonda Matakut Taknga 14:15

“Ginda nae banip gwaang natangamukengu natane gena akgwaamutning.

Wamu Takeaknga Jonda Matakut Taknga 15:10

Sike nata Nanae gena asinggan gwaamuba ita nae musip gwaang natangamunggak. Siwan ginda ina unzakan natane gena gwaamubanu nata ginde musip gwaang asinggan natandamit.

Wamu Takeaknga Jonda Matakut Taknga 15:14

Sike ginu natane wama wa daninggat taknga tasiwanu nata danduke ginu natane notna ngang daniwit.

Pas Polda Rom Nana Aminde Matayamukut San 2:13

Sike aminu Mosesdane mama wamu maakngita nataaing aminda Anutue nomune aminu noman amin dua dakngake yutning. Aho. Aminu mama wamu waaknga tawake tasikaing aminda Anutue nomune aminu noman amin dakngake gitna yutning.

1 Jon 2:3

Sike ninda Anututane mama wamu kuupbam tawake tasikengu ninda Jesuat musipminu takngatukan natake unekan binga yuamang ngang natapna siakan siwik.