Matyu 7:2 - Wantoat

² Sanga ginda aminde usanziyamukaing kakngasa kake Anututa ina unzakan yake gikaya usanziwik. Siwan sanga amindane usanziyamukaing binga ina unzakan Anututa usanzike yake damik.

Matyu 7:2 ပူးပေါင်းရင်းမြစ်များ

Lotutane Kap Taknga 109:17

Ita tupa wamu waiaknga aminu kunduta meya paningge yakut. Siwan ngana ina meya papikge nataat. Sike ita Anutu inikwaiwan aminu kundu take gatayamikge dua natapbut. Unzingge, aminu waapa Anututane kwikwiknga aknga dua siknga papikge nataat.

Matyu 6:14

Unzingge nata ginu daniwa natapnong. Ginda aminu kundutane waina sandeyamanu Nanza enandang yuak kapata gindane waiakngasa asandetdamik.

Wamu Takeaknga Makga Matakut Taknga 4:24

“Wamu ginda natapbing kaknga katak siknga natdetnong! Wamu wa natdekaing kaknga buyambam ba mateknga pakinga kakengu ina unzakan dua paning. Kunduat isakoyamik.

Wamu Takeaknga Lukga Matakut Taknga 6:38

“Ginda sanga aminde yamunong. Yama Anututa sanga ginde damik. Ginde take siknga damuke pamuban dopa makaiwa pukuwa gatu kunduat pamuban doke akopimapa ginde damik. Sanga ginda aminde yamukaing binga Anututa unzakan ginde damik,” ngang yanikut.

2 Korin 9:6

Siwan nata ie natake tuwang wamu takngatu daniwa natapnong. Aminu tapatuta nanam zau matekngakan kwaiwiu waapata masande nanamde dapik. Siwan ngana aminu tapatuta nanam zau kwaapzang kwaiwiu waapata nanamu kwaapzang pake napik.

Jems 2:13

Dasingge? Aminu tapatuta aminde butaya dua natake tasiwiknga kakengu Anututa aminu waapa usanzike butaya ie dua natangamik. Siwan ngana aminu tapatuta aminde butaya natake tasiwiu waapae Anututa usanzike natapan take siwik.

Wamu Jonda Mia Kake Matakut San 18:6

Sike wa aminda gin pasiwa maiking binga ina unzakan ginda yake wa amin pasiwa mainong. Ngan. Wa aminda ginu mateknga dasipbing ngana ginda yake iwanza kwaapzang siknga zipnong. Sike wa aminda wain yangga toknga aknga kap gomune tukngwaba pukuke dopan ginde dama tangoke wai siking. Ngana ginda yake kau wagomunekan yangga toknga siknga tukngwayama wa aminda tangoke wai siknga sinong.