Matyu 6:13 - Wantoat

¹³ Siwan gata sanga nin pasiwan sinimde ma ninipakuwim. Sike gata nin gatanimi Setenda ninu dua pasiwa mainim.’

Matyu 6:13 ပူးပေါင်းရင်းမြစ်များ

Lotutane Kap Taknga 10:16

Buyambamtapa Kingu asinggan asinggan yuwik. Yuke ita katum aminu inane kep komune yuke ie masa imukaingu yanikwasiwan kuke gatukande wena sining.

Lotutane Kap Taknga 106:48

Ninda Anututane umana yatangenatna. Ninu Isrel amindane Buyambam tapanin, apman gatu masan kaya asinggan asinggan yuwik. Siwan aminu kuupbamda anzing yanong, “Un siakan.” Buyambam tapatane umana yatangenatnong.

Lotutane Kap Taknga 22:28

Dasingge? Buyambamtapa King kapa yuke ita aminu kuupbam kakuya pasinggak.

Lotutane Kap Taknga 41:13

Buyambam tapatane umana ninda initangenatnim. Sike waapa Isrel nanatane Anutuna. Siwan dongu masan aatningu waamin kaya ina unzakan tasining. Siakan. Siakan siknga.

Lotutane Kap Taknga 47:2

Dasingge, ninda Buyambam tapae asiknga gwautnim. Buyambamtapa waapa enane siknga yuak. Ita kingu tupantapa yuke aminbamu kepna kepna yuaingu kakuya tasinggak.

Lotutane Kap Taknga 47:7

Dasingge, Anutu king siknga yuke kepna kepna kuupbam kayuak. Ninda unzingge kau taike umana aknga ayatangenatnim.

Lotutane Kap Taknga 72:19

Itane umana takeaknga asinggan asinggan yatangenatnong. Siwan nata nataau itane umana kopsa aknga kepna kepna kuupbam tawamban sandewikge nataat. Siakan siknga.

Lotutane Kap Taknga 89:52

Ninda Buyambam tapatane umana asinggan asinggan yatangenatnim. Siakan siknga.

Matyu 26:41

Ginda kayuk yuke tumuk wam yanong. Sanga gin pasiwa sinangata ginde apsak. Siakan. Banipzaatang kayuk yutnangge nataaing ngana ginda tuyuknga natake pekaing,” ngang yanikut.

Matyu 28:20

nata wamu gwan danindamukum taknga kuupbam natake tasiningge yanindamutnong. Siwan unzing tasiyuk naat gikat gatake asinggan asinggan yuwatna kuku tapduk ayuamang gwenu sandewik kopatang unekan yutnim,” ngang Jesuta ninikut.

Matyu 5:37

Sike wamu takngatu kekekawikge natake mamaya ngwakngake yakainggane yapii Seten ngang natayuke ginda siakan ba aho nganggan yanong,” ngang yanikut.

Matyu 6:10

Gata amin panangge tasinggayak kakngata ninde asapsok. Asapan gatane banip enandang nana aminda tawakaing binga ninu kepdakane yuamang aminda unzakan tawanim.

Wamu Takeaknga Jonda Matakut Taknga 17:15

Nata tumuk wamu gata natane aminabam keu andakane sandeke papiakge dua yanggat. Aho. Nata tumuk wamu gata toimbi aminu waiapata dua pasiwan mainingge yanggat.

1 Korin 10:13

Siwan sanga aminda asinggan panzike yanindetdaukaing kakngatakan ginde apukaing. Ngan. Sanga amin yanindetdaukaing kaknga inata kunduta dua ginu panggaganukaing. Wena. Siwan aminda ginu atdanindetdautning ngana Anutu gin gatandamuya apata dua kapewan sanga wa gin danindetdautning kakngata ginu dapbitning. Aho. Ita akgatandamuke kepi takngatu ginde atasindamik. Ngan. Ginda akekekake sanga wai waakngaatang dua pimaningge kepi ginde atasindamik.

1 Korin 14:16

Sike ninda unzingu dua tasikengu ninda Anutue umana yatangenake wamu yapii dua nataamang kangan yananu asikaya aminu wamu waakngatane yapii dua natapiu tapatuta siakan ngang yawik ba dasing? Aho.

2 Korin 1:20

Ngan. Wamu Anututa nin gatanimunangge yawan kekekakut taknga Jesu waapata tasiwan buya asaawik. Tasiwan buya aawan ninda Anutue kekeknga natake itane umana yatangenake yutnim.

Galasia 1:4

Jesu waapata Nanin Anutue banip tawake nin gatanimukut. Gatanimuke ninu nisane waiaknganinde toknga pananga akngane ninu sandekut. Ninu aminu wai aminu tapduu ayuamang komune nana aminde gepbiatang dua yutnimde natake ita epuke kungwanimukut.

1 Tesalonaika 1:10

Siwan ginda kuke Jesu itane waaknga apata enandang teke gatuna epikge kayuaing kakngae ninikaing. Siwan aminu waapa akupan Anututa akumbut katangga gatuna tangenakut. Tangenawan ita gatanimuke Anututa toknga waiaknganinde nimunangge nataak kaknga sandetnimik kapae natayuaing.

2 Tesalonaika 3:3

Siwan ngana aminu kem wamu dua yake siakan gan asinggan tasinggak kapa Buyambam tapaninu Jesu unin. Sike ita gin papan kekekawan gin toiban Setenda ginu dua kaipakuwik.

1 Timoti 1:17

Unzingge ninda Anututane umana asiknga yatangenatnim. Ngan. Anutu waapa tupan siknga apa asinggan asinggan yuwawik kapa unin. Ninda kaininda kananga dua ngana ita wena dua siwik. Anutu siknga awia waapakan. Siakan.

Hibru 11:36

Ngan. Wa amikat nana kundu iwanata sapduyamuke asipmapa zipbing. Sike kundu panggaganuke sen takngata wambing. Sike kundu kaautde peking.

1 Pita 5:8

Siwan ngana gindane iwanza Setenu unin. Ita gin pasiwan mainingge natake asinggan sukunggak. Siwan ginda ie natake gisa katak tagwauke kayutnong. Ginu atnataaing. Kaap zongu buyambamu gwendu umana laion ngang inikamang gwenda kaap notna nanangge toknga siknga natake yawanggak. Ina unzakan Setenda gin pasiwan mainingge puya kekeknga siknga tasinggak.

2 Pita 2:9

Siwan ginda wamu waaknga natake ginu atnataaing. Buyambam tapaninda aminu sanga takeakngane sukukaingu take gatayamuke sanga apasiwa sinanga akngata wa aminde apik kaknganae asandewik. Ita wa aminu take sandewik ngana wai aminde natake ita toknga yamunanga aknga teyamunggak. Teyamuwawan kuku tapduknga aminu kuupbam usanziwik gwenda apik.

1 Jon 3:8

Siwan tupa siknganeta apu apmanu Setenda sanga waiakngana asinggan pasinggak. Pasinggakge aminda wai waaknga tawake tasiningu wa aminda Setendane dongune yuaing amin. Siwan Setendane kekeknga waaknga tanguwan pimapikge natake Anutue waakngaapata kepdakane epbut.

Wamu Jonda Mia Kake Matakut San 1:18

Sike tupa na akumbum ngana gatuna gweake kayuk yuat. Ngan. Nata kayuk asinggan asinggan yuwit. Sike nata sanga aminda akumnanga ba kayuk yutnanga akngae kayuat. Sike gatu nata keu akupsa aminda yuaing komde kayuat,” ngang nanikut.

Wamu Jonda Mia Kake Matakut San 19:1

Siwan sanga wa kawa puyuwana nata nataawa aminu kwaapzangu enandang yuaingga wamu apaa siknga anzing yanggamataking, “Ninda Anututane umana asiknga yatangenatnim! Nindane Anutuninu awia tapatutakan ninu waiakngane sandekut. Sike itane umana awia akngakan buyambam siknga singgak. Sike ita kekeknga siknga yuak.

Wamu Jonda Mia Kake Matakut San 19:4

Siwan take aminu 24 ngangu wa yuking gatu sanga kayuk yuaingu gweaat gweaat ngangga gwetake Anutu sia buyambam dakane pukwike kayuak kapae inimbakngake anzing yaking, “Siakan. Ninda Anututane umana asiknga yatangenatnim,” ngang yaking.

Wamu Jonda Mia Kake Matakut San 2:10

Siwan masana tapduu mateknga kundusim yuke gata meya takngatu takngatu apapsa ngana ga ie ma gwaumbim. Ie nata ganiwa natapso. Setenda ga tasiwan siwikge natake ita iwandatane musia pangenawan wa aminda enake aminu gaat nana kundu kaautde pake paku pening. Pewa tapduknga dapakngakan meya waaknga pake yutning. Ngan. Tapduu katau kuut musaat bingakan tapduknga dapaknga siknga meya buyak yutning. Siwan ngana gata Anutue kekeknga yuke tasiwawi kuku tapduknga gata akupiyak gwenda apik. Gata unzing iwan yapbike kekeknga siknga yuwinu nata apbakngake sanga kayuk asinggan yutnanga aknga gae gamit.

Wamu Jonda Mia Kake Matakut San 21:4

Sike ita amindane kai yangga kuupbam pasiwan kuning. Sike aminu tapatuta dua kupik. Gatu aminu tapatuta musia meya dua natake kwanamu dua sike sanga toknga gupnane dua natapik. Wena siknga. Sanga tupa nana wa kuupbam gatukande gwa sandekgak,” ngang yawan natapbum.

Wamu Jonda Mia Kake Matakut San 3:10

Siwan tupa nata wamu gata meya takngatu takngatu pakengu gata kekeknga yuyo ngang ganikum takngae natake gata wamu waaknga tawake tasinggayak. Unzingge nata ga katak toiba apmea meya aminu kepna kepna nana kuupbamde apuke pasiwan siningu waakngata gae dua apik.

Wamu Jonda Mia Kake Matakut San 3:14

“Siwan gata wamu kundu Anututane amina Leodisia yot gapmane yuainggane tupan tapae anzing matangamuyo,” ngang nanikut. “Na siakan wamde yapii. Siwan nata Anututane wamu kuupbam noman gan yakapmanggat. Na Anututa sangabamu tasike tekutdane yapii na. Sike nata gae natake wamu kundu ganiwa natapso.

Wamu Jonda Mia Kake Matakut San 5:13

Siwan kau waaknga taiwana nata nataawa sanga kuupbamu Anututa tasike tekuu wa enandang yuaing gatu kepdakane yuaing gatu keu akupsa aminda yuaing komune gatu yanggabam gwene yuaing ngangga kap taiking. Ngan. Sangabapat kaapat amikat ngangu kepna kepna yuaingga kau takngatu anzing taiking, “Anutu sia tupan siknga apatane dakane pukwike yuak kapa gatu sipsip mateu kuutde yanimbakngake umana asinggan asinggan yapangenatnim. Sike waapaatda kekeknga siknga asinggan asinggan yutzan,” ngang taiking.