Matyu 5:6 - Wantoat

⁶ Mamin amindaka takeaknga tasinangge musiaatang toknga siknga nataaingu Anututa aminu waakwakat gatake yutning. Dasingge? Musiaatang takekan siwik.

Matyu 5:6 ပူးပေါင်းရင်းမြစ်များ

Lotutane Kap Taknga 107:9

Dasingge, ita aminu guyakngi kupiakaingu yangga yaman tangopa take singgak. Siwan ita nanambamu tomna nataaingge yaman napa musia akgitnakaing.

Lotutane Kap Taknga 145:19

Siwan mamin amindaka ie akgwaubanu ita sanga wa aminde ayamunggak. Sike kwanamu ie sikaingu ita atnatake gatuna waakwau panggak.

Lotutane Kap Taknga 17:15

Siwan gata na katak usanzike nandupi noman siwik. Noman siwan, nata gatane nomba masande asiknga gandupit. Ngan, tapduknga nata kungwake dapuna binga pesika gatuna enawit komune nata natapa ga naat gatake yuamak ngang natake na apbakngawit.

Lotutane Kap Taknga 63:5

Siwan nata natapa take siknga siwik. Unzing aminda nanamu take siknga napik binga. Siwan ita napan atgitnawik. Sike nata apbakngake gatane umanda yatangenake kap taiwit.

Lotutane Kap Taknga 65:4

Sike aminu gika yawi yuwan yotdane pake konggayau, waaminu apbaknganing. Gikane yotda wagwekatangu sanga nomana kwaapzang yuaing. Sanga kwaapzangu kake ie musip gwaang siknga natake yuamang.

Lotutane Kap Taknga 84:2

Nata une siknga yuwitde musip gwaang siknga nataat. Nata natdetdetnaatang gae yotdane asiknga yutnangge nataat. Siwan gupma san gatu natdetdetna kuupbam ngangga gae apbakngake kap tainggat. Anutu kayuk yuwaak kapae.

Wamu Takeaknga Lukga Matakut Taknga 1:53

Ita tomna natake yuya aminde sanga take siknga yamuke sangaapana kaya aminde sanga dua yamuke yanipewan moo siknga kuking.

Wamu Takeaknga Lukga Matakut Taknga 6:21

Ginu aminu tomsa nataingu apbaknganong. Dasingge? Masana tasindaman natapa musipzaatang take siwik. Ginu kwanam sike yuaing aminu apbaknganong. Dasingge? Masande apmitning.

Wamu Takeaknga Lukga Matakut Taknga 6:25

Siwan ginu nanam napa gitnawan yuaingu gwautnong! Masande gatusa tomsa natapning. Ginu apbakngake minsa mikaingu gwautong! Masande kwanam siwa kai yanggasa pimaning.

Wamu Takeaknga Jonda Matakut Taknga 4:14

Sike ngana aminu tapatu nata yangga wa imit taknga tangopiu tapduk bamu masande ita gatu yanggae dua natapik. Wena. Sike yangga nata wa imit taknga tangopanu yangga dapunda yangakonggak binga itane musiaatang tasiwan ita kayuk yuwik kaknga pake asinggan asinggan yuwik,” ngang inikut.

Wamu Takeaknga Jonda Matakut Taknga 6:27

Ginu nanamu napa wena siya panangge nangaakan ma natake tasiwam. Aho. Ginu nanamu napa dua puyutnanga akngae tawataku kake nayuk kayuk yutning kaknga pake asinggan asinggan yutnong. Nanin Anututa nandutewan nanamu wa binga na aminbamde notna dakngake yuat tapata ginde damit,” ngang yanikut.

Wamu Takeaknga Jonda Matakut Taknga 7:37

Siwan tapduk takwanu wa gwendane wenga gwenu wa tapduk takwanu buyambam gwen. Sike tapduu wagwene Jesuta dandam tangan yuke tuwang wamu takngatu apaa anzing yakut, “Aminu tapatu yanggae natakengu nae apuke yangga tangopsok.

Wamu Jonda Mia Kake Matakut San 7:16

Gatayaman wa aminu gatuna tomna dua natake yanggae gatuna toknga dua natapning ngang nanikut. Siwan gunzitda wa aminu toknga dua yasiwik. Siwan sanga toknga akngata wa aminde dua apik.