Matyu 5:44 - Wantoat

⁴⁴ Ngana nata daniwa natapnong. Ginda musip gwaangu iwanzae natayamunong. Siwan ginda tumuk wamu Anutu iniwa natake aminu ginde wai pasindamukaingge gatayamik,” ngang yanikut.

Matyu 5:44 ပူးပေါင်းရင်းမြစ်များ

Lotutane Kap Taknga 7:4

Ba nata notna tapatue tanzit ba tasikum. Tasike kem wamu unin ba inikum. Siwan gatu nata iwana moo siknga ba tasiwa maikut.

Wamu Takeaknga Lukga Matakut Taknga 23:34

Unzing zipa yusika Jesuta anzing yakut, “Nan. Aminu atnukaing amindane waiakngana sandeyamuyo. Wa aminda buyami natake wai waaknga tasikaing,” ngang yakut. Siwan amak aminu atzipbing aminda kat binga tasike itane tauknga usanzike panangge tasiking.

Wamu Takeaknga Jonda Matakut Taknga 13:34

“Ginu kunanga dua ngana mama wamu inata takngatu daniwa natapnong. Nata ginde musip gwaang natandamunggat binga ginda gisae unzakan musip gwaang natayutnong.

Aposel 16:28

ngana Polda kake anzing yanggamatakut, “Ae! Gupba ma tasiwi maiwan. Ninu kuupbam andang yuamang,” ngang yakut.

Aposel 7:60

Inike putumuke anzing yanggamatakut, “Kuyana! Aminu supda nukaingge yake toknga ma yamim,” ngang yake undang kumbut.

Pas Polda Rom Nana Aminde Matayamukut San 12:14

Siwan aminu Jesue iwana dakngake gin pasiwa maikaing aminde natake Anututa wa amin pasiwan mainingge wamu ma yawam. Aho. Anututa gatayamikge natake tumuk wam ininong.

1 Tesalonaika 5:15

Ginda waiaknga aminda ginde tasindamukaing kakngae yake yake ma pasiyamam. Yake dua pasiyamuke tapdukbamu asinggan ginda sanga takeaknga notza Jesuat nana amikat gatu aminu kuupbapatde pasiyamunangge banip gwaang natake pasinong.

1 Pita 2:23

Siwan Jesutane iwanata enake Jesue inisanduking ngana ita yake dua yanisapdukut. Itane iwanata atanguking ngana ita yake toknga takngatu yamunangge dua yakut. Aho. Ita Anutu kepi nomana siknga akngane aminu kuupbam usanziwik kapae natanggamatake Anututa ina itane wamna yawan takawikge apbakngake natayukut.

1 Pita 3:9

Gindane iwanzata enake gin pasiwa maining ba atdanisapduwa ngana ginda yake wa amin pasiwa maining ba ayanisapdutnangge ma natapam. Aho. Ginda awikake yuke wamu takekan yake wa aminu Anututa gatayamikge natake yanong. Asikaya Anututa gin gatandamunangge natake ginu dua yandawakut ba dasing?