Matyu 4:7 - Wantoat

⁷ Iniwan ngana yake anzing inikut, “Anututane wampatang wamu takngatuat anzing matakut, ‘Gata Anutu Buyambam tapa ma tasiwi siwan,’ ngang matakut takngae natake dua paapit,” ngang inikut.

Matyu 4:7 ပူးပေါင်းရင်းမြစ်များ

Lotutane Kap Taknga 106:14

Sike keu sangana wena kopatangu musipnaatangu nanamu inata kundue kekeknga siknga natapbing. Natake Anutu tanziking.

Lotutane Kap Taknga 78:18

Waaminda Anutu tanzike anzing tasiking. Sike waaminda nanamu napan take siknga singgak kapa Anututa yamikge kumzang yanggamataking.

Lotutane Kap Taknga 78:41

Sike Isrel nana aminda tanzit taknga Anutue tasikingu dua teking. Anutu waapa kepi dundumna takngakan tawake tasinggak kapanin. Waaminda tanzit taknga ie tasiwawa musiaatangu meya natapbut.

Lotutane Kap Taknga 78:56

Siwan ngana masande Isrel nana aminda apmea aakingga Anutu enane siknga apae tanziyuuk ie yamandet tasike itane mama wamna dua tawaking.

Lotutane Kap Taknga 95:9

Waaminda keu waomune yuke puya nata kekeknga pasikumu kakapbing ngana na tanzit tasiwa sikut.

Matyu 21:16

“Ga wamu wa yakaing kaknga atnatayak ba dasing,” ngang iniwa Jesuta anzing yanikut, “Ngan, na gwan natat. Sike Anututane wapatang anzing matakut, ‘Gata yanindamumbi waatdakaat engakatda umanda yatangenakaing,’ ngang matakuu dua kendekingge nanikaing ba dasing,” ngang yanikut.

Matyu 21:42

Iniwa yake anzing yanikut, “Anututane wapatang wamu takngatu anzing matakut, ‘Suu gwendu yot mitapsa aminda kake wai pupuknga ngang yake mutewa kukuu wagwenu yotde tepa kusiwan yot gwen tapan kekekanggak. Buyambam tapata sanga waaknga tasiwan kake asatnakamang,’ ngang matakuu dua kendeking ba dasing?

Matyu 4:10

Iniwan natake Jesuta yake anzing inikut, “Anututane wampatang wamu takngatu anzing matakut, ‘Anutu Buyambam tapae inimbakngake ie puyaekan natake tasingamuyo,’ ngang matakut takngae natake dua ganimbakngawit,” ngang inikut. Unzing inike “Seten! Ga napmake kungga,” ngang inikut.

Matyu 4:4

Iniwan ngana yake anzing inikut. “Wamu takngatu Anututane wampatang anzing matakut, ‘Nanamdakan keunenana amin gatayaman kayuk yutnanga dua. Yusikangu akumning. Siwan ngana Anututa wamu takngatu takngatu yakut taknga gwaamukengu dua kumning,’ ngang matakut takngae natake sup gwegwenu dua yaniwit,” ngang inikut.

Wamu Takeaknga Lukga Matakut Taknga 4:12

Iniwan yake anzing inikut, “Anututane wapatang anzing yakut, ‘Gata Anutu Buyambam tapa ma tasiwi siwan,’ ngang yakut takngae natake dua paapit,” ngang inikut.

Aposel 15:10

Sike tupa baminu yuking gatu apmanu nisaaya kwatanbam tasike Mosesde mama wam tawake ngana katak dua tasike undang pimakamang. Siwan sanga wa kwatanbam tasikamang kaknga kepman nana Jesue pandetna dakngake yuaing aminda tasiningge dua yanim. Unzing tasike ginda asikaya Anutu tasiwa siwikge yakaing.

Aposel 5:9

Iniwan yake anzing inikut, “Gitda natake nitda kem tasita Waung Takwanda dua ba nindupik ngang natake tasita siwik ngang giu dasingge natapbumayak? Aminu gatane apba kwaiing aminda gwabok gwaune gwa apukaingge kepi gakngau natapso. Waakwakga ga gwaamutakuke kwaining,” ngang inikut.

1 Korin 10:9

Aho. Ninda Anutu dua tasina siwik. Unzing wa amikat nana kunduta sanga waiaknga tasike Anutu tasiwa sikut binga dua tasinim. Wa aminda Anutu tasiwa sikut ngana Anututa yawan gomokga apu yasiwa akumbing.

Hibru 3:9

Tapduu waomune na tasiwa sike nata gatayamuke nakanu 40 duya takngatu takngatu tasiwawa kake ngana nae masa namuking.