Matyu 26:52 - Wantoat

⁵² kake Jesuta anzing inikut, “Paipba tangine teyo. Aminu kuupbamda paipda amningu paipde akumning.

Matyu 26:52 ပူးပေါင်းရင်းမြစ်များ

Lotutane Kap Taknga 55:23

Siwan ngana Anutu, ga amin wai tasikaing aminu kaipakepi gapma gupna bukataning gapmane pukunong. Aminu amin zipnangge tasikaing amikat gatu aminu tanzit tasikaing amikatda tapduknga wena dua siawan ngana waakwau akumning. Siwan ngana ninan, gae baniu kekeknga asinggan siwit.

Matyu 5:39

Ngana apmanu nata daniwa natapnong. Ginda aminu ginde wai tasindamanu waapa yake wai ma tasingamam. Wena. Sike aminu tapatuta aamba kautdu wesiwanu katewi aamba gatu kautduat wesiyok.

Pas Polda Rom Nana Aminde Matayamukut San 12:19

Siakan notna. Ginda yake yake ma amapam. Aho. Ginda wikake yuwawa Anutu awia tapatutakan toknga yake yamik. Unzing Anututa wamu takngatu yawan natake ayanikapsa aminu tapatuta anzing matakut, “Natakan yake toknga aknga wai aminde ayamit,” ngang matakut.

1 Tesalonaika 5:15

Ginda waiaknga aminda ginde tasindamukaing kakngae yake yake ma pasiyamam. Yake dua pasiyamuke tapdukbamu asinggan ginda sanga takeaknga notza Jesuat nana amikat gatu aminu kuupbapatde pasiyamunangge banip gwaang natake pasinong.

1 Pita 3:9

Gindane iwanzata enake gin pasiwa maining ba atdanisapduwa ngana ginda yake wa amin pasiwa maining ba ayanisapdutnangge ma natapam. Aho. Ginda awikake yuke wamu takekan yake wa aminu Anututa gatayamikge natake yanong. Asikaya Anututa gin gatandamunangge natake ginu dua yandawakut ba dasing?

Wamu Jonda Mia Kake Matakut San 13:10

Anututa aminu tapatutane iwanata waapa tanggaganutningge kapewanu waapa atanggaganutning. Sike iwanata waapa paipda tanguwa kupikge kapewanu atanguwa kupik. Sike sanga waakngata asaawanu Anututane aminabamu kekeknga yuke wa aminu Anutue natapa kekeknga siyok.

Wamu Jonda Mia Kake Matakut San 16:6

“Ngan. Wa aminda enake gatane amindabam gatu aminu gatane wamu ayanikapbing amin ngang zipa kungwake daknga tukngwaking. Unzingge gata wa amindane wamna katak siknga usanzike dau yami tangokaing. Wa aminde meya waaknga yami pakaingu wa nomana siknga tasinggayak,” ngang inikut.