Matyu 24:31 - Wantoat

³¹ Nandugwauke yuwawa nata pumu kumzang puyake angelana yanipewa kuke aminu Anututa papan aminabam dakngake yuaingu kepna kepna nana kuku pake pakapu unekan pening,” ngang ninikut.

Matyu 24:31 ပူးပေါင်းရင်းမြစ်များ

Lotutane Kap Taknga 22:27

Sike aminu keune nana kuupbamu musia papatekngwamban Anutue natanggamataning. Natake gatu ie apning. Ngan, aminu kuupbamda munu puke inimbaknganing.

Lotutane Kap Taknga 67:7

Siakan siknga, Anututa ninu take pasikut. Take pasiwawan kake aminu kepna kepna yuaingu ie gepbiatang koyutnong.

Lotutane Kap Taknga 81:3

Sike tapduu buyambam gwene yekau yeik gwenda akoke kuku yapii gwen singgak komune pum puyapnong.

Matyu 13:41

Na aminbamdane notnaapa dakngake angelana yanipewa kuke aminu Anututa papan aminabam dakngake yuaikat nana pasiwan maikaingu apake gatu aminbamda waiaknga pasikaingu kuut paning. Pake Anutue kekeknga aknga gepbiatang dua yutningge ayanikwasiwa katap bapatang kuning.

Matyu 24:22

Sike Anututa tapduknga wagwenu dapaknga dua isatakepikge yakut gamu aminbamu wena asiwan. Ngana Anututa papan aminabam dakngake yuya aminde natake tapduu wagwen dapaknga isatakepik.

Matyu 24:24

Sike, ‘Anututa na tapan Krais dakngake yuat,’ ngang kem yaya amikat, ‘Anututa na tapan ayanikapsa amin dakngake daniwa natapnong,’ ngang kem yaya amikatda enake duya kekeknga siknga takngatu takngatu pasining. Pasiwawa kake aminu buyambamda pimatning. Siwan aminu Anututa papan inane aminabama dakngake yuya amindaaya kuut siakan ngang natake undang pimatningge panziwa maiwik.

Matyu 24:32

“Ginda katau baapdaka kake natdetnong. Kainga yanggana kaya siwan tatakngi kayuk akopa kake anzingu atnatdekaing, ‘Apmanu kep takawan gunzitda isiwikge tapduknga gwa singgak,’ ngang yakaing.

Matyu 25:31

“Siwan masande na aminbamde notnaapa dakngake yuat tapata kekeknga akngana buyak apit. Naat angela kuupbapatda apnim tapduk gwene na buyambamtapa dakngake kekeknga aknganane yuwit.

Matyu 28:18

Siwan Jesuta apuke wamu takngatu anzing ninikut, “Anututa kekeknga kuupbam nae gwa naman enandang yuaikat keune nanaatde takeapa dakngake yuke daniwa natapnong.

Wamu Takeaknga Makga Matakut Taknga 13:27

“Siwan tapduu waomune nata angelana yanipewa kuke aminu Anututa papan inane aminabam dakngake yuaingu kepna kepna nana kuku pake pakapu unekan pening,” ngang yanikut.

Wamu Takeaknga Lukga Matakut Taknga 24:47

Enawana ie umande wamu Jerusalem tuwanguke kuke aminu kuupbamde yanikapa natake musia tapa tekwambana Anututa waiakngana sandeyamik,’ ngang mataking.

Wamu Takeaknga Jonda Matakut Taknga 11:52

Yake ita paku kungwake Judia nanakan gatayamikge dua yakut. Aho. Ita kungwake aminu Anututane waaknga dakngake kepna kepna yutakuningu dongu takngatukan daknganingge gatayamuke tasiwikge yakut.

Pas Polda Rom Nana Aminde Matayamukut San 10:18

Siwan asikaya aminu kunduta wamu waaknga dua ba natapbing ngangu ninda yananga dua. Aho. Kuupbamda atnatapbingge wamu Anutue wapatang yanikapsa aminu tapatuta anzing matakut, “Wamu wa aminda yanikapbingu waaknga yatakuwa sandekgak. Wamu wa aminda yanikapbingu waakngata kepna kepna tawamban sandekgak,” ngang matakut.

1 Korin 15:52

Tapduu ngwenga gwene angelata pum puyapan zetgaman siknga ninu gupminu inata kundu daknganim. Ngan. Pum puyapan akupsa aminu kuupbam Anututa gatu pangenawik. Pangenawan wa amindane gupna gatu bukatananga dua. Aho. Ita nin pangenawan ninu sanga inata kunduta iwaa teaing binga dakngake yutnim.

1 Tesalonaika 4:16

Sike aminu wa enandangga asepik kapa Jesu Buyambam tapaninu unin. Ita epuke wamu kekeknga aminbamde yayawamban angela tupan tapata Anututane pum puyapan kepdakane gatuna epik. Epuwawan aminu Jesutane aminabam dakngake yusika akumbingu gatuna enatning.

2 Tesalonaika 2:1

Siwan mate notnabam. Ninda wamu takngatuat Buyambam tapaninu Jesu Kraisda gatuna epu ninu yaniwamban ninda ie kuke iat unekan gatake yutnimde wam danina natapnong.

Hibru 12:19

Kake wa aminda nataawa gakngau pum puyanggak binga siwan natapbing. Nataawa wamu takngatu inata kundu Anututa yawan natapbing. Natake wamu wa binga masande natapningge apbitake yaking.

Wamu Jonda Mia Kake Matakut San 1:20

“Siwan gata kaawi yekapdaau katau kuut musa kautdu gweaya ngangu natane kataknga siyaapane yuwa kayak gatu lamu golda sake tasikingu katau kuut musa kautdu gweaya ngangu andang yuwa kayak. Wa unzing tuwang binga. Sike itane yapiie ganiwa natapso. Yekapdaau wa kwiiknga aminu Anututane amina yotna yotna katau kuut musa kautdu gapmaane nana aminde kuke Anututane wamu yanikapmakaing. Siwan lamu wa Anututane amina you wa gapma gapmane yuaing,” ngang nanikut.

Wamu Jonda Mia Kake Matakut San 11:15

Siwan nata nataawa angela katau kuut musa kautdu tapaaya ngangu pum pakingkat nana masan siknga apata pumna puyapan natapbum. Sike nata nataawa wamu kundu enandangu apaa anzing yanggamataking, “Nindane Buyambam tapanin gatu aminu ita tapan itane aminabam gatayamuke waiakngane sandekut tapaat ngangga aminu kepna kepna nana amin kayuaingu kuupbam pake waapaatda kekekake aminu waakwau asinggan asinggan akayuamayak,” ngang yaking.

Wamu Jonda Mia Kake Matakut San 7:1

Sike sanga wa kuupbam nata kawa puyuwana nata kake angela tapaat tapaatda keu kaukaut yuke gou ina unzakan takngaat takngaat panggaganuke yuwa kakum. Gou wa panggaganuke umuba got takngata kepdakane ba yanggabam gwene ba katap dakandakane ngangu dua puyapikge tasiwawa kakum.

Wamu Jonda Mia Kake Matakut San 8:2

Siwana masande nata kake angela katau kuut musa kautdu tapaaya ngangga Anutue nomune yukingunin kakum. Kawawa angela waakwau inandek inandek pumu gwendu gwendu papa kakum.