Matyu 22:44 - Wantoat

⁴⁴ ‘Buyambam tapata natane buyambam tapana anzing inikut, Ga umanda kayaapa dakngake yuayakge natane kataknga siyaapane yuwawi nata iwanda panggaganuke pewa gae gepbiaatang koyutning,’ ngang inikut.

Matyu 22:44 ပူးပေါင်းရင်းမြစ်များ

Lotutane Kap Taknga 110:1

Buyambam tapata natane tupan tapana anzing inikut, “Ga umanda kopsa apa, gata nae apu natane kataknga siaapane pukuyuwawi nata tasiwa gatane iwanda gae gepbiatang koyutning.”

Lotutane Kap Taknga 21:9

Gatu ga kakaa komune apukengu gata iwanda pasiwi sopuning. Unzing katapda sangabam yasiwan kungwakaing binga. Siakan, Buyambam tapata musia toknga natayamuke waaminu yaipapaakusike katapda kuupbam sapewan yasining. Unzing aminu tapatuta sanga ngok guyangukgak binga.

Matyu 22:45

Devitda ina, ‘Buyambam tapana,’ ngang inikut. Ngang dasingge ginda ita Devitdane dongane aakut nganggan yakaing,” ngang yanikut.

Matyu 26:64

yake anzing inikut, “Gika gwa yanggayak. Ngana nata daninggat. Apman gatu masan ngang ginda nanduwawa na aminbamde notna dakngake yuat tapata Anutue kataknga siyaapa kekeknga kuupbamu kayaapane yuke minga musane yuke asepuwawa nandupning,” ngang inikut.

Wamu Takeaknga Makga Matakut Taknga 16:19

Siwan Buyambam tapa Jesuta wamu yawan puyuwana Anututa i take enandang takopbut. Takopan ita kekekngana kayaapa dakngake Anututane kataknga siyaapane yuak.

Wamu Takeaknga Lukga Matakut Taknga 19:27

‘Sike natane iwanata na buyambam tapa dakngawitde apbitakingu ginda ane kaipakapu kainane zipa kumbut,’ ngang yanikut.” Ngang Jesuta tuwang wamu waaknga unzing yanikut.

Wamu Takeaknga Jonda Matakut Taknga 20:28

ngang iniwan yake, “Aana,” ngang yake gatu, “Anutuna,” ngang inikut.

1 Korin 1:2

ginu Anututane aminabam dakngake yuaingu Korin yot gapmane nana aminde matandamukamak. Jesu Kraisda ginde tangge kungwandaman Anututa ginde natake ginu amin noman daknganingge natake ita ginu yandawamban ginda ie kuwa ita inae papan ginda amin noman dakngake yuaing. Gikat gatu kepna kepna nana kuutda Jesu Krais nikat gatu wa amikatdane Buyambam tapanin yatawakaingu kuupbamu Anututa papan itane amin noman dakngake yuaing.

1 Korin 15:25

Dasingge? Anututa tupa yawan Kraisda tupan sikngaapa dakngake aminu kuupbamde kuyana yuak. Yusika ita inane iwana kuupbam yapbike pasiwan pimake itane gepbiatang yutning.

Filipai 3:8

Siakan. Nata Jesu Kraisde natake ita natane Buyambam tapana ngang natapa kekekanggak. Natapa kekekawan ita na gatangamuke sanga kuupbamu aminda tasike sanga waakngata nin gataniman Anutue nomune gitna yutnim ngang nataaing kaknga ita ayapbikut. Unzingge nata Krais waapa tanangge natake nata sanga wa tupa ie apbakngakum takngae apbitateke natapa sanga moo siknga mutewa kunanga aknga binga singgak.

Hibru 1:13

Siwan Anututa yake, “Ga natane kataknga siyaapa saak pukwiwi gatane umanda enane siknga kopsok. Kopan yuwawi nata gatane iwanda yapbike kaipakapa gae gepbiatang koyutning,” ngangu angela tapatue dua inikut. Wena siknga.

Hibru 1:3

Sike waaknga waapata nindane natdetdetnin papan kakaawan Anututane yapii anggaman siknga siwan nataamang. Siwan waaknga waapa Anutu siknga unin. Itane wamna kekekngana kaya. Siwan wamu ita yakut takngata sanga kuupbamu enandang nana gatu kepdakane nana kuut papan kekekakaing. Papan kekekawa ita ninu aminu kuupbamdane waiaknganinde toknga panimukut. Panimuke waiaknganin sandetnimunangae kepi tasinimuke ita enandang gatuna kopbut. Koke ita Anutu enane siknga yuak kapae kataknga siyaapa saak pukwikut. Pukwiwan itane umana enane siknga yuak.

Hibru 12:2

Tasike ninda Jesue natanggamatake kepi ita katak siknga tawake tasikut taknga tawake tasinim. Siwan Jesu waapata amin saamdakane kupikge dua gwaukut. Aho. Ita Anutu kakusike Anututa i gatangaman apmea take siknga yuwikge apbakngakut. Bakngake ita maaknga amin saamdakane kungwake tapik kakngae natapan sanga kwanga moo binga sikut. Siwan apmanu itane umana buyambam siknga siwan ita Anutu nin ninduyuak kapatane katakngi siyaapa saak pukwike yuak. Sike waapata Anutue natapan kekekawan tasikuu wa ita aminu Anutue natapa kekekakuu kuupbam yapbike Anutue asiknga natanggamatake tasikut. Sike ita unzing tasikut takngata nindane musipmin pangenawan ninda Jesu katasike nikaya kuut Anutue natanggamatake tasinim.

Wamu Jonda Mia Kake Matakut San 19:19

Siwan nata kawawa kaapzongu wagwekat gatu aminu kepna kepna nana kuupbamdane tupan tapaapa gatu wa amindane amak aminu kwaapzang ngangga unekan apuke amau aminu ikwawa gamanu hos gwendane masene pukwikuu waapaat gatu itane amak amin takwakat amningge natapbing.