Matyu 20:30 - Wantoat

³⁰ Tawake kuwawa aminu kai wai sikumayau tapaaya kepiapane pukwike yuwawat Jesuta apu kuwan natake wamu apaa yanggamatake anzing yakumayak, “Buyambamtapa. Ga Devitdane dongune aakuyak kapa. Gata nitde butaya natapso,” ngang inikumayak.

Matyu 20:30 ပူးပေါင်းရင်းမြစ်များ

Lotutane Kap Taknga 146:8

Siwan gatu ita tasiwan kai akusia aminu gatuna akaaing. Siwan meya takngatu takngatuta apu pasiwan maikaingu asandeyamunggak. Buyambam tapata amin noman yuaing aminde apbaknganggak.

Matyu 13:4

Muban zakngi kundu kepiapane pimapa apu kwaitda atnaking.

Matyu 15:22

Siwan Jesuta keu wakomune kundopan keu komdu umana Kenan ngang yakaing. Wakomune nana maya tapatuta apu anzing inikut, “Buyambamtapa. Bamin Devitdane dongane aakuyak kapa ga. Nae butaya natapso. Waung waita natane yapana tapan yapanata mainggak,” ngang inikut.

Matyu 20:31

Iniwat aminbamda kuma yutzande wamu kekeknga yaniwa ngana apaya yanggamatake anzing yakumayak, “Buyambamtapa. Ga Devitdane dongune aakuyak kapa. Gata nitde butaya natapso,” ngang yawat

Matyu 21:14

Siwan Jesuta you wagwende daman gwekatang yuwawan aminu kundu kai kusiya gatu kepi wai siya ngangga ie apa take pasiyamukut.

Matyu 21:9

Siwan aminbamu kundu tupan kuwawa kundu masan apuyuk anzing yanggammataking, “Devitdane dongune aakut tapata apan kana take siknga singgak. Umana tangenatnong! Anutu enane yuak kapata kawan take siknga singgak,” ngang yaking.

Matyu 22:42

“Ginu Anututa tapan Krais dakngake yuak kapae dasing nataaing? Waapa mamindane dongane aakut,” ngang yanikwaiwan yake, “Devitdane dongane aakut,” ngang iniwa

Wamu Takeaknga Makga Matakut Taknga 10:46

Siwan Jeriko yot gapmane kundoke gatu teke iat pandetnaat gatu aminbampatda unekan gatake kuking. Gatake kuwawa aminu tapatu kai kukgweat kusikumayau tapatu umana Batimias ngang iniking. Timiasdane waaknga. Ita kepi kwaimune pukwike aminde mani imuningge yayawanggak.

Wamu Takeaknga Lukga Matakut Taknga 4:18

“Anututane Waung Kapata kekekangaman nata wamu takeaknga sangaapana wena aminde yaniwitde na nanikut. Nanike anzing yaniwitde nanitewan kukum. Siwan kai wai siya aminu kaina take siningge yaniwit. Siwan take apata meya wam yaman pake yuaing amin gatayamuke sandeyama kuningge tasiwit.

Wamu Takeaknga Lukga Matakut Taknga 7:21

Iniwat natake tapduk wagwene Jesuta maitna inata inata siking aminu sandeyamukut. Ita waung wai kwaapzang sandepewan kuwa kai wai siking aminu pasiwan gatuna take kaking.

Aposel 2:30

Siwan Deviu Anutue wam natake yanikapbuu waapata yusika Anututa wamu takngatu iniwan kekekakut takngae natapbut. Natapan anzing inikut, ‘Apmea nata yawa gatane zakngi tapatuta enake Isrel amindane takeapa dakngake yuwik,’ ngang iniwan kekekakut.