Matyu 2:11 - Wantoat

¹¹ yoakatang koke engakat minga Mariaat kake umana yatangenatnangge natake akgwetake inimbakngake yakngaatang zike sanga kundu ie imuking. Mani buyambam gatu sanga planggane inuknga binga wa manina buyambamda usiking. Siwan katau dakatutane inuknga kapanga take siknga singgak. Siwan manina buyambam sikngata usikingkat imuking.

Matyu 2:11 ပူးပေါင်းရင်းမြစ်များ

Lotutane Kap Taknga 2:12

Ginda itane waakngae asinimbaknganong. Ita musiptok ginde natapsak. Dasingge, ita musiptou zaat natandaman ginda akumning. Siwan ngana aminu Anutue gepbiatang koyukengu, waakwakga apbaknganing.

Lotutane Kap Taknga 45:8

Sike gatane taukga aknga sanga kapanga kaa tasiwi taukga kapanga kaa siknga singgak. Siwan king kapatane yotna sanga kwaknga siknga dundumna siknga tasigwaanguke kap taikaing. Siwan kau waaknga taiwawa gata baknganggayak.

Lotutane Kap Taknga 72:10

Siwan Kingu Spen nanaapaat gatu Kingu yanggabamda ngwapbasiwan keu mateknga banakan yuaingune nanaatda musip gwaangge sanga kundu ie imuning. Siwan Kingu Arebia nanaapaat gatu Kingu Seba nanaapaatda ie takis pakapu imusan.

Lotutane Kap Taknga 72:15

Nata nataau Kingu waapa tapduu mamaya yuwikge nataat. Yuwawan Arebia nana aminda gol moni ie moo imuningge nataat. Siwan aminbamda Anutue tumuk wam iniwawan ita Kingu waapa asinggan gatangamikge nataat. Siwan tumuk wamu waaknga Anututa tasiwan King kapa take yuwikge ininingge nataat.

Lotutane Kap Taknga 95:6

Ginu apnong. Ninda gwapaknginu gwetake inimbakngana, Buyambam tapata ninu pasikutde. Ayok, inimbakngake ninda ie wesim kuke munu putna.

Matyu 1:18

Siwan Josepda Maria maatnae tapikge gwa yawan ngana dua takut. Tapduknga atapikge gwenu dapaknga siwan Anututane Waung Kapata tasiwan Mariata musiaapa siwan kaking.

Matyu 12:46

Jesuta wamu waaknga ayayuwawan itane mingaat uyapnaatda apu kepman yuke ininangge yaking.

Matyu 14:33

kake ninu dopangbam gwene yukumangu ie inimbakngake, “Siakande siknga ga Anututane waaknga,” ngang inikumang.

Matyu 2:10

Yekapdaakga yuwan kake musip gwaang natake

Matyu 2:2

Engangu kayukapa Judia amindane buyambam tapa dakngawik kapa zandang yuak? Ninu itane yekapdaak gwenu gunzitde yapiiatang yuke kake gwa aakut ngang natake apu ninu waapa inimbaknganangge apukamang ngang yaniking.

Wamu Takeaknga Lukga Matakut Taknga 2:16

Yake sipsipna undang peke zetgaman kuke you wanggapmane kundoke Josepat Mariaatda undang yuwat kaking. Kawawa engang kapata sipsip gamandane dopang gwekatang peawan kaking.

Wamu Takeaknga Lukga Matakut Taknga 2:38

Pasike yuwawan Simionda wamu waaknga Maria iniwawan Ana waapata inengan kuke engangu Jesu waapa kake Anutu inimbakngakut. Inimbakngayuk Anututa Jerusalem nanatane iwana zipmake yayawamban kuningge apbakngake yuya aminde engangu waapae yanikut, Anata.

Wamu Takeaknga Jonda Matakut Taknga 19:39

Iat Nikodimas aminu tupa zikaane ita Jesue apbut tapaatda sandeke takepbumayak. Siwan Nikodimas waapata katau dakaaya umana mel gatu alo ngang yanikainggane inuknga kupiawan pekingu pake aiwa pimapa undanggan kwaidotdonguke Jesue gupnane pasiwat kapanga take siwikge pakapbut. Itane meyana 75 ngang buyambam.

Wamu Jonda Mia Kake Matakut San 19:10

Ita unzing naniwan natake nata angela waapa tumuk wam ininangge natake nata itane nomune gwetawa ngana ita na anzing nanikut, “Gata unzingu ma tasiwim! Aho. Na Anutu dua. Na gatane puya amin notda tapatu. Sike na gatane notda bamu Jesutane umana yakapmakaing amindane puya amin notna tapatu. Gata Anutu awiapaekan tumuk wam iniyo,” ngang nanikut. Siwan wamu ninda Jesue natake yanikapmakamangu Anututane wam yanikapsa aminu kuupbamda wamu waakngakan yanikapmakaing.

Wamu Jonda Mia Kake Matakut San 5:8

Tapana sanga kayuk yuaingu gweaat gweaat gatu aminu 24 ngangu waakwakga enake sipsip mateu wagwende wesim kuke itane nomune gwetaking. Sike take aminu kuupbamda inandek inandek sanga tanguke kap tainanga gita tasikingunin paking. Sike gatu gapma gwegwenu kuut paking. Siwan sanga katapatang sawa kapanga take siknga singgakgane muyup muyup ngang pake gapma wagwegwene pamuba dopbing ngang kakum. Siwan muyup muyupdane yapii tumuk wamu Anututane aminabamda yakaingunin.