Matyu 19:11 - Wantoat

¹¹ ita yake anzing ninikut, “Aminu kuupbamda dua wamu ginda wa yaing kaknga taning. Wena. Anututa aminu kundue ayamik amindakan wamu waaknga taning.

Matyu 19:11 ပူးပေါင်းရင်းမြစ်များ

Matyu 13:11

“Dasingge gata tuwang wamu yaninggayak,” ngang inina yake anzing ninikut, “Anututa amin panangge tasinggak kakngae yapii akusopuke yuau anggaman daniwitde Anututa nandutewan nata ginu daninggat. Siwan ngana aminu aakwau wena,” ngang ninikut.

Matyu 19:10

Siwan ninu pandetnata anzing inikumang, “Wawita maatna inikwasiwikge kepi unzing siwanu wawita maya dua tapan take siwik,” ngang inina

Matyu 19:12

Aminu inata inata aminu maya dua paning. Wawi kundu mingata bokngikinguneta maya panangge dua nataaing. Siwan wawi kundutane gupna matawan maya panangge dua natapning. Siwan aminu kundu Anututa amin panangge tasinggak kakngae puya pasinangge natake maya paningge ayandakngakaing. Aminda wamu aaknga natapnanggengu take natapsok,” ngang ninikut.

1 Korin 7:17

Siwan tapduknga Anututa ginu kuupbam inandek inandek inae panangge yandawamban ie kuking gwene ginda sanga tupa nana kwaapzang pasikaking. Siwan sanga wa tupa tasikakingu kundukan ginda bitapenong. Ngan. Aminu gikat nana tapatuta aminu gupna matakaikat nana tapatu dakngake yukuu Anututa inae tanangge yatawamban ie kukut. Kuke waapata sanga wa inane gupna mataking kakngae natake dua maakawan. Dua maakake sanga wa ma takusopuwan. Ina unzakan aminu tapatu Anututa inae tanangge yatawamban ie kukut ngana itane gupna dua mataking. Waapata gupna mataningge dua natapan. Wena. Nata mama wamu waaknga aminu Anututane aminabam dakngake yuaingge kuke yamunggaunin.

1 Korin 7:2

Siakan ngana ginda sanga yasewa akngata nin papsak ngang natakengu ginu inandek inandek maatza take paning. Siwan mayata inandek inandek apnae take kuning.

1 Korin 7:35

Siwan wamu nata yanggau wa nata ginu take yutningge kepi umutdamunangge natake dua daninggat. Aho. Nata gin gatandama kepi nomana akngane sukuningge natake yanggat. Nata gin gatandama ginu Buyambam tapaninde kekeknga siknga yuke itane sangaekan natanggamatake yutningge natake wamu waaknga daninggat.